ATK

#ညအခါလသာသာ

မှာ တင်သမျှ Video အားလုံးကို Reel အဖြစ် ပြောင်းမယ်

Facebook က အနာဂတ်မှာ အသုံးပြုသူများ တင်သမျှ Video အားလုံးကို Reel အဖြစ် ပြောင်းလဲသွားမယ်လို့ အစီအစဉ် ထုတ်ပြန်လိုက်ပါတယ်။

အရင်က Reel ဆိုတာ စက္ကန့် ၉၀ အောက်သာ တင်နိုင်တဲ့ Short Video ပုံစံ ဖြစ်ခဲ့ပေမယ့် ယခုအချိန်မှာတော့ နိမ့်ဆုံးအချိန် ကန့်သတ်မရှိတော့ပဲ ရှည်လျားသော်လည်း Reel အဖြစ် သတ်မှတ်မယ်လို့ သိရပါတယ်။

နောက်ထပ် အရေးကြီးတာက မိုနီတိုက်ဇေးရှင်း (Monetization) စနစ်ပါ။ ယခင်က Video တင်ရုံနဲ့ ရရှိနိုင်ခဲ့သည့် ဝင်ငွေ စနစ်ကို ပြောင်းလဲပြီး Qualified View ပေါ်မူတည်သည့် စနစ်သစ်ကို အသုံးပြုသွားမယ်လို့ Facebook က ကြေညာထားပါတယ်။

Qualified View ဆိုတာမှာ တစ်မိနစ်အထိ ကြည့်ရှုထားတဲ့ View များကိုသာ အဓိကထားတွက်ဆမည် ဖြစ်ပြီး View အရေအတွက်များရုံနဲ့တော့ ဝင်ငွေမရနိုင်တော့ပါ။ ဥပမာအားဖြင့် Video တစ်ခု ၁ သန်း Views ရခဲ့သည်ဆိုပါစို့၊ ထိုအနက် တစ်မိနစ်ပြည့်အောင် ကြည့်ခဲ့သည့် View များပေါ်မူတည်မှသာ ဝင်ငွေ ရရှိမည် ဖြစ်ပါတယ်။

ထို့ကြောင့် Creator များအတွက် အဓိကလိုအပ်ချက်ကတော့ ကြည့်ရှုသူများကို အဆုံးထိ ဆွဲဆောင်နိုင်မည့် Quality Content ဖန်တီးခြင်း ဖြစ်လာပါတယ်။

ထိုအပြင်၊ ၁ မိနစ်အောက် Video များအတွက်တော့ Engagement ပေါ်မူတည်သည့် စနစ်ဖြင့် အချို့ဝင်ငွေ ရနိုင်မယ်လို့ သိရပါတယ်။

တရုတ် လူငယ် ကျောက်ကပ်ရောင်း iPhone ဝယ်ပြီး ၁၄ နှစ်အကြာ မသန်စွမ်းဖြစ်

၂၀၁၀ ခုနှစ်က တရုတ်နိုင်ငံ Anhui ပြည်နယ်မှ လူငယ်တစ်ဦး Wang Shangkun (အသက် ၁၇) သည် မိမိကျောက်ကပ်တစ်ဘက်ကို ရောင်းချပြီး Apple iPhone 4 နှင့် iPad 2 ဝယ်ယူခဲ့သည့်အတွက် နောင်တကြီးမားဆုံးဖြစ်နေသည်။

အဆိုပါအချိန်က iPhone 4 သည် တရုတ်နိုင်ငံဆယ်ကျော်သက်များအကြား အလွန်ကျော်ကြားခဲ့ပြီး Wang သည် သူငယ်ချင်းများထက် မနိမ့်ချင်သည့်စိတ်ကြောင့် ဖုန်းကို အလွန်လိုချင်ခဲ့သည်။ သို့သော် မိသားစု၏ စီးပွားရေးအခြေအနေကြောင့် မိမိအိပ်မက်ထားသည့် ဖုန်းကို မဝယ်နိုင်သဖြင့် အွန်လိုင်းကြော်ငြာတစ်ခုမှတဆင့် မတရားအဖွဲ့တစ်ဖွဲ့ကို ဆက်သွယ်ကာ ကျောက်ကပ်တစ်ဘက်ကို ယွမ် ၂၀,၀၀၀ (အမေရိကန်ဒေါ်လာ ၃,၀၀၀ ခန့်) နဲ့ ရောင်းချခဲ့သည်။

ခွဲစိတ်ပြီးနောက် သူသည် ဖုန်းနှင့် တက်ဘလက်ကို ဝယ်ယူပြီး အိမ်သို့ပြန်လာခဲ့သော်လည်း မိခင်က သံသယဝင်မေးမြန်းရာမှ အမှန်တကယ်ကို ထုတ်ဖော်ခဲ့ရသည်။ ထိုအခါမှစ၍ မိသားစုအတွက် ကြီးမားသည့် စိတ်ဒဏ်ရာဖြစ်သွားခဲ့သည်။

ထိုသို့ ခွဲစိတ်မှုကို မတရား၊ မသန့်ရှင်းသည့်နေရာတွင် ပြုလုပ်ခဲ့သဖြင့် အဆုတ်ပိုးဝင်ခြင်းများဖြစ်ပေါ်ကာ ကျန်ကျောက်ကပ်တစ်ဘက်ပါ ထိခိုက်သွားခဲ့သည်။ နောက်ပိုင်းတွင် အာဏာပိုင်များက မှောင်ခိုဂိုဏ်းကို ဖမ်းဆီးခဲ့ပြီး Wang မိသားစုကို လျော်ကြေးငွေ ပေးခဲ့သော်လည်း သူ၏ကျန်းမာရေးကို မပြန်ကောင်းစေနိုင်ခဲ့ပါ။

လတ်တလော အသက် ၃၁ တိုင်ပြီးသော Wang Shangkun သည် ကျောက်ကပ်လုပ်ဆောင်နိုင်စွမ်း ၇၅% ဆုံးရှုံးထားပြီး အဆင့် ၃ မသန်စွမ်းအဖြစ် သတ်မှတ်ခံထားရသည်။ အလုပ်လုပ်နိုင်စွမ်းမရှိတော့သည့်အတွက် ဆေးရင်းဖြင့်သာ နေထိုင်နေရပြီး ဘဝတစ်လုံးလုံး နောင်တဖြစ်နေကြောင်း သိရသည်။