Access Planet Org

स्थानीय तहमा 'महिलाको राजनीतिक प्रतिनिधित्व प्रवर्द्धन विषयमा सामुदायिक संवाद कार्यक्रम सम्पन्न
वैशाख ८, २०८३ (२१ अप्रिल, २०२६), भक्तपुर
एक्सेस प्लानेट संस्थाले UN Women सँगको साझेदारीमा भक्तपुर जिल्लाको स्थानीय तहमा राजनीतिमा 'महिलाहरूको प्रतिनिधित्व प्रवर्द्धन गर्ने उद्देश्यका साथ सामुदायिक संवाद कार्यक्रम सम्पन्न गरेको छ।
संवाद कार्यक्रममा रास्वपा, एमाले, नेपाली काङ्ग्रेस, नेकपा, श्रम संस्कृति लगायतका विभिन्न राजनीतिक दलका प्रतिनिधिहरू र नागरिक समाजका अभियन्ताहरूको सक्रिय सहभागिता रहेको थियो। कार्यक्रममा भक्तपुरमा निर्णायक तहमा महिला सहभागिताको वर्तमान अवस्था र चुनौतीबारे छलफल गरिएको थियो।
नीतिगत रूपमा महिला प्रतिनिधित्व सुनिश्चित गरिए तापनि वास्तविकतामा निर्णय प्रक्रिया र नेतृत्वदायी भूमिकामा सिमान्तकृत समुदायका महिलाहरूको पहुँच अझै प्रभावकारी बनाउनुपर्नेमा जोड दिइएको थियो। संवाद मार्फत राजनीतिक दलका प्रतिनिधिले स्थानीय तहमा पछाडी पारिएका समुदायका महिलाको प्रतिनिधित्व बढाउन आफ्नो तर्फबाट पहल गर्ने प्रतिबद्धता व्यक्त गरेका थिए।

Winner of the week 12 April, 2026
यस हप्ता को सहि उत्तर रहेको छ नं.c) अर्थात स्पर्श सञ्चार। यस हप्ता गोलाप्रथा द्वारा छानिनु भएका २ भाग्याशाली बिजेताहरूकाे नाम यस प्रकार रहेको छ:
1. रिकेश धिताल
2. Sangita Tamang
बिजेता साथीहरुलाई हार्दिक बधाई संगै आफ्नो मोबाइल नम्बरl यथासक्य चांडो इनबक्स गर्न हुन अनुरोध गरिन्छ । अन्य सम्पुर्ण सहभागीहरुलाई आफ्नो सहभागिताको लागि धन्यबाद ज्ञापन गर्दै अर्को पटक प्रतियोगिताको सबै नियमहरु (Like, Share and page Follow) पालना गरि सहभागिता जनाउनु हुन पनि हार्दिक अनुरोध गरिन्छ |

“मिडियामा अपाङ्गता संवेदनशीलता: पत्रकार अभिमुखीकरण तथा अन्तरक्रिया कार्यक्रम”
चैत २९, २०८२ (12 April, 2026)
एक्सेस प्लानेट संस्थाले चैत २९ गते विभिन्न सञ्चार माध्यममा कार्यरत पत्रकारहरूका लागि “मिडियामा अपाङ्गता संवेदनशीलता: पत्रकार अभिमुखीकरण तथा अन्तरक्रिया कार्यक्रम” सञ्चालन गर्यो।
कार्यक्रममा अपाङ्गतासम्बन्धी रिपोर्टिङ गर्दाका अनुभव र चुनौतीहरू, अपाङ्गताको परिभाषा र अपाङ्गताको बर्गीकरण, अपाङ्गतालाई हेर्ने अवधारणा, पहुँचयुक्तता र उपयुक्त अनुकुलता, नेपाली मिडियालाई अपाङ्गता भएका महिलाका सवालमा समावेशी बनाउन देखिएका चुनौति, अपाङ्गतामैत्रि सञ्चारका सम्बन्धमा पत्रकार र सञ्चारमाध्यमको कर्तव्य, अपाङ्गतासम्बन्धी सहि शब्दावलीहरू र अपाङ्गता समावेशी पत्रकारिताका लागि मिडिया र पत्रकारको भूमिका लगायतका विषयमा कार्यपत्र प्रस्तुति र गहन छलफल गरिएको थियो।
मिडियामा अपाङ्गता समावेशिताको विषयलाइ संवेदनशीलताका साथ ग्रहण गर्दै यो अभिमुखीकरणलाई अपनत्व गरिदिनुभएकोमा विभिन्न सञ्चार संस्थाका प्रतिनिधिहरू र साझेदारीका लागि Legal Empowerment Fund (LEF), प्रति आभार व्यक्त गर्दछौँ। पत्रकारितालाई अपाङ्गता समावेशी बनाउ यो अभिमुखीकरण कोशेढुङ्गा साबित हुने आशा गरेका छौँ।