Bodi Electronics

Бодь Электроникс компани үүсгэн байгуулагдсаны 30 жилийн ойн хүрээнд технологийн томоохон арга хэмжээг BE:Vision 2025 AI is changing everything нэртэйгээр амжилттай зохион байгууллаа. Энэхүү арга хэмжээгээр Бодь Электроникс компани Монгол хүний амьдралын чанарыг сайжруулах AI технологийг голчилсон 9 брэндийг онцолж байна.

Уг арга хэмжээнд мэдээллийн технологи, харилцаа холбооны салбарын тэргүүлэгч компанийн төлөөллүүд уригдан ирснээс гадна Бодь Электроникс компанийн өнгөрсөн жилүүдэд хамтран ажилласан салбар бүрийн түнш байгууллагууд оролцсоноороо онцлогтой.

Ирэх 30 жилд Монгол хүний амьдралын чанарыг дээшлүүлэхийн тулд Боловсрол, Эрүүл мэнд гэсэн үндсэн хоёр салбарт гол анхаарлаа хандуулан ажиллах болсноо зарлан Боловсролын яам, Google for Education, Монголын хувийн сургуулиудын холбоо болон Таван Богд Финанс ББСБ-тай хамтран ажиллах санамж бичигт гарын үсэг зуран хамтын ажиллагаагаа эхлүүллээ.

Бодь Электроникс компанийн нийт хамт олонд 30 жилийн ойн баярын мэндийг дэвшүүлье.

Хамтдаа тод гэрэлтье.