PRAYAS - NEPAL, Dhading

प्लानेट इन्फान्ट तथा डेभलपमेन्ट फ्रान्सको सहकार्यमा प्रयास नेपालले गजुरी गाउँपालिकामा सञ्चालन गर्दै आएको प्रारम्भिक बाल विकास कार्यक्रम (IECD), चेपाङ किशोरी छात्रावास, तथा समुदायमा आधारित अभिभावक शिक्षा परियोजना अन्तर्गतका गतिविधिहरूको समाज कल्याण परिषद्‌को मूल्याङ्कन टोलीद्वारा स्थलगत अनुगमन गरिएको छ।
उक्त अनुगमनका क्रममा गाउँपालिकाभित्रका विभिन्न विद्यालय, समुदाय तथा चेपाङ किशोरी छात्रावासमा पुगेर कार्यक्रमको प्रभावकारिता, उपलब्धि र कार्यान्वयन अवस्थाको मूल्याङ्कन गरिएको थियो।

गंगाजमुना र खनियाबास गाउँपालिकामा पशुपालन कृषक समुहमा बाख्रापालनका बिषयमा जलबायु कृषक पाठशाला संचालनमन छ । पाठशाला किसानको खोरगोठमा नै कृषकहरुको पु्र्ण सहभागितामा संचालन गरिन्छ । पाठशालामा बाख्राको बिउ पाठी छनौट,खोर निर्माण ,खनिज ढिक्का निर्माण र प्रयोग,बाह्य र भित्री परजिवी नियन्रणका लागि अौषधी प्रयोग,पिपिआर भ्यक्सिन, कोसे र अकोसे घाँस प्रर्वधन तथा प्रयोग, नश्ल सुधार लगायतका बिषयमा प्रयोगात्मक सत्रहरु संचालित कृषक पाठशालाको ज्ञान,सीप र प्रविधिको प्रसारले कृषकहरु हर्षित भएका छन् । प्रयास नेपाल धादिङले आड्रा नेपालको साझेदारीमा उत्थानशील जिविकोपार्जन तथा खाद्य सुरक्षा सुढृढिकरण परियोजना अन्तरगत गंगाजमुना र खनियाबास गाउँपालिकाका ३७ वटा कृषक समुहहरुमा बाख्रापालनसँग सम्बन्धित जलवायु कृषक पाठशाला मार्फत ज्ञान,सिप र प्रविधि प्रसार कार्यहरु संचालन हुँदै आएको छ ।