MML Services

(၉၉) ကြိမ်မြောက် အမျိုးသားနေ့အား ဂုဏ်ပြုကြိုဆိုအပ်ပါသည်

လုပ်ငန်းခွင်မှာ အောင်မြင်စေဖို့ Time management

ဘဝအတွက် အခွင့်အလမ်းတွေဆိုတာ အမြဲဖြစ်ပေါ်နေတာပါ။ အခွင့်အလမ်းကောင်းတွေ ဘယ်လိုပဲလာလာ အချိန်ကိုက်မလုပ်ဆောင်နိုင်ရင် ဘယ်လိုနည်းနဲ့မှ အောင်မြင်မှာမဟုတ်ပါဘူး။ အလုပ်တစ်ခုအောင်မြင်မှုရရှိဖို့ဆိုရင် အခွင့်အရေး၊ လုပ်ဆောင်ချက်တွေနဲ့အတူ Time management ဖို့လည်း လိုအပ်ပါတယ်။ ဒီတစ်ခါမှာတော့ လုပ်ငန်းခွင်မှာ အောင်မြင်စေဖို့ Time management ကောင်းကောင်းလုပ်နိုင်မယ့်နည်းလမ်းလေးတွေကို တင်ပြပေးပါမယ်။

အချိန်ဇယားအတိုင်း လုပ်ဆောင်ပါ။
ပြက္ခဒိန်မှာ တစ်ပတ်စာအချိန်ဇယားဆွဲထားပါ။ ဘယ်နေ့ကနေ ဘယ်နေ့အထိ အလုပ်တစ်ခုကိုပြီးဆုံးအောင်လုပ်မယ်ဆိုတဲ့ အချိန်ဇယားဆွဲပြီး အချိန်ဇယားအတိုင်း အတိအကျလိုက်နာပါ။

ကိုယ်တိုင်သတ်မှတ်ပါ။
To-do list တွေလုပ်ထားပေမယ့် တစ်ခါတစ်လေ မအောင်မြင်တာလည်း ရှိနိုင်ပါတယ်။ ဒါကြောင့် အရေးကြီးတဲ့အလုပ်တွေလုပ်စရာရှိတဲ့အခါ ကိုယ်တိုင်အချိန်သတ်မှတ်ပြီး ပြီးစီးအောင် လုပ်ဖို့ လိုပါတယ်။

အတွေးထဲမှာ အရင်ချိန်ညှိပါ။
ဘယ်အလုပ်ကိုပဲလုပ်လုပ် ၅၀% လောက်ကို အတွေးထဲမှာအရင် အစီအစဉ်ချထားပါ။ ဒါဆိုရင် ရလဒ်က ပိုကောင်းလာပါလိမ့်မယ်။

အနှောင့်အယှက်တွေအတွက်လည်း အချိန်ထည့်တွက်ပါ။
ဘယ်အလုပ်ပဲလုပ်လုပ် အတားအဆီးအနှောင့်အယှက်ဆိုတာရှိနိုင်တာဖြစ်လို့ အဲ့ဒါတွေအတွက်ပါ အချိန်ကို ထည့်တွက်ထားဖို့ လိုပါတယ်။

မိနစ် ၃၀ အချိန်ယူပါ။
မနက်ခင်းနိုးထလာတဲ့ မိနစ် ၃၀ လောက်အချိန်ပေးပြီး တစ်နေ့တာလုပ်ငန်းဆောင်တာတွေအတွက် plan ဆွဲပါ။ ဦးစားပေးလုပ်ရမယ့်အလုပ်တွေကို သေချာသတ်မှတ်ပါ။

လိုချင်တဲ့ရလဒ်အတွက် ကြိုးပမ်းပါ။
အလုပ်တစ်ခုလုပ်မယ်ဆိုတိုင်း ကိုယ်လိုချင်တဲ့ရလဒ်က ဘာလဲဆိုတာကို ငါးမိနစ်လောက် အချိန်ယူစဉ်းစားပြီးမှ လုပ်ဆောင်ပါ။ အဲ့ဒါဆိုရင် ရလဒ်ကောင်း ရရှိနိုင်ပါလိမ့်မယ်။

အနှောင့်အယှက်မခံပါနဲ့။
အလုပ်ရှုပ်နေတယ်ဆိုရင် ကိုယ်အလုပ်ရှုပ်နေတာကို ကိုယ့်ပတ်ဝန်းကျင်က သတိပြုမိအောင်နေပါ။ သူများတွေနှောင့်ယှက်လို့ အလုပ်တွေမနှောင့်နှေးစေပါနဲ့။

Attention ကို မလိုအပ်ဘဲ မပေးပါနဲ့။
ဖုန်းဝင်လာတာ၊ အီးမေးလ်ဝင်တာတွေ အားလုံးကို မလိုအပ်ဘဲ attention မပေးပါနဲ့။ အဲ့ဒါတွေကလည်း ကိုယ့်အချိန်တွေကို အလဟဿကုန်ဆုံးစေပါတယ်။

Block ထားပါ။
ကိုယ့်အချိန်တွေပုပ်စေတဲ့ Facebook, Instagram , Twitter စတဲ့ Social Media တွေကို လိုအပ်တာထက်ပိုမသုံးပါနဲ့။ တတ်နိုင်ရင် block ထားပါ။

ရည်မှန်းချက်ထားပါ။
ဘယ်အလုပ်ကိုပဲလုပ်လုပ် ရည်မှန်းချက်ထားပြီးလုပ်ပါ။ ကိုယ်ထားတဲ့ရည်မှန်းချက်ကလည်း ဖြစ်နိုင်ခြေရှိတဲ့ ရည်မှန်းချက်ဖြစ်ဖို့တော့ လိုပါတယ်။