CAML LLC - Central Asian Mining Logistics

Аюулгүй ажиллагааны зөвлөх ажилд авна.

Ерөнхий шаардлага:

- Бакалавр, түүнтэй адилтгах болон түүнээс дээш боловсролыг коллеж, их сургуулийн хөтөлбөрт хамрагдан боловсролын зэрэг, диплом авч эзэмшсэн байх.
- Шинжлэх ухаан, инженер, эрүүл мэнд, аюулгүй ажиллагаа, байгаль орчин, бусад холбогдох мэргэжил
- Холбогдох чиглэлээр 5-аас доошгүй жил ажилласан туршлагатай буюу практик туршлага ихтэй, ажлын байран дээрх сургалтад хамрагдсан байх
- Монгол улсын эрүүл мэнд, аюулгүй ажиллагааны дүрэм журмын талаар мэдлэгтэй байх
Бичгийн болон ярианы өндөр чадвартай байх
- Аюулгүй ажиллагаа, хөдөлмөрийн эрүүл мэнд/эрүүл ахуйн үүрэг амлалтдаа тууштай, сайн харуулж ажиллах
- Харилцааны өндөр ур чадвартай байх (ам, бичиг, танилцуулга)
- Асуудал шийдэх, төсөл хэрэгжүүлэх, тасралтгүй сайжруулах оролцооны арга барилаар үлгэрлэн ажиллах
- Word, Excel, мэдээллийн сангийн программууд дээр ажиллах өндөр ур чадвартай байх
- Хүнтэй харилцах өндөр ур чадвартай байх
- Багаар ажиллах чадвартай
- Төслийн удирдлагын ур чадвартай байх
- Зохион байгуулах, эрэмбэлэх өндөр ур чадвартай байх

Гэрээний хугацаа: 5 сар
Байршил: On-Site 14/14
CV-ийг "[email protected]" хаягаар хүлээн авна. Та доорх бичиг баримтын хуулбарыг хавсарган илгээнэ үү.
• Мэргэжлийн диплом, үнэмлэх, сертификат
• Цээж зураг 1%
Мөн 94970303, 77130303 дугаараас дэлгэрэнгүй мэдээлэл авна уу.
Дэлгэрэнгүйг: https://shorturl.at/TnQWv

Ярилцлага авагчаас асуугддаг хүндхэн асуултууд #12

Таны хувьд ажлынхаа ямар байдлыг өөрчлөхийг хүсэж байсан бэ? Дургүй зүйл байсан уу?

Энэхүү асуултын зорилго:

Таныг ажилдаа хэр идэвх санаачлагатай ханддаг, тулгарсан асуудлыг хэрхэн хүлээж авч шийдвэрлэдэг, мөн ажлын орчинд дасан зохицох чадварыг тань үнэлэх зорилготой.

Юуг анхаарах вэ?

Зарим нэр дэвшигчид ажлынхаа сөрөг талыг хэт онцолж, гомдоллосон өнгө аяс гаргах нь сөрөг сэтгэгдэл төрүүлдэг. Мөн “надад юу ч таалагддаггүй” гэх мэт туйлширсан хариулт нь мэргэжлийн бус харагдуулж болзошгүй.

Зөв хандлага:

-Сөрөг зүйлсийг тэнцвэртэй, бодитойгоор илэрхийлэх
-Нөхцөл байдалд дасан зохицох чадвараа харуулах
-Асуудлыг ойлгож, зөв хандлагаар хүлээж авдгаа тодотгох

Жишээ хариулт:

“Миний хувьд ажлын орчинд зарим нэг сорилтууд байсан ч нийт ажлын туршлагатай харьцуулахад харьцангуй бага гэж үздэг. Жишээлбэл, байгууллагын дүрэм журамтай маш нарийвчлан танилцаж, чанд мөрдөх шаардлага эхэндээ бага зэрэг төвөгтэй санагдсан. Гэсэн хэдий ч энэ нь ажлын чанар, хариуцлагыг хангахад чухал үүрэгтэй гэдгийг ойлгосон. Тиймээс би тухайн нөхцөлд дасан зохицож, өөрийгөө сайжруулахад анхаарч ажилладаг.”

Зөвлөмж:

Ярилцлагын үеэр таны хариулт зөвхөн агуулгаараа бус, хэрхэн илэрхийлж байгаагаараа үнэлэгддэг. Тиймээс тайван, итгэлтэй, мэргэжлийн өнгө аясыг хадгалах нь чухал.

Танд амжилт хүсье 🤗

Ярилцлага авагчаас асуугддаг хүндхэн асуултууд #10

Таны одоо ажиллаж байгаа ажлын удирдлагын сул тал юу вэ? Одоогийн удирдлагадаа ямар шүүмжлэл хэлэх вэ?

Энэхүү асуулт нь удирдлагын сул талыг тодруулах зорилготой мэт боловч бодит байдал дээр нэр дэвшигчийн хандлага, харилцааны соёл, хүнд нөхцөлд хариулах ур чадварыг үнэлэхэд чиглэгддэг.

Юуг анхаарах вэ?

Зарим тохиолдолд нэр дэвшигчид удирдлагаа хэт шүүмжилж, сөрөг байдлаар илэрхийлэх хандлагатай байдаг. Энэ нь таныг мэргэжлийн бус, эсвэл багийн уур амьсгалд сөргөөр нөлөөлөх эрсдэлтэй хүн мэт харагдуулж болзошгүй.

Зөв хандлага:

-Хэт шүүмжлэлтэй, сөрөг өнгө аяс гаргахгүй байх
-Хувь хүнийг биш, нөхцөл байдлыг зөөлөн илэрхийлэх
-Тэнцвэртэй, мэргэжлийн байр сууринаас хариулах

Жишээ хариулт:

“Миний хувьд аливаа хүний сул тал нь давуу талаасаа давамгайлахгүй л бол тийм ч их ач холбогдол өгдөггүй. Учир нь төгс хүн гэж байдаггүй. Хэрэв заавал нэг зүйлийг дурдвал, манай удирдлага ажлаа маш өндөр хариуцлагатайгаар хийдэг тул заримдаа амрах зав багатай, хувийн амьдралдаа цаг гаргах нь цөөн байдаг болов уу гэж боддог.”

Зөвлөмж:

Ярилцлагын үед өгч буй таны хариулт зөвхөн агуулгаараа бус, хэрхэн илэрхийлж байгаагаараа үнэлэгддэг гэдгийг үргэлж анхаараарай.

Танд амжилт хүсье 🤗