SB Learning Center

https://www.facebook.com/share/v/VFjUVLdt8M6a4Rbu/?mibextid=qi2Omg

Зудын давтамж улам л ойрхон болсоор байна.
10 жилд 1 удаа зуд болдог байсан бол одоо 3-5 жилд болдог болжээ.
Дэлхийн дулаарал, цаг уурын огцом өөрчлөлтүүд биднийг цаашид ч гайхшруулсаар байх болно.

Нүүдлийн мал аж ахуйн соёл, уламжлал маань хэдэн малчдаа зүдрээж байгалийн давагдашгүй хүчин зүйлийн өмнө яалтачгүй сөхрөөж байна.

Малчдад туслах аяныг сайн дурын үндсэн дээр хийхээс гадна төр засаг "Гамшгийн эрсдэлийн сан" байгуулж ийм цаг үед бэлэн байдлыг хангах цаг нь болжээ.

Малчин хүний хөдөлмөр цаг наргүй, хамгийн хүнд хүчир ажил гэдгийг хөдөө өссөн бид сайн мэднэ. Заримдаа өмнөөс нь халирмаар ч санагддаг л юм.

Шийдэл бол цаашид хагас-эрчимжсэн аж ахуйн загвар руу орохоос өөр аргагүй. Малын тоо толгойг нэмэгдүүлэх гэхээсээ чанартай, цөөн малтай өндөр үр шимт сүргийн бүтцийг бий болгож бага насанд нь бордож хэрэглээнд шилжүүлдэг гадны туршлагыг авууштай.

Малын гоц халдварт өвчин бол энэ их цас зудын дэргэд хянах боломжтой л асуудал.
Бэлчээрийн даац маш их хэтэрсэн, цөлжилтийн улмаас мал бэлчээрээр идээших, тарга тэвээрэг авах боломж улам бүр хомсдож буй тул "Тусгаарлагдсан аж ахуй"-г олноор хөгжүүлэхэд төрийн дэмжлэг, хөрөнгө оруулалт, малчдын маань ур ухаан юу юунаас чухал болжээ.

Мөн Малын индексжүүлсэн даатгалын тогтолцооны цар хүрээ, босго шалгуурыг ч улам төгөлдөржүүлэх хэрэгтэй болсон байна.

Зуд турханыг давж урин зунтай золгох хүртэл мөн ч амаргүй цаг хугацааг туулах тул монгол хүн бүр санаа зовниж суугаа байх аа.

Хандив тусламж нэг удаа хүрээд л зогсоно харин олон арван өдөр малчид л ядрахгүй гайгүй даваасай гэж залбирч сууна.

Хүүхэд байхдаа хавар бүр малчдын хотоор сургуулийн урлагийн бригадад багтаж тоглолт хийн сэтгэл санааг нь өргөж явснаа санав.

Нүүрномын найзууд минь өөр өөрийн чадах хэмжээнд малчин ах дүүсдээ тус дэм болоорой гэж хүсье.

Урин цаг наашлаж нуруу тэнийх өдөр ойрхон байгаасай.
🙏🙏🙏

Өнөөдөр Хүний эрхийн Олон Улсын өдөр бөгөөд өдгөө 75 жилийн тэртээ хүн төрөлхтөн анх удаа хүний эрх, эрх чөлөө, халдашгүй дархан байдлыг тунхаглан зарлаж дэлхий нийтээр хүлээн зөвшөөрсөн түүхтэй юм.

Энэхүү хүний эрхийн түгээмэл тунхаглалыг санаачлан боловсруулж НҮБ-ын Eрөнхий Ансамблиар батлуулан хүний эрхийн төлөө бүхий л амьдралаа зориулсан АНУ-ын тэргүүн хатагтай асан Элеанор Рузвельтийг санан дурсахгүй байхын аргагүй билээ.

Та бүхэндээ Хүний эрхийн олон улсын өдөр болон "Ардчилал, хүний эрхийн өдөр"-ийн 34 жилийн ойн мэндийг дэвшүүлье.