NPA Lumbini Chapter

विहान विहान एकदमै सकारात्मक खबर
अस्पताल फार्मेसी सन्चालन निर्देसिकाको कार्यानयन अनि औषधि व्यवस्था विभागको सक्रियता || अब चाहिँ केहि होला जस्तो छ है ||
======================================================
पश्चिमाञ्चल क्षेत्रीय अस्पताल भित्र फार्मेसी सञ्चालन प्रक्रिया सुरु भएको छ । अस्पताल भित्र निजी फार्मेसी चलाउन सर्वोच्चले रोक लगाएपछि साउन १ गतेबाट बन्द फार्मेसी अस्पताल आफैैले प्रक्रिया थालेको हो । अस्पतालका मेडिकल सुपेरिन्टेन्डेन्ट डा श्रीकृष्ण श्रेष्ठले औषधी खरिदका लागि टेन्डर आह्वान गरिएको र २ महिनाभित्रमा फार्मेसी सञ्चालनमा आउने बताए ।

उनले भने,‘माघ ५ गते टेन्डर आह्वान गरेका छौं । औषधी सूची तयार गरी पहिलो चरणमा ६ करोडको टेन्डर गरेको हो ।’ उनले ३५ दिनको समय दिएर टेन्डर गरिएको र मूल्यांकन गरेर खोल्न थप १५ दिन लाग्छ । फार्मेसी चलाउन १४ कर्मचारी चाहिन्छ ।

सर्वोच्च अदालतले अस्पताल परिसरमा निजी क्षेत्रलाई फार्मेसी संचालनमा रोक लगाउने र अस्पताल आफैले चलाउनुपर्ने आदेश दिएपछि साउन १ गतेबाट यो समस्या आएको हो । पहिलादेखि औषधी बेच्दै आएको फार्मेसीको म्याद सकिएको बोलपत्रबाट आएको नयाँ फर्मले संचालनको तयारी गरेका बेला सर्वोच्चको यस्तो आदेश आएको हो । उपभोक्ता हित संरक्षण मञ्चका तर्फबाट परेको रिटमा सर्वोच्च अदालतले गत असार १३ गते अन्तरिम आदेश र २९ गते परमादेश जारी गरी अस्पताल आफैंले फार्मेसी सञ्चालन गर्न आदेश दिएको थियो ।

पश्चिमाञ्चल क्षेत्रीय अस्पतालको फार्मेसी यस अघि मासिक १५ लाख रुपैयाँ भाडामा संचालन हुँदै आएको थियो । जहाँ अन्यत्र भन्दा धेरै औषधी सहुलियत दरमा किन्न पाइन्थ्यो । गर्मी याममा दैनिक एक हजार पाँच सय बिरामी आउने यस अस्पतालको फार्मेसी चलाउन पछिल्लो पटक मासिक २५ लाख भाडा तिर्ने गरी एक फर्मको नाम स्वीकृत गरिएको थियो । तर उक्त फर्मले सर्वोच्चको आदेशका कारण कारोबारै थाल्न पाएन । तीन सय ५० शैययाको क्षेत्रीय अस्पतालले गत आर्थिक वर्षमा मात्र चार लाख भन्दा बढीलाई ओपीडी सेवा प्रदान गरेको छ । गण्डकी र धवलागिरीका विभिन्न जिल्लाबाट बिरामी यहाँ आउने गरेका छन् ।

यसैबिच मानव अधिकार निगरानी समूह र जनसरोकार मञ्च कास्कीले मंगलबार अस्पतालमा भर्ना भएका बिरामी, कुरुवा तथा आफन्त फार्मेसी नहुँदा मर्कामा परेकोले तत्काल सञ्चालन गर्न मेडिकल सुपरिन्टेन्डेन्ट डा श्रेष्ठको ध्यानाकर्षण गराएको छ ।