Arjun Kulung Rai

"अब शब्द होइन, चरित्र बोल्नुपर्छ !"

जनमत कहिल्यै मौन हुँदैन । कहिले भरोसाको स्वर बन्छ, कहिले चेतावनीको बाजा । अहङ्कारले सत्य अस्वीकार गर्दा, विचारभन्दा व्यवहार हराउँदा, पतनको बाटो आफैँ खुल्छ ।

भहकमा केही असलहरू बलि हुन्छन्, तर जनमत सधै जीवित रहन्छ । किनकि व्यक्ति गलत हुन सक्छ, तर सिद्धान्त मर्दैन । अब शब्द होइन, चरित्र बोल्नुपर्छ । सिद्धान्तलाई व्यवहारमा उतार्ने समय हो । शैलीलाई समयानुकूल, नवीन र सृजनशील बनाउने बेला हो ।

समीक्षा गरेर सुध्रिन सके इतिहासले फेरि सम्मान दिन सक्छ । तर पुस्ता र भविष्यकै विश्वास गुमाउनेले, भोलि आफ्नो पक्षमा उभिने आधार पाउन सधैँ कठिन हुने छ ।

चुनाव सकिन्छ, सम्बन्ध बाँकी रहन्छ ! 🙏

चुनाव लोकतन्त्रको महापर्व हो, तर जीवन केवल चुनावमा सीमित हुँदैन । चुनाव सकिएपछि पनि हामी यही समाजमा सँगै बस्ने, भेटिने र सहकार्य गर्ने मान्छे हौँ । नेतृत्व जनमतले तय गर्छ, बहुमतले परिणाम दिन्छ, त्यो लोकतन्त्रको सर्वोच्च विधि हो । त्यसैले परिणाम जसको पक्षमा आए पनि सम्मान गर्नु हामी सबैको कर्तव्य हो ।

राजनीति विचारको प्रतिस्पर्धा हो, सम्बन्ध तोड्ने माध्यम होइन । क्षणिक आवेग, कटु टिप्पणी र उत्तेजित व्यवहारले वर्षौँको सामाजिक तथा पारिवारिक सम्बन्ध बिग्रन सक्छ । नेताहरू पनि यही समाजका सदस्य हुन्; समाजभन्दा पृथक् कोही नेतृत्वमा आउँदैन ।

तसर्थ, चुनावी प्रतिस्पर्धालाई स्वस्थ र मर्यादित बनाऔँ । मतभेदलाई मतभेद नबनाऔँ । परिणामपछि पनि हाम्रो सम्बन्ध, सहकार्य र सामाजिक सद्भाव जोगाइराख्न संयमित, सभ्य र सकारात्मक व्यवहार गरौँ । यही नै परिपक्व लोकतन्त्रको पहिचान हो ।