Uddab

एउटा गिद्धको बच्चाले भन्यो - "बुवा आज मलाई मान्छेको मासु खान मनलागेको छ ।" गिद्धले भन्यो - "हुन्छ बाबू ! म बेलुका लिएर आउँछु ।" यति भनेर ऊ उड्यो र बेलुका सुँगुरको मासु लिएर आयो । बच्चाले भन्यो - "यो त सुँगुरको मासु हो, मलाई त मान्छेको मासु खान मन लागेको छ।" गिद्धले भन्यो - "पर्खि ! म बेलुकासम्ममा बन्दोबस्त गर्छु ।" फेरि यति भनेर ऊ उड्यो र बेलुकी मरेको गाईको मासु लिएर आयो । बच्चाले रिसाउँदै भन्यो - "यो त गाईको मासु हो, मैले त मान्छेको मासु भन्या थिएँ।" गिद्ध फेरि उड्यो र उसले सुँगुरको मासु मस्जिदको छेउमा अनि गाईको मासु मन्दिरको छेउमा लगेर फ्याँकिदियो । केही समयपछि त्यहाँ मान्छेका लाशहरू छरपस्ट भेटिए र गिद्धका बाउछोरा मिलेर खुशी हुँदै टन्न मान्छेको मासु खाए । गिद्धको बच्चालाई यो कुरा अचम्म लाग्यो र आफ्नो बाउलाई सोध्यो - "यो सब चमत्कार तपाईंले कसरी गर्नुभयो, यति धेरै मान्छेको मासुको व्यवस्था कसरी भयो ?" गिद्धले भन्यो -"छोरा ! केही धुर्त मान्छेहरूले आफ्नो स्वार्थका लागि 'धर्म' र "जात" नामको भाइरस फैलाएका छन् । अनि यही धर्मको नाममा मान्छेहरु मर्न र मार्न सजिलैसँग तयार हुन्छन् भन्ने कुरा मलाई थाहा भएको हुँदा मैले आफ्नो बुद्धि लागाएर मान्छेहरुलाई मार्न र मर्न लगाएँ, अनि जताततै मान्छेको मासु नै मासु .... हाम्रो कुनै धर्म छैन अनि जात पनि छैन... त्यसैले तँ मज्जाले मासु खा !"
हाम्रो देशका नेताहरुको गिद्धको जस्तो बुद्धि अनि जनताको भेडाको जस्तो बुद्धि भएको हुनाले देश बर्बाद हुनेभयो, नेताहरु जनता मार्ने नयाँ-नयाँ उपाय लगाउदै छन्, जनताहरु नेताहरुको लहैलहैमा मर्न र मार्न सजिलै तयार छ्न् । देश कुन दिशातिर जाँदैछ भन्ने कुरा ठ्याक्कै भन्न कसैले नसक्ने स्थितिमा छ । पशुपतिनाथले सबैको रक्षा गरून् भन्नू भन्दा अरु कुनै विकल्प देखिदैन।।🤨

गुरुर्ब्रह्मा गुरुर्विष्णु गुरुर्देवो महेश्वर
गुरु साक्षात परब्रह्मा तस्मै श्रीगुरवे नमः
गुरु पूर्णिमाको अवसरमा मेरा श्रद्धय गुरुहरू प्रति हार्दिक नमन । यहाँहरुको आशीर्वाद सधै मिलिरहोस् ।