Kalika Media

गणतन्त्र दिवस २०८३ मुलसमारोहमा सहभागी प्रधानमन्त्री बालेन्द्र शाह

विश्व शान्तिका लागि नेपाली सेनाको वीरताको बलिदान!

विश्व शान्ति स्थापना अभियानमा अतुलनीय योगदान दिँदै आएका नेपाली शान्ति सैनिकको सम्मानमा शुक्रबार राष्ट्रसंघीय शान्ति सैनिक दिवस मनाइँदै छ। सन् १९४८ मा पश्चिम एसियाबाट सुरु भएको संयुक्त राष्ट्रसंघीय शान्ति अभियानको स्मरणमा मनाइने यस दिवसमा कर्तव्यपालनाका क्रममा ज्यान गुमाएका नेपाली शान्ति सैनिक सुरज लामिछाने र देवीराम जैसीलाई मरणोपरान्त सम्मान गरिँदैछ।

न्युयोर्कस्थित संयुक्त राष्ट्रसंघ मुख्यालयमा महासचिव António Guterres ले शान्ति सैनिकको सम्मानमा पुष्पचक्र अर्पण गर्ने कार्यक्रम रहेको छ। त्यही समारोहमा विश्वभरबाट ज्यान गुमाएका ६८ जना सैनिक, प्रहरी तथा नागरिकलाई ड्याग ह्यामर्शोल्ड पदक प्रदान गरिनेछ, जसमा दुई नेपाली वीर पनि समावेश छन्।

नेपाल संसारकै सबैभन्दा धेरै शान्ति सैनिक पठाउने मुलुकमध्ये अग्रस्थानमा छ। अहिले ३६४ महिलासहित चार हजार ३०० भन्दा बढी नेपाली सैनिक तथा प्रहरी विश्वका द्वन्द्वग्रस्त क्षेत्रमा शान्तिको पहरेदार बनेर खटिएका छन्।

आफ्नो मातृभूमिबाट हजारौँ किलोमिटर टाढा पुगेर अपरिचित भूमिमा मानवताको रक्षा गर्दै ज्यान अर्पण गर्ने नेपाली शान्ति सैनिकको साहस र समर्पण संसारकै लागि प्रेरणा बनेको छ। नेपाली वीरहरूले बोक्ने निलो हेल्मेट केवल पोसाक होइन, त्यो विश्व शान्तिका लागि नेपाली साहस, अनुशासन र बलिदानको प्रतीक बनेको छ। # Kalika Media