Himal sarovar

मुक्तक

मृत्यु निश्चित छ जिन्दगी रहला कहिलेसम्म।
आखिर म सङ्गको तेरो बदला कहिलेसम्म।
वकिल भएर न्यायाधीश भएर मेरै पक्षमा।
सून्नुपर्छ सधैं बिपक्षीकै फैसला कहिलेसम्म।

घनश्याम राना ऋतु
चिङ्गाड गाउँ पालिका -४, सुर्खेत
हाल बिरेन्द्रनगर

गजल

जिउनै नसक्ने, पारेर जाऊ
अनि तीर हानी, मारेर जाऊ

नहुँदा म तिम्रो, तक्दीरमा नै
अब आश्रुधारा, झारेर जाऊ

तब हुन्न हाम्रो, यो भेट कैले
ल!बसाइ अन्तै, सारेर जाऊ

गर बन्द पैले, नाकाहरू ती
कि नदी किनारा, तारेर जाऊ

कहिले नभेट्ने, बाचा गराई
अबदेखि बोली, बारेर जाऊ

छन्द_ तिल्चे
सूत्र_ IIS ISS SSI SS
गण_ स य त गु. गु.
विश्राम_६
अक्षर संख्या_११
गुनगुन_ ललला ललाला लालाललाला

रमेश थापा मगर असीम
दैलेख
हाल- मलेसिया