Monte Rosa Sustainable Center

🎯 “Сахаргүй сар” аян эхэллээ!

Monte Rosa Sustainable School нь жил бүрийн 11 дүгээр сард уламжлал болгон “Сахаргүй сар” аяныг зохион байгуулдаг. 🌿

Энэ сарын турш бид:
🍭 Сахар ихтэй амттанаас татгалзаж,
💪 Эрүүл амьдралын хэв маягийг дэмжиж,
💰 Хэмнэсэн мөнгөө хуримтлал болгох зорилготой.

👉 Амттанаас татгалзаад, хэмнэсэн мөнгөө хадгал — эрүүл мэнд ч, санхүү ч давхар өснө!

🌱 Эрүүл сонголт — Ирээдүйн аз жаргал 🌟

#СахаргүйСар #ЭрүүлАмьдрал #Хуримтлал

🎈 Хүүхдийн баярын мэнд хүргэе! 🎉

Эрхэм хайртай бяцхан хүүхдүүддээОлон улсын Хүүхдийн эрхийг хамгаалах өдрийн халуун мэндийг хүргэе!

🌟Та нар бол бидний ирээдүй, гэрэл гэгээ, аз жаргалын эх булаг юм.Инээд баяслаар дүүрэн, эрүүл энх, аз жаргалтай өсөж торних болтугай!

💖Мөрөөдөл тань биелж, сэтгэлд тань үргэлж нар мандсан байг!

☀️🎁 Хүүхэд бүхэнд баяр баясал, бэлэг дүүрэн өдөр байг!

🧸

🎈 Хүүхдийн баярын мэнд хүргэе! 🎉 Эрхэм хайртай бяцхан хүүхдүүддээОлон улсын Хүүхдийн эрхийг хамгаалах өдрийн халуун мэндийг хүргэе! 🌟Та нар бол бидний ирээдүй, гэрэл гэгээ, аз жаргалын эх булаг юм.Инээд баяслаар дүүрэн, эрүүл энх, аз жаргалтай өсөж торних болтугай! 💖Мөрөөдөл тань биелж, сэтгэлд тань үргэлж нар мандсан байг! ☀️🎁 Хүүхэд бүхэнд баяр баясал, бэлэг дүүрэн өдөр байг! 🧸#HappyChildrensDay

Энэ Бямба гарагт буюу 05 дугаар сарын 17-ны өдөр Үндэсний цэцэрлэгт хүрээлэнд болох Европын Өдөрлөгт хүрэлцэн ирж манай сургуулийн 2 салбарын үйл ажиллагаатай танилцаарай. Манай сургуулийн ажилтнуудтай уулзаж, мэдээлэл зөвлөгөө аваарай.
📍Үндэсний цэцэрлэгт хүрээлэн
⏰11:00 - 18:00
ℹ️1 дүгээр асар
EU Delegation to Mongolia
Monte Rosa Sustainable School
Monte Rosa Tech School
Monte Rosa Sustainable Center

Энэ Бямба гарагт буюу 05 дугаар сарын 17-ны өдөр
Үндэсний цэцэрлэгт хүрээлэнд болох "Европын Өдөрлөг"-т
хүрэлцэн ирж манай сургуулийн 2 салбарын
үйл ажиллагаатай танилцаарай.

Манай сургуулийн ажилтнуудтай уулзаж, мэдээлэл зөвлөгөө аваарай.

📍 Үндэсний цэцэрлэгт хүрээлэнд, 1 дүгээр асарт
⏰11:00 - 18:00 (2025.05.17-ны БЯМБА)

EU Delegation to Mongolia
Monte Rosa Sustainable School
Monte Rosa Tech School
Monte Rosa Sustainable Center

Monte Rosa Tech School l болон Monte Rosa Sustainable School сургуулийн 11-р ангийнхан сурагч солилцооны соёлын хөтөлбөрт оролцсон тухай (2025 оны 2-р сарын 22–3-р сарын 8)

2025 оны 2-р сарын 22-ноос 3-р сарын 8-ны манай Monte Rosa Tech болон Monte Rosa Sustainable сургуулийн 11-р ангийн сурагчид ХБНГерман улсад сурагч солилцооны соёлын хөтөлбөрт оролцоод ирсэн билээ. Энэхүү хөтөлбөрийн оролцогч талууд: Nelson-Mandela-Schule Berlin, Florentine Baumann , Arts&Media Project Management&Consulting , CEM Oyuntuya Oyunjargal , JKS CW

Хөтөлбөрийн зорилго нь соёл хоорондын ялгааг ойлгох бас хүндлэх, чадварыг хөгжүүлэх, тогтвортой хөгжлийн талаар мэдлэгээ дээшлүүлэх, өдөр тутмын амьдралд энэ нь хэрхэн хэрэгжиж буйг судлахад оршсон юм.

Бид хоёр долоо хоног Берлинд амьдарч, Германы соёлыг таньж мэдэн, Монголын уламжлал болох "Цагаан сар"-аа тэмдэглэж бас таниулж, Берлинд амьдарч буй монголчуудтай харилцаа холбоо тогтоолоо. "Falling in Love" шоугаар аяллаа өндөрлүүлсэн нь соёлын онцлох үйл явдал байв. Энэ тайланд бид Берлинд байрласан орон сууцны амьдрал, Нельсон-Мандела сургуулийн сургалт, музейн үзлэгүүд, Хүүхэд залуучуудын урлагийн сургуулийн бүтээлийн сургалт, Шарлоттенбург ордны ажиглалт, Цагаан сарын баярын тэмдэглэл, Элчин сайдын яамны хүлээн авалт, спортын солилцоо болон "Falling in Love" шоуны талаарх туршлагаа хуваалцсан болно.

Бэлтгэл ба аялал эхлүүлсэн нь

Бэлтгэл ажлыг хэдэн сарын өмнөөс эхлүүлсэн. Манай сургууль 2019 оноос хойш Олон Улсын Нельсон-Мандела сургуультай болон хамтран зохион байгуулагч байгууллагуудтай нягт хамтарч ажилласаар ирсэн. Урьдчилсан сургалтуудаар бид Германы соёл, тогтвортой технологи, бүтээлч дахин боловсруулалтын төслүүдийг судалж, герман болон англи хэлний мэдлэгээ сайжруулсан. Мөн бид "Цагаан сар" зэрэг уламжлалуудыг танилцуулах илтгэлүүдээ бэлтгэж, аяллын төлөвлөгөө гарган, виз мэдүүлэлт, Берлинд байрлах орон сууц захиалга зэргээ амжуулсан.
Бид 2025 оны 2-р сарын 22-нд Франкфурт хотод газардаад Берлин рүү хурдан галт тэргээр явж хүрээд захиалсан апартментууддаа байрлав. Эхний өдрүүд сэтгэл хөдөлгөм ч бас сорилттой тулгарсан, ялангуяа шинэ орчин, цагийн зөрүү, герман хэл, их хотын амьдралд дасах гэх мэт. Гэсэн хэдий ч хамтдаа өдөр тутмын амьдралаа зохион байгуулж (жишээ нь хамт хоол хийж, хог ангилан ялгах гэх мэт) бие даасан байдлаа хөгжүүлж чадсан.

Апартментад амьдрах нь

Бид апартментууддаа байрлаж, сурагчдын дийлэнхи нь анх удаа эцэг эхээсээ хол бие даан өдөр тутмын амьдралаа өөрсдөө зохион байгуулсан. Жишээлбэл, бид дахин ашиглах боломжтой даавуун уут хэрэглэж, хог ангилан ялгасан, хамтарч хоолоо бэлдэх, идэх, дахивар ялгаж бас тушааж, бие биендээ саад бас төвөг болохгүй амьдарах зэрэгт суралцсан мөн "Цагаан сар"-ын тухай ярилцаж, соёлынхоо өвийг хадгалахыг хичээсэн. Шинэ хотод зам олох, хэлний бэрхшээл зэрэг сорилтуудыг хамтын ажиллагаагаар даван туулж чадсан. Ялангуяа хамтдаа тогтвортой дадал зуршилд суралцаж бас хэрэгжүүлж чадсан нь онцгой сэтгэгдэл төрүүлсэн.

Нельсон-Мандела сургууль дахь хичээл ба "Цагаан сар"-ын танилцуулга (эхний долоо хоног)

Хөтөлбөрийн оролцогчид сурагч багш нар 2025 оны 2-р сарын 23-28-нд Нельсон-Мандела сургуулийн хичээлд оролцсон. Энэ сургуульд 80 гаруй улсын хүүхдүүд суралцдаг ба олон улсын чиг баримжаа болон нийгэм, байгаль орчны асуудалд идэвхтэй ханддагаараа онцлог сургууль. Хичээл нь манай сургуулиас ялгаатай байсан (жишээ нь: төслүүдэд суурилсан суралцах арга, дижитал хэрэгслийг ашиглах зэрэг). манай сурагчид "Padlet" платформоор багийн ажил хийж, хамтдаа гэрийн даалгавар гүйцэтгэж, багийн ажиллагаа болон дижитал ур чадвараа хөгжүүлсэн.

Эхний долоо хоногийн нэгэн онцлох үйл явдал бол "Цагаан сар"-ын уламжлалыг танилцуулсан арга хэмжээ байв. Бид дээлээ өмсөж, Цагаан сарыг хэрхэн тэмдэглэдэг тухай, баярын ширээн дээрээ ямар зоог бэлтгэн тавьдаг тухай, ахмад настныг хэрхэн хүндэтгэн золгодог тухай танилцуулж хүрэлцэн ирсэн сурагч багш нарт бий биелгээ зааж өгч хамтдаа бүжиглэн уламжлалаа дэлгэрүүлсэн. Padlet ашиглан зураг, видео, тайлбарууд бэлтгэж, герман сурагчдад соёлоо ойлгуулахыг зорьсон. Тэдний сонирхолтой асуултууд бидэнд урам зориг өгсөн. Ялангуяа манай уламжлалт бүжигт сонирхолтойгоор оролцсон нь сэтгэлд үлджээ.

"Цагаан сар"-ын баяр болон Элчин сайдын хүлээн авалт

Хэдийгээр бид эх орноосоо хол явсан ч бид Цагаан сарыг уламжлалаараа тэмдэглэсэн. Битүүний орой Берлин дэх монгол эзэнтэй зоогийн газар хамтдаа зоог бариад шиний 1-нд Монгол Улсаас ХБНГУ-д суугаа Элчин сайд Б.Мандахбилэг биднийг хүлээн авч, хүүхдүүдэд мань ирээдүйд юуг анхаарах, дэлхийн хөгжилтэй хөл нийлүүлэн алхахын тулд өөрсдийгөө хэрхэн хөгжүүлэх тухай үнэтэй зөвөлгөө өгсөн. Сайдын хүндэтгэлийг хүртсэн энэхүү үйл явдал бидэнд бахархал төрүүлж билээ.

Техник, технологи ба тогтвортой хөгжлийг таних, судлах нь (хоёрдугаар долоо хоног)

2025 оны 3-р сарын 1-7-ны хооронд бид Берлин хотын дараах музей, байгууллагуудыг үзэв:
Futurium Lab: Тогтвортой ирээдүйн үзэл баримтлалын талаар интерактив үзэсгэлэн

- Байгалийн түүхийн музей: Биологийн олон янз байдал ба уур амьсгалын өөрчлөлтийн нөлөө
- Үндэсний урлагийн галерей: Урлаг ба тогтвортой хөгжлийн сэдэв
- Германы Техникийн музей ба Spectrum шинжлэх ухааны төв: Сэргээгдэх эрчим хүч ба тогтвортой тээврийн хөгжүүлэлт
- Хумбольдт Форум: Дэлхийн соёлын тогтвортой хөгжлийн хандлага
- Музейн арал: Тогтвортой архитектурын түүхэн жишээ
- Парламентын дүүрэг ба Бундестаг: Байгаль орчны бодлогын талаарх ойлголт
- Түүхийн музей: Технологи, нийгмийн хөгжил
- Самурай музей: японы соёл уламжлал

Ялангуяа эдгээр музейнуудын олонх нь интерактив байсан нь, хүүхдүүд өөрсдөө туршиж үзэх боломжтой байсан нь манай сурагчдад маш хүчтэй сэтгэгдэл төрүүлж сохирхлыг нь ихээр татсан билээ.

Хүүхэд залуучуудын урлагийн сургуулийн бүтээлийн сургалт

Бид даавуун торон дээр өөрсдийн зурсан зургуудаар цоолбор хийж, хэвлэж сурах бүтээлч сургалтад хамрагдсан. Энэ үйл ажиллагаа нь тогтвортой хөгжлийн бодит хэрэглээ болохыг харуулсан.

Шарлоттенбург ордонд хийсэн судалгаа, бүтээлч ажил

Бид Шарлоттенбург ордныг сонирхож мөн эртний хийц, стилийг судалсан. Үзсэн, судалснаа дараа нь хуучин материалууд ашиглан (жишээ нь: цаас, модон үлдэгдэл, даавууны өөдөс) бүтээл хийсэн нь маш урамтай туршлага болсон.

Берлинд амьдарч буй монголчуудтай хийсэн уулалтууд

Бидэнд Берлин хотод сурч амьдарч байгаа, амжилттай яваа нутаг нэгтнүүдтэйгээ уулзах завшаан бас олдсон. Р.Бишрэлт - эм зүйчээр эрдмийн зэрэг хамгаалж байгаа, О.Онон - замын инженер, Амараа - манай сурагчидтай 1 үе, Монголоос ирээд сургуульд сурч байгаа бөгөөд хэрхэн манлай сурагч байж болдог тухай. Энэ 3 залуус мэргэжлээ сонгоход юуг анхаарч судлах талаар зөвөлгөө өгсөн. Тэр 3-ын өгсөн гол мессеж : чамд ямар ч танил тал хэрэггүй, арын хаалга ч хэрэггүй, чи өөрөө л зорилготой бас зоригтой, зүтгэлтэй бас сэтгэлтэй байхад мөрөөдлөө биелүүлж чадна.

Мөн манай хүүхдүүдэд зориулж Берлины Цог клубын монголчуудын спортын арга хэмжээ зохион байгуулж манай хүүхдүүдэд сагсан бөмбөг, воллейбол тоглох боломж олгосонд хүүхдүүд маань үнэхээр баярласан. Хүүхдүүдийг маань био ундаа, жимсээр дайлж 1 оройг хамтдаа эрүүл бас спортлог өнгөрүүлсэн юм.

"Falling in Love" шоугаар өндөрлүүлсэн үдэш

2025 оны 3-р сарын 7-нд бид Friedrichstadt-Palast театрт "Falling in Love" шоуг үзсэн. Тайзны гоёмсог хувцаслалт, бүжиг, хөгжмийн тоглолт, медиа урлаг хэрхэн хосолж буй, үзэгчдийн соёл зэрэг нь бидний соёлын солилцооны аяллыг төгс төгсгөл байлаа.

Чөлөөт цагийн үйл ажиллагаа

Бид мөн Берлиний тогтвортой хөгжлийн санаачилгуудтай танилцсан, хотын соёл, хот төлөвлөлт, ногоон байгууламж, амьдралын хэв маяг, хөгжлийн чиг хандлагыг алхам тутамдаа анзаарч бас сурсан.

Дүгнэлт

Хэлний бэрхшээл, багийн ажлын шахуу хуваарь, шинэ улс, шинэ орчин зэрэг сорилтууд байсан ч энэ аялал манай сурагчдад бие даах, уян хатан байж сурах, соёлын харилцаа бас харьцуулалт хийх зэргийг сургасан, тогтвортой хөгжлийн талаарх ойлголтыг гүнзгийрүүлж тогтвортой хөгжлийн шинэ санаанууд олж авахад, аливааг харах өнцгийг нь тэлж бас өөрчилсж өгсөн, хайрцагнаас гарч сэтгэх, ажиглах, дүгнэх, илтгэх, цаг барих, багаар ажиллах гээд олон чадварт суралцсан.