Loon car driving school

🚦 ယာဥ်အန္တရယ်ကင်းဖို့ ယာဉ်ထိန်းမီး လိုက်နာစို့
​ယာဉ်မတော်တဆမှု ကင်းဝေးစေဖို့အတွက် ယာဉ်ထိန်းမီး အချက်ပြချက်များကို မှန်ကန်စွာ သိရှိနားလည်ပြီး လိုက်နာမောင်းနှင်ကြရအောင်... 👇

​🟢 မီးစိမ်းပြလျှင် (ဖြတ်သန်းပါ)
​ယာဉ်များကို ပုံမှန်အတိုင်း ဖြတ်သန်းသွားလာနိုင်ပါသည်။
​သတိပြုရန် - မီးစိမ်း မှီရန်အတွက် အရှိန်ပြင်းစွာဖြင့် လုမမောင်းရပါ။

​🟡 မီးဝါပြလျှင် (သတိပြုပါ/ရပ်ရန်ပြင်ဆင်ပါ)
​ရပ်မျဉ်းမရောက်မီ မီးဝါပြပါက ရပ်မျဉ်းနောက်တွင် ရပ်ပေးရပါမည်။
​ခြွင်းချက် - အရှိန်ကြောင့် ရပ်မျဉ်းနောက်တွင် အန္တရာယ်ကင်းစွာ ရပ်ရန် မဖြစ်နိုင်တော့သည့် အခြေအနေမျိုးတွင်သာ သတိကြီးစွာဖြင့် ဆက်လက်ဖြတ်သန်းနိုင်ပါသည်။
​မီးနီနှင့် မီးဝါ တစ်ပြိုင်နက်ပြပါက မီးနီတော့မည်ဖြစ်၍ လုံးဝ (လုံးဝ) ဖြတ်သန်းခြင်းမပြုရပါ။

​🔴 မီးနီပြလျှင် (ရပ်ပါ)
​ဖြတ်သန်းသွားလာခွင့် မပြုပါ။ ရပ်မျဉ်း၏ နောက်တွင် တိကျစွာ ရပ်ရပါမည်။
​အရေးကြီးချက် - ခြေကျင်လမ်းကူးများ၊ စက်ဘီးနှင့် ဆိုင်ကယ်လမ်းကူးများပေါ်တွင် ကျော်၍ ရပ်ခြင်းမပြုရပါ။

​👮 မှတ်ချက် - ယာဉ်အသွားအလာ ထိန်းသိမ်းသူ (ယာဉ်ထိန်းရဲ) က ရပ်ရန် ညွှန်ပြပါကလည်း မဖြစ်မနေ လိုက်နာရပ်တန့်ရပါမည်။

​"စည်းကမ်းရှိတဲ့ ယာဉ်မောင်းသူတိုင်းဟာ တန်ဖိုးရှိတဲ့ အသက်ပေါင်းများစွာကို ကယ်တင်ရာရောက်ပါတယ်"

​ #ယာဉ်စည်းကမ်းလမ်းစည်းကမ်း

🚗 မော်တော်ယာဥ်ကိုကွေ့လိုပါက မိမိသွားလိုသည့်ယာဥ်ကြောဘက်သို့ ကြိုတင်နေရာယူ၍ အချက်ပြခြင်းကို ကွေ့မည့်နေရာသို့ မရောက်မီ အနည်းဆုံး ပေ ၁၀၀ မှ ကြိုတင်၍ အချက်ပြရမည်ဖြစ်ပြီး အမြန်နှုန်းလျှော့၊ ခေတ္တရပ်၊ အန္တရာယ်ကင်းမှ ကွေ့ဝင်ရမည်။

အောက်ပါနေရာများတွင် "ဂ ကွေ့ မကွေ့ရ -

၁ . ခြေကျင်လျှောက်သူများ ဖြတ်ကူးရန် ခွင့်ပြုထားသေးနေရာ၊

၂ . လမ်းအလယ်တွင် အလျှားလိုက် တစ်စပ်တည်းရေးဆွဲထားသော မျဥ်းဖြူတစ်ကြောင်း သို့မဟုတ် နှစ်ကြောင်းရှိသောလမ်း၊

၃ . ခွင့်မပြုသော လမ်းဆုံ၊ လမ်းခွ၊

၄ . လမ်းထောင့်၊ လမ်းကွေ့၊

၅ . ကုန်းထိပ်နှင့် ယင်းမှ မီတာ (၁၀၀) အတွင်း၊

၆ . တံတားအဝင်ဝနှင့် တံတားပေါ်၊

၇ . တစ်လမ်းမောင်းလမ်း၊

၈ . 'ဂ ကွေ့ မကွေ့ရဟု တားမြစ်ထားသောနေရာ၊

၉ . "လမ်းမပိတ်ရ အဝါရောင်မျဥ်းကွက် (YELLOW BOX) နေရာ၊

၁၀. ကျောင်း၊ ဆေးရုံ၊ မီးသတ်စခန်းတို့၏ရှေ့တွင် မကွေ့ရပါ။

09259982727
09450664704


#ယာဉ်စည်းကမ်းလမ်းစည်းကမ်း
#ကားမောင်းသင်တန်း


#ကားပါကင်