Bodi Group

ОЛОН УЛСЫН ЭМЧ НАРЫН ӨДРИЙН МЭНД ХҮРГЭЕ. 🎉

Mungunguur hospital Мөнгөн гүүр эмнэлэг-ийн эмчилгээ эрхэлсэн захирал М.Алтанхуяг:

🔹 Та яагаад эмч мэргэжлийг сонгосон бэ?

Намайг хоёрдугаар ангид байхад ээж минь үйлдвэрийн осолд орж, тухайн үед нийгмийн шилжилтийн улмаас эмнэлгийн хэрэгсэл, эм тарианы хангамж хомс байсан ч чадварлаг эмч нарын ачаар олон удаагийн хүнд мэс заслыг даван туулж, хөл дээрээ боссон юм. Тэр үеэс эхлэн эмч хүний ур чадвар, хүнлэг сэтгэлийг гүнээ биширч, энэ мэргэжлийг сонгон эзэмшихээр шийдэж байлаа.

🔹 Таны ажлын хамгийн үнэ цэнтэй мөч?

Эдгэрсэн үйлчлүүлэгчээс ирэх чин сэтгэлийн талархлын үгс, мөн мэргэжлийн чадварлаг хамт олонтойгоо хамтран ажиллаж, үйлчлүүлэгчдийн итгэлийг хүлээн, тасралтгүй өсөн хөгжиж буйгаа мэдрэх мөчүүд миний ажлын хамгийн үнэ цэнтэй агшнууд байдаг.

🔹 Эмч, эмнэлгийн байгууллагын ажилтнуудад хандсан мэндчилгээ

Эрүүл мэндийн салбарын сорилт, тулгамдсан асуудал ихтэй энэ цаг үед эзэмшсэн мэргэжилдээ үнэнч байж, хүн ардынхаа эрүүл энхийн төлөө чин сэтгэл, хичээл зүтгэл гарган ажиллаж буй Монголынхоо эрхэм эмч нартаа “Олон улсын эмч нарын баяр”-ын өдрийн халуун мэндийг дэвшүүлье.

МЭДЭГДЭЛ

Стратегийн ач холбогдол бүхий Тавантолгой-Гашуунсухайт чиглэлийн төмөр замын төслийг 2008 оноос хойш хэрэгжүүлэхээр удаа дараагийн оролдлого хийгдсэн боловч амжилтгүй болж зогссон байсан. Энэхүү төслийг үндэсний бүтээн байгуулагч “Бодь Интернэшнл” ХХК нь 2013 оны анхны төсөвт өртгөөр цар тахлын хүнд хэцүү үед буюу 2019-2022 онд амжилттай хэрэгжүүлж дуусгасан.

Уг төслийн гэрээнүүдийн хүрээнд хүлээн авсан урьдчилгаа төлбөр болон төслийн санхүүжилт нь төслийн ажилд зориулалтын дагуу зарцуулагдсан бөгөөд өнгөрсөн хугацаанд хөндлөнгийн шат дараалсан аудит, хяналтууд хийгдсэн.

Төрийн өндөр албан тушаалтан Л.Оюун-Эрдэнэ нь улс төрийн бохир хэрүүл, гүтгэлэгтээ хувийн хэвшлийг татан оролцуулж удаа дараа, үндэслэлгүй худал мэдээллийг түгээж байгаад харамсаж байна.

“Бодь Интернэшнл” ХХК нь энэ асуудлаар холбогдох хууль, хяналтын байгууллагуудад шаардлагатай мэдээлэл, материалыг гаргаж өгч байсан, цаашид ч гарган өгөхөд бэлэн бөгөөд үнэн бодит байдал тогтоогдоно гэдэгт итгэлтэй байна.

Бодь Интернэшнл ХХК
2026.03.23