Update Station

रत्ननगर २ टाँडी चोक सिनेमा रोडमा अवस्थित नवीन धितालको घरको तल्लो तल्लामा रहेको राप्ती २ गड्यौली का गणेश भण्डारीको २ सटर भएको भण्डारी फेसन कलेक्सनमा बेलुकी ७:३० बजेको आसपास विद्युत सर्ट सर्किट भै आगलागी भएको छ । आगलागीले ३५ लाख माथि क्षति भएको अनुमान गरिएको छ । आगो पूर्ण रूपमा नियन्त्रणमा आइसकेको छ । ३ वटा दमकल तुरुन्तै आएको र रत्ननगर प्रहरीको सहयोगले आगलागी नियन्त्रण छिटो भएको प्रत्यक्षदर्शिले बताएका छन् ।
रत्ननगर उद्योग वाणिज्य संघका अध्यक्ष शंकर गिरी, वाणिज्य तर्फका उपाध्यक्ष हरी अधिकारी लगायतले स्थलगत अनुगमन गरी पीडितलाई संघले सहयोग गर्ने प्रतिबद्धता व्यक्त गरेका छन् ।

अखिल नेपाल राष्ट्रिय स्वतन्त्र विद्यार्थी युनियनकाे आयाेजनामा पूर्वी चितवनको खैरहनी- ८ पर्साको sky and cloud futsal ground मा असोज ७ र ८ गते २ दिने चल्ने रीवा स्कुल तथा कलेज स्तरीय फुटसल प्रतियोगिता सुरू भएको छ ।

Notice : हामीलाई श्रिलंकाबाट प्राप्त खबर अनुसार अहिले मैदानमा ठुलो वर्षा भइरहेको छ र खेल हुने सम्भावना एकदम न्युन रहेको छ ।

यती ब्रेवेरीको उत्पादन अर्ना बियरले एसिया कप–२०२३ अन्तर्गत भोलि (सोमबार) भारतविरुद्धको नेपाली खेलाडीले प्रहार गरेको हरेक छक्काबापत टिमलाई एक लाख रुपैयाँ दिने घोषणा गरेको छ ।
अर्ना बियरले आइतबार सामाजिक सञ्जालमार्फत भारतविरुद्ध नेपाली ब्याटरले प्रहार गर्ने प्रत्येक छक्का र बलरले लिने प्रत्येक विकेटबापत नेपाली टिमलाई एक–एक लाख रुपैयाँ दिने जनाएको हो । यस्तै, अर्नाले प्रत्येक चौकामा २५ हजार रुपैयाँ प्रदान गर्ने जनाएको छ ।
एसिया कपको समूह ‘ए’ मा रहेको नेपालले प्रतियोगिताको आफ्नो दोस्रो खेलमा भारतविरुद्ध खेल्दै छ । श्रीलंकाको क्यान्डीस्थित पालेकेले रंगशालामा हुने यो खेल नेपाली समयअनुसार दिउँसो ३ः१५ बजेदेखि सुरु हुने छ ।
यसअघि नेपाल प्रतियोगिताको पहिलो खेलमा पाकिस्तानसँग २३८ रनले पराजित भएको थियो । भारतले भने पाकिस्तानविरुद्धको खेल वर्षाले सम्भव नभएपछि अंक बाँडेको थियो ।