Uniservice Solution

2009 оны 9 дүгээр сарын 1-нд яг л нэгдүгээр ангийн хүүхэд мэт шинэхэн ажилтан болж, угтагчаар энэ компанидаа ажлын гараагаа эхэлж байлаа. Тэр өдрөөс хойш сурч, хөгжих хүслийг минь тасралтгүй дэмжин ажилласан хамт олон, удирдан чиглүүлсэн удирдлагуудынхаа ачаар би олон зүйлд суралцаж, өсөн дэвжсэн. Өнөөдөр чадварлаг том багийг удирдан, Юнисервис Солюшн гэх айлын бие даасан гэр бүлийн тэргүүн буюу Оюутолгой Төслийн менежерийн үүргийг гүйцэтгэж байна.

Тав тухыг бүтээнэ уриан доор Үл Хөдлөх Хөрөнгө болон Кемп Менежментийн үйлчилгээг дэлхийн стандартын дагуу цогц байдлаар хамгийн өндөр түвшинд, байгаль орчинд ээлтэйгээр хүргэхийн төлөө бид ажилладаг. Харилцагч бүрийнхээ хэрэгцээ шаардлага болон хүлээлтэд анхаарч, тав тухтай орчныг бүрдүүлж өгөх нь хамт олны сэтгэл ханамж, ажлын бүтээмжийг нь нэмэгдүүлж, үндсэн бизнесдээ анхаарах боломжийг бүрдүүлж өгдөг.

Бид ажилтны өсөлт, хөгжлийг нэгдүгээрт тавьж, дүрэм журмаар хязгаарлах биш, харин мэргэшсэн өндөр чадавхи, багийн сэтгэлгээ, манлайлал, өөриймсөг үзэл, санал санаачилга, үнэнч шударга зарчмыг үнэт зүйлээ болгон ажилладаг.

Би ростерийн хуваарийн дагуу ажилладаг тул миний ажлын нэг өдөр маш завгүй өнгөрдөг. Төслийн хүрээнд явагдаж буй процесс бүрд анхаарлаа хандуулж, аливаа доголдол гаргахгүйн тулд хянах-төлөвлөх-зохион байгуулах-багийг удирдах-үр дүнд хүргэх дарааллын дагуу ажиллахыг хичээдэг. Ростерийн хугацаандаа ажлаа үр дүнтэй хийчхээд гэр бүл рүүгээ яаран харихад сэтгэлд тайван сайхан байдаг.

Хүн төвтэй, хүний хөгжлийг дэмжсэн орчинд байгууллагын жинхэнэ өсөлт бий болдог тул би тасралтгүй хөгжих боломжийг нээлттэй байлгаж, хувь хүн бүрийн оролцоог үнэ цэнтэйд тооцон, хамтын амжилтыг бүтээхэд чиглэсэн манлайллыг хэрэгжүүлэхийг зорин ажиллаж байна.