Engr Baye

YA KAI BATIJJANE |❤️‍🔥

Allah Ya saka ka cikin al'umma ta tsaka-tsaki, kamar yadda Ya ce:

وَكَذَٰلِكَ جَعَلْنَاكُمْ أُمَّةً وَسَطًا

"Da haka ne Muka sanya ku al'umma mai tsaka-tsaki.

Saboda haka, wajibi ne ka kiyaye ma'auni na adalci.

Kada ka kasance cikin waɗanda s**a yi sakaci da haƙƙin Ahlul Baiti, kuma kada ka fake da son Ahlul Baiti har ka tauye haƙƙin Sahabban Manzon Allah ﷺ.

Sufaye sun gina Manhajin su ne a kan soyayya da girmama duka biyun: Ahlul Baiti da Sahabbai.

Ba sa ɗaga wani rukuni domin su rage darajar wani rukuni. Dukansu fitilu ne da Allah Ya zaɓa domin hidimar addininsa.

Lura da wasu suna ƙoƙarin jan hankalin wasu daga cikinmu zuwa ga wannan karkacewar, alhali kuwa tafarkin mashayikhanmu ba haka yake ba.

Duk wanda ya karanta kalaman Shehu Tijjani (r.a) da na Khalifofin sa zai ga yadda suke haɗa soyayyar Ahlul Baiti da girmama Sahabbai ba tare da sabani ba.

Babban Mau'auni

ka duba cikin Diwanin Shehu RTA Duk inda ya ambaci "Āl" ko ya yi yabon Ahlul Baiti, za ka ga ya haɗa da yabon Sahabbai da neman yardar Allah a gare su.

Domin su ne taurarin wannan addini; waɗannan iyalan Annabi ﷺ da waɗannan sahabbansa masu albarka. Ba za a cika son Manzon Allah ﷺ ba sai an girmama duk wanda Allah Ya kusantar da shi gare Shi.

صَلاَةٌ وَتَسْلِيمٌ عَلَى طَهَ أَحْمَــــدٍ وَآلٍ وَأَصْحَابٍ صِرَاطًا مُقَوَّمَا

صَلاَةٌ وَتَسْلِيمٌ عَلَى طَــــهَ أَحْمَــدٍ وَآلٍ وَأَصْحَابٍ وَمَنْ كَانَ مُرْسَلاَ

وَآلٍ وَأَصْحَابٍ مَدَى قَوْلِ مُوقِنٍ وَثِقْتُ بِرَبٍّ جَادَ لِي بِاللَّطَائِــــفِ

صَلاَةٌ وَتَسْلِيمٌ عَلَى خَيْــــرِ مُرْسَــــلٍ وَآلٍ وَأَصْحَابٍ ذَوِي الْفَضْلِ وَالْحَوْزِ

Allah Ya sa mu kasance masu adalci, masu kiyaye haƙƙoƙin kowa, ba tare da wuce gona da iri ko yin sakaci ba. Ameen.