FIBO CLOUD

Бид World Bank Group тэй хамтран Бутан улсад 2023 оноос хойш гурван жил гаруйн хугацаанд хэрэгжүүлсэн технологийн томоохон төслөө эцсийн байдлаар амжилттай хүлээлгэн өглөө.

Энэхүү төсөл нь хүүхдийн амьдралын хамгийн чухал үе болох "Алтан 1000 хоног"-ийг хамгаалах зорилготой "Эх, хүүхдийн эрүүл мэндийг дэмжих - 1000 хоног нэмэх" (AMCHP) үндэсний хөтөлбөрийн хүрээнд хэрэгжсэн юм. Уг хөтөлбөрийг Японы Нийгмийн хөгжлийн сан болон Бутаны Хаант Улсын Засгийн газар давхар дэмжин ажилласан билээ.

Төслийн хэрэгжилт ба үр дүн:
2023 оны 12 дугаар сард эхэлж, 2026 оны эхээр амжилттай өндөрлөсөн тус ажлын хүрээнд жирэмсэн болон хөхүүл эхчүүдэд зориулсан Нөхцөлт бэлэн мөнгөний шилжүүлэг (CCT) хөтөлбөрийг удирдах Мэдээллийн хяналтын системийг (TIS) загварчлан нэвтрүүллээ. Энэ нь 🇧🇹 Бутан улсын хувьд ийм төрлийн анхны дижитал платформ болж байгаагаараа нэн онцлог юм.

Түүнчлэн:
ℹ️ Үндэсний хэмжээний хамрах хүрээ: Системийн нэвтрүүлэлт болон сургалт нь Бутан улсын нийт 20 дүүргийг бүрэн хамарч, улсын хэмжээн дэх анхан шатны эрүүл мэндийн төвүүдийн 94%-д (нийт 274 төв) амжилттай хүрч ажиллалаа.
ℹ️ Мэргэжилтнүүдийг чадавхжуулсан нь: Улс орон даяарх нийт 274 эрүүл мэндийн ажилтан бидний хөгжүүлсэн TIS систем дээр ажиллах цогц сургалтад хамрагдсан.
ℹ️ Бодит хугацааны дэмжлэг: Манай инженер, мэргэжилтнүүд сургалтын бүхий л үе шатанд зайнаас холбогдон оролцож, хэрэглэгчдийн санал хүсэлтийн дагуу системд тухай бүр нь шуурхай сайжруулалт хийн, техникийн тасралтгүй ажиллагааг 2026 оны 3 сар 31 хүртэл ханган ажиллав.

🔗 Системийн холбоос: https://amchp.moh.gov.bt/

Бид системийн эх код, архитектурын баримт бичиг, мэдээллийн сангийн бүтэц, API баримт бичиг, нэвтрүүлэлтийн болон хэрэглэгчийн гарын авлага зэрэг шаардлагатай бүх техникийн материалыг Бутаны GovTech багт бүрэн хүлээлгэж өглөө. Ингэснээр цаашид дотоодын баг системийг урт хугацаанд тогтвортой, бие даан авч явах таатай нөхцөл бүрдэж байна.