Cansap

АДРА ОУБ-ын Баян-Өлгий аймгийн өрхийн тариаланг дэмжих төсөл нь аймгийн ХХААГазартай хамтран "Ургацын баяр-2020" үзэсгэлэн худалдааг 9-р сарын 04-ний өдөр зохион байгуулав. Тус арга хэмжээнд УИХ-ын гишүүн Т.Аубакир, ХХААХҮЯ-Газар тариалангийн бодлого зохицуулалтын газрын дарга Ц.Болорчулуун, Эрчим хүчний зохицуулах хорооны дарга А.Тилейхан, ХНХЯамны дэд сайд С.Зулпхар зэрэг зочид төлөөлөгчид оролцов.
Үзэсгэлэн худалдааны гол зорилго нь ард иргэдийг эрүүл хүнсээр хангах, тариаланчид болон хэрэглэгчдийг холбож өгөх, өрх гэрийн бүтээгдэхүүний борлуулалтыг дэмжих, орлогыг нэмэгдүүлэх явдал байлаа.

"Шим тэжээлт хоол"-ны сургалт 🥦🥬🥒🥕🧅
АДРА Монгол ОУБ-ын Баян-Өлгий аймагт хэрэгжүүлдэг Өрхийн газар тариалангийн төсөлд хамрагдагсад болон сонирхогчдод төслийн зорилгын хүрээнд "Шим тэжээлт хоол"-ны анхны сургалтыг 2020 оны 8-р сарын 06-15-ны хооронд зохион байгуулав. Төслийн нэг дэх жилийн хугацаанд нийт 6 бүлэг сургалтыг аймгийн Нийтийн хоол үйлдвэрлэгчдийн "Галайхан" холбоо ТББ-ын нийтийн хоолны сургагч багштай хамтран явуулах юм. Эхний сургалтаар 6 төрлийн шөл буюу
-Ногооны шөл
-Брокколигийн зутан шөл
-Лууван, алимын зутан шөл
-Төмсний зутан шөл
-Хулууны зутан шөл
-Улаан лоолийн шөл зэрэг хоолны төрлүүдийг хамтдаа хийж сурав.

"Хайрцаглаж тарих арга" сургалт маань 2020.06-20-07.09-ны хооронд өрхийн газар тариалангийн 15 сургагч багш нарын дунд амжилттай зохион байгуулагдлаа. Хүнсний ногоог хайрцаглаж тарьсанаар арчилж тордоход хялбар, усны зарцуулалт бага ба хөдөлмөр хөнгөвчлөх, зардал хэмнэлттэй, жижиг талбайгаас арвин ургац авах ач холбогдолтой юм.

SAFER-2 төслийн 2020 оны өрх сонголт болон үр тараалтын ажил явагдаж байна