Swastik Institute

कस्तो इन्सिच्युट/कलेज छान्ने ?

एसइई दिएर बसेका विद्यार्थी र अभिभावकका निम्ति प्रमुख प्रश्न कुन विषय पढ्ने, अनि कुन कलेज पढाउने भएको छ । यो विद्यार्थीले लिने आफ्नो जीवनको पहिलो महत्वपूर्ण निर्णय पनि हो । बुबाआमाका लागि सबैभन्दा महत्वपूर्ण एवं अमूल्य सम्पत्ति आफ्ना छोराछोरी हुन् । त्यसैले उनीहरूको कलेजको पठनपाठनका बारेमा अभिभावक चिन्तित हुनु स्वाभाविक हो । तर, आमाबुबाले छोराछोरीको इच्छाविपरीतको विषय पढाउनु र कलेज छान्न लगाउनु विद्यार्थीको भविष्यका निम्ति हितकारी हुँदैन । तसर्थ, कुन विषय पढ्ने अनि कहाँ पढ्ने भन्ने निर्णयमा अभिभावकले सहयोग गर्न सक्छन्, तर हस्तक्षेप भने गर्न हुँदैन । विद्यार्थीको इच्छा–आकांक्षा बुझेर सम्झाउन सक्छन्, तर आफ्नो इच्छा लाद्न हुँदैन । अभिभावकको अपरिपक्व सोच र ढिपीले बच्चाको करिअरसमेत बिग्रन सक्छ ।

बेलायती लेखक सिएस लेबुइजले भनेका छन्, ‘आधुनिक शिक्षासेवीहरूको कार्य जंगल काट्नु होइन, मरुभूमिमा सिँचाइ गर्नु हो ।’ तसर्थ, यो भूमिकाको बारेमा शिक्षक तथा अभिभावक बढी सचेत रहन जरुरी छ । त्यसैले विद्यार्थी र तिनका अभिभावकले कलेज छनोट गर्दा केही कुरालाई ध्यानमा राख्नु राम्रो हुन्छ ।

#व्यवस्थापन टिम : शैक्षिक संस्थाको व्यवस्थापकीय पक्ष निकै महत्वपूर्ण हुन्छ । कलेजको व्यवस्थापनमा रहेका व्यक्तिहरूको प्राज्ञिक दक्षता, कुशलता, उद्देश्यले संस्थाको वातावरण निर्धारण गरेको हुन्छ । यो विषयमा अभिभावक एवं विद्यार्थीले त्यहाँका पूर्वविद्यार्थी तथा शिक्षकहरूबाट समेत जानकारी लिन सक्छन् । कुनै पनि संस्था सफल वा असफल हुनुमा उक्त संस्थामा रहेको व्यवस्थापन टिमको क्षमतामा भर पर्छ । चलेको नाम र भव्य भवन हुँदैमा त्यो कलेज राम्रो हुन्छ भन्ने छैन । त्यो कलेजले तपाईंलाई कस्तो वातावरण प्रदान गर्छ भन्ने विषय प्रधान हो ।

#दक्ष शिक्षक : कलेज तथा स्कुल ज्ञानको बहस, विकास तथा संप्रेषणको औपचारिक थलो हो । आफ्नो विषयवस्तुमा दक्ष तथा अब्बल शिक्षकले विद्यार्थीमा सिक्ने भोक जगाउन सक्छन् । अबको शिक्षक गुगल वा युट्युबले पढाउने विषय पढाएर राम्रो शिक्षक हुन सक्नेछैन । तसर्थ, कलेजले शिक्षकको मूल्यांकन विद्यार्थीबाट गराउन जरुरी छ । शिक्षकले पढाउने विधिमा पनि परिवर्तन गर्न जरुरी छ । यसर्थ, जुन कलेजमा उत्साहित, सधैँ आफूलाई अपग्रेड गर्ने र अध्यापनलाई जागिर मात्रै नभएर लगावको रूपमा लिई विद्यार्थीसँग घुलमिल हुन सक्ने र विद्यार्थीको ‘आदर्श पात्र’ बन्न सक्ने शिक्षक छन्, त्यो कलेज निश्चय पनि उत्कृष्ट हुन्छ ।

धिरज यादव
सञ्चालक
स्वास्तिक इन्स्टिच्युट प्रा.लि.
बरगाछी, विराटनगर

❤️❤️❤️

Swastik Institute बिराटनगर - २ बरगाछी चौक CONTACT:- +977 9827300336 / 9811037748/9816762860 #Biratnagar #biratnagar_nepal #fypシ #study