Unity Youth Club

Madesh pradesh football League 2081 ⚽
1 point added to the team
Man of the match:- Avinash mahato tharu
🤜🤛

जिल्ला लिग फुटबल प्रतियोगिताको उपाधि वीरगञ्ज युनिटी युथ क्लबले उचालेको छ ।

पर्सा जिल्ला फुटबल संघद्वारा आयोजित प्रतियोगिताको फाइनल खेलमा भेट्रान्स सिटि क्लब वीरगञ्जलाई ३–२ गोलअन्तरले पराजित गर्दै युनिटी युवा क्लबले उपाधि उचालेको हो ।

वीरगञ्जको आदर्शनगर खेल मैदानमा शनिबार सम्पन्न फाइनल खेलको पहिलो हाफसम्म कसैले पनि गोल गरेका थिएनन् । दोस्रो हाफको ५ मिनेटमा युनिटी युवा क्लबले गोल गरेको थियो । लगत्तै भेट्रान्स सिटी क्लबले पनि एक गोल गरेर बराबरीको अवस्थामा खेल रोमाञ्चक बनेको थियो ।

त्यसपछि पुनः युनिटी युवा क्लबले गोल गरेर २–१ को अवस्था बनाएपनि युनिटी युवा क्लब दबाबमा थियो ।पुनः भेट्रान्स सिटीले गोल गरेर २ बराबरीको अवस्थामा आएपछि खेल झनै प्रतिस्पर्धात्मक बन्यो ।खेलको अन्तिम समयमा युनिटी युथ क्लबका रेमन डंगोलले टिमका लागि तेस्रो र निर्णायक गोल गरे ।जुन गोलले युनिटी युथ क्लबलाई उपाधिको दाबेदार
बनायो ।

खेलमा प्लेयर अफ दी म्याच युनिटि युवा क्लबका रेमन डंगोलले घोषित भए । लिगका विजेता र उपविजेता टिमले शिल्ड, मेडल र प्रमाणपत्र पाएका थिए । पर्सा जिल्ला फुटबल संघ पर्साका अध्यक्ष रोसन कलवारको अध्यक्षतामा भएको समापन समारोहमा वीरगञ्ज महानगरपालिकाका प्रमुख राजेशमान सिंहले विजेतालाई पुरस्कार प्रदान गरेका थिए ।

अखिल नेपाल फुटबल संघ मधेश प्रदेशका महासचिव दिपक साह, नेपाल पत्रकार महासंघ मधेस प्रदेशका महासचिव श्याम बन्जारा, नेपाल खेलकुद पत्रकार मञ्च पर्साका अध्यक्ष तिवारी यादव, भेट्रान सिटि क्लब वीरगञ्जका अध्यक्ष सबिन बस्नेत, उपाध्यक्ष सागर राणा लगायतको उपस्थिती रहेको थियो । संघका कोषाध्यक्ष पंकज श्रेष्ठले स्वागत मन्तव्य व्यक्त गरेको कार्यक्रमको सहजीकरण संघका महासचिव बिनोद परियारले गरेका थिए ।

ANFA Complex ❤️ Goal Nepal ❤️
Unity Youth Club FAMILY ❤️🔥