Device Consulting Group

👑𝐄𝐱𝐞𝐜𝐮𝐭𝐢𝐯𝐞 𝐋𝐞𝐚𝐝𝐞𝐫𝐬𝐡𝐢𝐩 𝐒𝐞𝐦𝐢𝐧𝐚𝐫 (𝐄𝐋𝐒) | 𝐒𝐞𝐚𝐬𝐨𝐧-𝟏𝟔 | 𝐑𝐞𝐜𝐨𝐫𝐝 𝐨𝐟 𝐒𝐞𝐬𝐬𝐢𝐨𝐧 𝟓

💡ယနေ့ခေတ် ပြောင်းလဲတိုးတက်နေသော စီးပွားရေးလောကတွင် မိမိတို့အဖွဲ့အစည်းကို ရေရှည်တည်တံ့စွာ ဦးဆောင်နိုင်ရန် ရိုးရာအစဉ်အလာ အထက်မှအောက်သို့ အမိန့်ပေးစေခိုင်းသည့် Traditional Top-down Authority သည် စိန်ခေါ်မှုအသစ်များနှင့် ရင်ဆိုင်နေရပြီဖြစ်ပါတယ်။

🔷ယခုအပတ်မှာတော့ ဆရာကြီး ပါမောက္ခဒေါက်တာအောင်ထွန်းသက် သင်ကြားပြသပေးခဲ့တဲ့ Executive Leadership Seminar တွင် အဖွဲ့အစည်းတစ်ခု၏ စွမ်းဆောင်ရည်ကို အမြင့်ဆုံးသို့ ဆွဲတင်ပေးနိုင်မယ့် "Collaborative Leadership (Session 5)" အကြောင်းကို အဓိကထား ဆွေးနွေးခဲ့ကြပါတယ်။

🔷ခေါင်းဆောင်မှုဟူသည် တာဝန်များကို ခွဲဝေပေးရုံသာမကဘဲ အဖွဲ့ဝင်အားလုံး ပွင့်လင်းမြင်သာစွာ အတူတကွ ပူးပေါင်းဆောင်ရွက်လာစေရန် တိုက်တွန်းဝေမျှပေးထားပါတယ်။ စစ်မှန်သော ပူးပေါင်းဆောင်ရွက်မှု ခေါင်းဆောင်တစ်ဦးတွင် ရှိရမည့် အခြေခံအချက် (၃) မျိုးဖြစ်တဲ့ -

🔷၁။ Shared Decision-Making: လုပ်ငန်းခွင်အတွင်း မတူကွဲပြားသော အမြင်များနှင့် ထိုးထွင်းဉာဏ်များကို စုစည်းကာ အဖွဲ့ဝင်များ၏ Collective Wisdom ဖြင့် အကောင်းဆုံး ဆုံးဖြတ်ချက်များကို ချမှတ်ခြင်း။
၂။ Open Communication: တစ်ဦးကိုတစ်ဦး ယုံကြည်လေးစားမှုရှိပြီး အပြစ်တင်ဝေဖန်ခံရမှာကို မစိုးရိမ်ဘဲ မိမိတို့ရဲ့ အကြံဉာဏ်များကို လွတ်လပ်စွာ ဖော်ထုတ်ဆွေးနွေးနိုင်တဲ့ လုပ်ငန်းခွင် ယဉ်ကျေးမှုတစ်ခုတည်ဆောက်ခြင်း။
၃။ Team Empowerment: အဖွဲ့ဝင်တစ်ဦးချင်းစီရဲ့ စွမ်းဆောင်ရည်နဲ့ ထူးခြားတဲ့ အရည်အချင်းများကို အသိအမှတ်ပြုကာ Delegate Authority ဖြင့် တာဝန်ယူစိတ်နှင့် တက်ကြွမှုကို မြှင့်တင်ပေးခြင်း။

🔷ခေါင်းဆောင်မှုပုံစံရဲ့ ထိရောက်ပုံကို ကမ္ဘာ့ထိပ်တန်း Microsoft ကုမ္ပဏီကြီး၏ CEO ဖြစ်သူ Satya Nadella ကဲ့သို့သော ခေါင်းဆောင်များက လက်တွေ့အသုံးချပြီး ပူးပေါင်းဆောင်ရွက်မှုကို အားပေးသည့် ယဉ်ကျေးမှုအသစ်ဖြင့် အဖွဲ့အစည်းကို ပိုမိုအောင်မြင်အောင် ပြောင်းလဲမောင်းနှင်ခဲ့ကြသလို၊ နယူးဇီလန်ဝန်ကြီးချုပ်ဟောင်း Jacinda Ardern ကဲ့သို့သော ကမ္ဘာ့ခေါင်းဆောင်များကလည်း မတူကွဲပြားသောအမြင်များကို နားထောင်ပြီး အားလုံးပါဝင်သည့် ပူးပေါင်းဆောင်ရွက်မှုပုံစံဖြင့် အကျပ်အတည်းများကို အောင်မြင်စွာ ရင်ဆိုင်ကျော်လွှားနိုင်ကြောင်း မျှဝေခဲ့ပါတယ်။

🔷ယခု Seminar မှာ တက်ရောက်လာကြသည့် လုပ်ငန်းရှင်များနှင့် မန်နေဂျာများမှလည်း မိမိတို့၏ လုပ်ငန်းခွင်အတွင်း ကြုံတွေ့နေရသည့် ခေါင်းဆောင်မှုဆိုင်ရာ စိန်ခေါ်မှုများနှင့် ပတ်သက်၍ မေးမြန်းခဲ့ကြရာ ဆရာကြီးမှ လက်တွေ့ကျသော သာဓက၊ ဥပမာ မြောက်မြားစွာဖြင့် အသေးစိတ် လမ်းညွှန်ဖြေကြားပေးခဲ့ပါတယ်။
ခေါင်းဆောင်ကောင်းဟူသည် ရှေ့ကနေ အမိန့်ပေးသူမဟုတ်ဘဲ အားလုံးနှင့်အတူ လက်တွဲကာ အဖွဲ့အစည်း၏ အနာဂတ်ဆီသို့ ရှေ့ဆောင်လမ်းပြပေးသူ ဖြစ်ပါသည်။

🔷ဒီကနေ့ Seminar သို့ အချိန်ပေး၍ တက်ကြွစွာ တက်ရောက်အားဖြည့်ပေးခဲ့ကြသော လုပ်ငန်းရှင်များ၊ မန်နေဂျာများနှင့် အဖွဲ့ဝင်များအားလုံးကို အထူးပင် ကျေးဇူးတင်ရှိပါကြောင်း မှတ်တမ်းတင်အပ်ပါသည်။ လူကြီးမင်းတို့၏ စီးပွားရေးလုပ်ငန်းများနှင့် အဖွဲ့အစည်းများအားလုံး စုပေါင်းအင်အားဖြင့် တိုးတက်အောင်မြင်မှု အသီးအပွင့်များ ဆွတ်ခူးနိုင်ပါစေကြောင်း ဆုမွန်ကောင်း တောင်းလိုက်ရပါတယ်။

💡 The 𝐋𝐄𝐀𝐑𝐍-𝐈𝐓-𝐀𝐋𝐋 will always do better than the 𝐊𝐍𝐎𝐖-𝐈𝐓-𝐀𝐋𝐋.