Ede Books

"Id-daħla, ta’ min jgħid, hija mhux biss informattiva iżda kreattiva u tista’ kważi kważi titqies letterarja. Bartolo ttraduċa dawn il-poeżiji dirett mill-Grieg Antik u jippreżentahom maġenb is-sors Grieg li uża. Minbarra d-diffikultà ta’ kull traduzzjoni, dan il-proċess kien saħansitra iktar kumpless peress li hemm verżjonijiet differenti tal-korpus tax-xogħlijiet ta’ Saffo u tal-interpretazzjoni tal-kliem fuq il-papiri bit-testi sors. Bartolo jiddedika ftit paragrafi biex jispjega l-għażliet tiegħu f’dan ir-rigward u b’hekk ineħħilna kull dubju dwar l-għarfien tant meħtieġ minn traduttur li jipprova jwasslilna test tant influwenti fl-istorja letterarja dinjija."

Kotba| Arkeoloġija Letterarja Qalb l-antikità tal-Greċja tal-Qedem, Daniel Cossai jsib il-fdalijiet poetiċi ta’ Saffo bil-Malti fit-traduzzjoni ta’ Warren Bartolo ppubblikata minn Ede Books, Il-Frammenti ta’ Saffo (2023).