Project Facets

Project Facets - Phoenix
----------------------------
Project Facets သည် မြန်မာ့ကွန်ပျူတာဆော့ဖ်ဝဲလ်ရပ်ဝန်းအတွက် အထောက်အကူပြုနေသည့်၊ လုပ်ငန်းခွင်အဆင့်သို့ ရောက်နိုင်သော ပရိုဂရမ်မာများ မွေးထုတ်ပေးရေး စီမံကိန်း ဖြစ်ပါသည်။

Project Facets - Phoenix က ဘယ်လိုအကျိုးထူးလဲ?
-------
သင်တန်းပြီးဆုံးပါက Junior Programmer အဖြစ် အလုပ်ရရှိမည် ဖြစ်သည်။

ဘယ်သူတွေ ပါဝင်နိုင်သလဲ?
------
တက္ကသိုလ်ဝင်တန်း အောင်မြင်ပြီးသူတိုင်း ပါဝင်နိုင်ပြီး ကွန်ပျူတာပရိုဂရမ်မာအဖြစ် ဘဝလမ်းကြောင်းကို လျှောက်လှမ်းလိုသူများ ပါဝင်နိုင်ပါသည်။

အချိန်ဘယ်လောက် ကြာမှာလဲ?
-------
သင်တန်းကာလ = ၄ လ (အချိန်ပိုင်း)
လုပ်ငန်းခွင် သင်တန်း ကာလ = ၂ လ (အချိန်ပြည့်)
အလုပ်သင်ကာလ = ၃ လ (အချိန်ပြည့်)

သင်တန်းကြေး ဘယ်လောက်လဲ?
------
၂ သိန်း အပြည့်သွင်းရမည်။
Programmer အဖြစ် အလုပ်ခန့်ထားခြင်း ခံရပါက သင်တန်းကြေးကို ပြန်လည်ပေးအပ်မည်။

ဘယ်လိုဆက်သွယ်ရမလဲ?
--------
IrraHub Co., Ltd.
အမှတ်(၈၁)၊ ပထမထပ်၊ သရက်တော (၃)လမ်း၊
အောက်ကြည့်မြင်တိုင်လမ်း၊ ရန်ကုန်။
Facebook.com/irrahub နှင့် 097 8888 5091 သို့ ဆက်သွယ်စုံစမ်းနိုင်ပါသည်။

သတင်း-
Project Facets - Mandalay ကို မန္တလေးမြို့တွင် ဧပြီလ အတွင်း ဖွင့်လှစ်သွားမည် ဖြစ်ပါကြောင်း...။

သင်တန်း၊ လုပ်ငန်းခွင် နှင့် ကွက်လပ်ဖြည့်ခြင်း
------------

မြန်မာနိုင်ငံတွင် သင်တန်းဟု ပြောလိုက်လျှင် မိမိတို့ မတတ်တာကို တတ်အောင် သင်ပေးနိုင်လိမ့်မည်ဟု တွေးထင်ထားပြီး သင်သမျှကိုသာ လေ့လာကြသည်။ သင်တန်းများသည်လည်း အချိန်တစ်ခုအတွင်းမှာ စီးပွားရှာရသဖြင့် သတ်မှတ်ထားသော သင်ရိုးကိုသာ ပေးပြီး နောက်ထပ် အဆင့်မြင့် သင်ရိုးကို ဆက်လက်တက်ရောက်စေရန် သင်ပေးကြသည်။

တစ်ခုသော အစားသေးကို ပြပြီးကျွေးသည်။ အစာကြီးတစ်ခုကို ထပ်ပြသည်။ လိုချင်လာအောင် ဆွဲဆောင်နည်းတစ်ခုဖြင့် ငွေရှာရသည့် သင်တန်းအမျိုးအစားများသည် မြန်မာပြည်တွင် အများအပြားရှိနေဆဲပင်။

ဒါဆို တစ်ခါတည်းနှင့် အကုန်ပေးလိုက်လျှင်ရော.. ။ မရပါ။ သင်တန်းလာတတ်သူများ၏ အားနည်းချက်များလည်း ရှိနေသည်။

သင်ယူသူသည် ကိုယ်တိုင်ကြိုးစားအားထုတ်ခြင်းမရှိပဲ ခွံ့ကျွေးသမျှကိုသာ မြိန်ရည်ယှက်ရည် စားသုံးပြီး နူးနူးညံ့ညံ့ခွံ့ကျွေးသူဆိုလျှင် ပိုပြီး လေးစားအထင်ကြီးသည့် စိတ်အခံရှိကြသူများသည် ထိုကဲ့သို့သော သင်တန်းများအတွက်တော့ ကတက်ပင်ကြီးသဖွယ်ပင်။ အမြဲအချဉ်တည်ဖို့ ဖြစ်နေပေလိမ့်မည်။

နိုင်ငံခြားမှ သင်တန်းများသည် ဆရာခွံ့ကျွေးမှစားရသည့် သင်တန်းထက် ကိုယ်တိုင်လေ့လာမှုလုပ်ပြီး အဆင့်မြှင့်ရသော သင်တန်းဖြစ်သလို သင်တန်းချိန်သည်လည်း အလွန်ပင် တိုတောင်းလှသည်။

သင်တန်းတစ်ခုသည် ပညာရပ်တစ်ခုကို ဘယ်လို လေ့လာသင့်တယ်ဆိုသည်ကို လမ်းညွန်ပေးနိုင်လျှင် ထိုသင်တန်းသည် သင့်အတွက် အလွန်အဖိုးတန်သော သင်တန်းတစ်ခု ဖြစ်ပြီး ကိုယ်တိုင်လေ့လာနိုင်မှုကို တွန်းအားပေးနိုင်လျှင် ပိုပြီးကောင်းသည်။

လုပ်ငန်းခွင်သို့ရောက်ချိန်တွင် ယနေ့မြန်မာနိုင်ငံမှ သင်တန်းအတော်များများတွင် သင်ကြားပေးသော ပုံစံဖြင့် အလုပ်လုပ်ခဲ့လျှင် ကိုယ့်ရဲ့ အထက်မှ Senior ကို အလုပ်ပိုစေရုံသာမက အလုပ်မှာပါ စိတ်ပျက်စရာ ဖြစ်စေနိုင်တာကို သိစေချင်ပါတယ်။ သင်ပေးထားတာကိုပဲ လုပ်တတ်ပြီး ကိုယ်တိုင်လေ့လာမှု စွမ်းရည်နည်းပါးနေလျှင် အလုပ်တွင် အခက်အခဲများစွာကို ကြုံတွေ့ရလိမ့်မည်။ သင်တန်းနှင့် လုပ်ငန်းခွင်သည် အလွန်တရာ ကွာခြားလှသည်။

လုပ်ငန်းခွင်ထဲရောက်ဖို့ ပညာရပ်တစ်ခုကို သင်တန်းတက်ထားမှ ရမည်ဆိုဟု တွေးထင်ထားသူများရှိသည်။ မိမိတို့ ဘွဲ့ဖြင့် အလုပ်တစ်ခုထဲကို ဝင်နိုင်ပါလျက်နှင့် သင်တန်းတစ်ခုတက်ပြီးမှ အလုပ်ထဲ ဝင်မည်ဟု အထင်ရှိနေခြင်းသည် မိမိကိုယ် မိမိ ယုံကြည်ချက်အားနည်းခြင်းကြောင့်ပင်။

အလုပ်ထဲတွင် သင်တန်းကြီးများမှ ဆင်းလာသောသူတစ်ချို့ရှိသည်။ သူတို့သည် လုပ်ငန်းထဲသို့ ရောက်ချိန်တွင် သင်ထားသည်နှင့် လုပ်ရသည့်အလုပ်သည် အလွန်ကွာခြားနေသည်ကို တွေ့ကြရတော့ အချိန်ကုန်သွားသည်ဟု ပြောကြလေ့ရှိသည်။

နည်းပညာ ကုမ္ပဏီများအတွက်ဆိုလျှင် မြန်မာပြည်မှ သင်တန်းအချို့ရဲ့ သင်ရိုးများသည် ခေတ်နောက်ကျနေသည်။ တက္ကသိုလ်များသည် သီအိုရီကို သင်ကြားပေးသည့်အတွက် မသိသာသော်လည်း နည်းပညာသင်ပေးသော အချို့သော သင်တန်းများအတွက် အလွန်သိသာလှစွာ ခေတ်နောက်ကျနေတတ်သည်။ မိမိတို့သင်ခဲ့ရသည်မှာ လွန်ခဲ့သော ၁၀ နှစ်လောက်က လျှမ်းလျှမ်းတောက် ဖြစ်ခဲ့သော နည်းပညာကို သင်ကြားခဲ့ရပြီး ယနေ့တွင် ထို နည်းပညာသည် အသုံးမတည့်တော့လောက်အောင် ခေတ်နောက်ကျသွားတတ်သည်။ ထို့ကြောင့် နည်းပညာနှင့် ပတ်သက်သော သင်တန်းများကို တက်မည်ဆိုလျှင် အထူးသတိထားသင့်သည်။

အကောင်းဆုံးအကြံပေးချင်တာကတော့ ကိုယ်တိုင်လေ့လာနိုင်မှု အားကောင်းအောင် ကြိုးစားခြင်းဖြင့်သာ လုပ်ငန်းခွင်တွင် မိမိကိုယ်ကို မြှင့်တင်နိုင်မည် ဖြစ်သည်။ လုပ်ငန်းခွင်ရောက်မှ မိမိတို့ရဲ့ လိုအပ်နေသော ပညာရပ်များကို ဖြည့်ဆည်းနိုင်လျှင် ပိုပြီး သိမြင်တတ်သိ လွယ်ပါလိမ့်မည်။

ထို့ကြောင့် အလုပ်ထဲကို ဦးစွာဝင်ပြီး လိုအပ်သော ကွက်လပ်ကို အလုပ်ထဲတွင် ဖြည့်ပါ။ အလုပ်မှ မဖြည့်ပေးနိုင်သော ကွက်လပ်ကို သင်တန်းဖြင့် ဖြည့်ဆည်းပါ။ အချိန်တစ်ခုတွင် လိုအပ်နေသော ကွက်လပ်ပြည့်သွားပါလိမ့်မည်။

လုပ်ငန်းခွင်ကို တတ်နိုင်သလောက် စောစောဝင်ပါ။ ကိုယ့်ရဲ့ Career လိုအပ်ချက်ကို စောစောဖြည့်နိုင်လေ ပိုကောင်းလေ ဖြစ်သည်။