TOIM TODAY

Л.Оюунхорол: Дэлхийн 156 орон казинотой болж эдийн засаг нь хөгжин тоглоомын орлогын дээд амжилтуудыг тогтоож байна

З.Нарантуяа: Стратегийн хэдэн ордныхоо нөөцийг шууд гадны банкны барьцаанд өгүүлэх хуулийг яг одоо УИХ гоё нэрийн дор баталж байна

Гадаадын төрийн өмчийн банк орж ирсэнээр хүн бүр бага хүүтэй, урт хугацаатай зээлийг хүссэнээрээ авчихдаг болно гэдэг маш өрөөсгөл ойлголт шүү. Асуудалд сэтгэлийн хөөрөлгүй, тооцоо судалгаанд үндэслэн нухацтай хандаж шийдвэр гаргаж байх нь их чухал юм.
✅Аливаа улсын санхүүгийн салбар бол эдийн засгийн тогтвортой хөгжлийн тулгуур нь байдаг. Хөгжлийн томоохон төслүүдэд хямд эх үүсвэр хэрэгтэй байгаа. Үүнийг хөгжлийн бонд гаргаж, гадаад зах зээлээс босгодог олон улсын туршлагыг бид туршиж үзсэн ч төслүүд нь бэлэн биш, дарга нар нь өлөн учраас дээгүүрээ хуваан авч Хөгжлийн банкаа дампууруулсан.
✅Дотоодын арилжааны хэдэн банкаа нүд үзүүрлээд одоо гадаадын төрийн өмчийн банк оруулж ирж, том төслүүдээ санхүүжүүлэх нэрээр өөр өөрсдийн уурхайтай холбоотой төслийг явуулах дараагийн шатны ажиллагаа эхлэх гэж байх шиг байна.
✅Төсөл амжилттай хэрэгжих эсэх нь тухайн төслийг хир мэргэжлийн өндөр түвшинд судалж, боловсруулж, хөгжүүлсэнээс хамаардаг шинжлэх ухаан. Муу төсөлд ямар ч хөрөнгө оруулалт, санхүүжилт олдохгүй. Ийм түвшинд төслөө бэлдэж, хөрөнгө оруулагчдад санал болгож, мөнгө босгоход нь тусалдаг мэргэжлийн банк бол Хөрөнгө оруулалтын банк. Гадаадын мэргэжлийн Хөрөнгө оруулалтын ийм банкыг оруулбал хөрөнгийн зах зээл хөгжиж, улсын “дарга” нар маань очсон газар бүрээсээ гуйлга гуйж явах шаардлагагүй болох юм.
✅Харамсалтай нь стратегийн хэдэн ордныхоо нөөцийг шууд гадны банкны барьцаанд өгүүлэх хуулийг яг одоо УИХ гоё нэрийн дор баталж байна. Үүнийг ойлгож байгаа мэргэжлийн байгууллагууд таг л байна🥲