ECO LABEL

Шилтэй бүтээгдэхүүний шошго

Иргэний пост:Аавдаа би хайртай.
Амьдралын минь хамгийн үнэт хүн, хайрт аав минь өнөөдөр тэнгэрийн оронд дэвшлээ🙏🏻Элэгний донор хагалгааны дараах бид хоёрын хамгийн нандин бөгөөд хамт авхуулсан сүүлчийн зурагаа энд оруулж байна. Хүмүүст мэдэгдээгүй ч аав минь элэгний хорт хавдараар өвдөж, 2025 оны 2-р сарын 7-нд аавдаа өөрийн элэгний 70%-г донор болгон өгч байлаа. Энэ нь хоёр талын амь насанд өндөр эсдэлтэй, 20 цаг үргэлжлэх, 50-60 мэргэжлийн эмч нарын бүрэлдэхүүнтэй өндөр эрсдэлтэй хагалгаа байв. Донорын шийдвэр гаргахдаа аавдаа л амьдрал өгч байвал юу ч болсон яахав гээд итгэл дүүрэн, зоригтойгоор эмч нартайгаа эрсдэл бүрэн үүрэх гэрээ байгуулж байж. Өмнөх өдөр нь ээж, эхнэртээ амь насны даатгалын гэрээгээ өвлүүлж, хөрөнгө, цаашдын амьдралаа шилжүүлж, эрсдэлийг ойлгуулж байхдаа эр хүн ер нь зоригтой, шийдэмгий, гэр бүлийнхээ өмнө үүрэх хариуцлагатай, ухаантай яг л аав шигээ байхын мөн чанарыг утгаар нь ойлгож байлаа. Яагад ч юм айгаагүй, аавтайгаа л хамт байх сайхан ирээдүйг мөнхийн төсөөлж, төлөвлөж байж. Өчигдрөөр хагалгаанаас хойш нийт 6 сар болж, миний гам барилт дуусан хэвийн амьдралдаа орж байна. Элэг болон бүхнээ өгсөн ч аавыгаа л босгож чадсангүй😭🥺 үнэхээр харамсалтай, зүрх шимширч байна даа😭 Аав минь надад эрүүл бие, өндөр боловсрол, хүн чанар, амьдрах ухаан, санхүүгийн эрдэм өөрийн бүхнээ өгсөн, эцсийн мөчид хүртэл надад бүхнээ зориулсаар л байсан. Амгалан тайван нойрсдоо аав минь. Бахархалт хүү нь насан туршдаа аавынхаа нэрийг өргөж, сайн сайхан үйлсийг бүтээж, дуртай ажлыг нь амжилттай, нэр төртэйгөөр үргэлжлүүлж, захиасыг нь дагах болно оо..🙏🏻🙏🏻 Аавдаа би хайртай.