KK Production

د Oregon State نه د ګران اظهار منظور سره California State ته
امریکه یو شمېر ځنګلونه لري
په لاره د سفر خپل کېف وي
سنفرانسیسکو ته راورسېدم او سبا لخېره به لاس اینجلس ته سفر لرم

د Astoria ښار په اړه لنډ معلومات

Astoria
د
Oregon
ایالت لوېدیځه څنډه ده، چیرته چې د کولمبیا سیند د ارام سمندر سره یو ځاې کېږي 🌊

د امریکا تر ټولو زوړ میشت ځاې د راکي غرونو لوېدیځ ته دی کوم چې په 1811 کې جوړ شوی . پخوا د "سالمون کیننګ" (کبانو )مرکز و او اوس یې دا مرکز میوزیم کې بدل کړی
وایب یو بندري ښار دی
زاړه د لرګو کورونه، د سمندر پلونه، د غرونو او سمندر منظرې. د "The Goonies" فلم ډېر سینونه هم دلته ثبت (عکسبند )شوي دي 🎬

ددې ښار مشهور ځایونه

- *Astoria Column*:
له پورته ټول ښار او سیند ښکاري
- *Columbia River Maritime Museum*
- *Riverwalk* - همدا ځای چې زه ولاړ یم د عکس ساین دلته دی
- *Pier 39* - د سمندري زمریانو کور
بلل کیږي
هوا یې تل یخه وي، د اوریګون په ساحل کې تر ټولو زیات باراني ځای دی ☔

دا د Astoria Column په نوم یو دنګ ځاې دی چې د Oregon ایالت د Astoria ښار په یوه غونډۍ کې موقعیت لري.

د *Astoria Column* پورته د لیدو ځای ته *164 زینې* لري
د ستون دننه سرپل زینه ده، لکه په برج کې
125 فوټه لوړه ده، خو د غونډۍ سره چې موقعیت یې لري ټول 294 فوټه له ځمکې نه پورته کیږي

زینې تنګې دي او د 14 تاریخي نقاشیو تر څنګ پورته ځې. پورته رسیدو سره د Columbia سیند + Pacific Ocean + د ټول ښار لید په یوه ځای کې درته ښکاري.

جوړښت : په 1926 کې جوړه شوې. د ایټالیا د Trajan Column په سټایل جوړه ده.

د ټولې ستون په شاوخوا د Oregon د تاریخ 14 مهمې پیښې انځور شوي - د Lewis & Clark سفر نه نیولې تر ریل پټلۍ پورې

د پورته نه د Columbia سیند، Pacific Ocean او د Washington ایالت په نظر راځي

ابادي
د 2025 د اټکل له مخې ددې
ښار ابادي 9,838 کسان
او په
2026 کال کې اټکل 9,774 کسان شمېرل شوي خو اوس د لسو زرو نه زیات خلک دي
شاوخوا 4,463 کورنۍ
د منځنی عمر خلک 40.3 کاله
ښځې/نارینه : 50% ښځې، 50% نارینه
ابادي یې کمه ده خو دا ښار د Oregon په ساحل کې تر ټولو لوی ښار دی. پخوا ئې د کبانو د روزګار له امله ډېره ابادي لرله،
Astoria ته د دې ملکونو خلک راغلي
مکسیکو د Oregon ساحل سیمې ته د کبانو او کښتۍ کار لپاره ډېر مکسیکایان راغلي
فلیپین د بندر او سمندري کار لپاره
کینیډا د پولې نږدې والي له امله
جرمني، انګلستان، سکاټلنډ پخواني کډوال، ځکه Astoria په 1811 کې د امریکا لومړنی لوېدیځ میشت ځای و
ویتنام، جاپان د کبانو د کار لپاره
Astoria د "د امریکا لومړنۍ لوېدیځه مستعمره" په نوم یادېږي. په 1800 لسیزه کې فنلندیان، نارویژیان، جرمنیان او چینایان د کبانو د فابریکو لپاره راغلل. همدا وجه ده چې اوس هم د "فشینګ ټاون" وایب لري 🎣
د 15.7% خلک یې Hispanic/Latino دي، چې اکثره یې مکسیکو او د مرکزي امریکا نه راغلي.

ددې ځاې کورونه په ښکلي ډول جوړ دي او د سړک په غاړه هوسۍ بې خطره په ګڼ شمېر کې ګرځي سم د ماښامه خاموشي ، او د سمندر په غاړه هر یو قدم خپل خوند لري

ددې ښکلي ځاې په اړه لنډ معلومات دا دي
نوم
Multnomah Falls
د Multnomah د قبیلې په نوم جوړ دی - د هغوی په ژبه کې "چې اوبه راښکته کېږي" مانا لري
تاریخ
ددې ابشار طبیعي عمر : 15,000 کاله پخوانی ښائي او دا ابشار د یخنۍ دورې سیلابونو جوړ کړی
Benson Bridge
ورپسې په
1914 کې جوړ شو
ځای
- *سټیټ*: Oregon, USA
- *سیمه*: Columbia River Gorge National Scenic Area
د واشنګټن پولې سره : Vancouver, WA څخه 25 دقیقې فاصله، Exit 31

د کولمبیا سیند خوا ته د سیند شمالي غاړه کې
د امریکا دوهم لوړ دایمي آبشار دی چې 620 فُټه اوچت والی لري او د هاي وې سړک نه لیدلې کېږي نو ځکه مشهور دی

ټول کال ورته د مختلفو ملکونو او امریکا میشته ملیونونه خلک سېل له راځي

نن ورته زه هم لاړم او دا عکسونه یې تاسو ته سره د لږو معلوماتو ډالۍ کوم
هیله ده خوښ مو شي

دا په امریکه کې واشنګټن سټېټ دی
دلته زما ملګري دي روزګار کوي دلته امن دی
او چې سوشل میډیا ته انسان سر ورښکاره کړي په پښتون افغان وطن کې نه روزګار شته او نه امن
که په غندلو شي غندو ئې که په ازار شي په نره ښیرې کوو
خو بیا هم د تېرو څلویښتو د پاسه کلونو نه په پښتنو ظلم کیږي
الله دې ورحمیږي آمین