Worldview Myanmar - WIF

ဝန်ထမ်းခေါ်ယူခြင်း

Car Driver (၁) ဦး

နေရာ - ထန်းခြောက်ပင်နှင့်မင်္ဂလွန်းကျေးရွာ၊ ကျောက်တန်းမြို့နယ်

အသေးစိတ်အချက်အလက်များကို ဖတ်ရှုပြီး နိုဝင်ဘာ (၃) ရက်နောက်ဆုံးထား၍ [email protected] သို့ လျှောက်ထားနိုင်ပါသည်။

အသက်မွေးဝမ်းကျောင်းလုပ်ငန်းမြှင့်တင်ပေးခြင်း

Worldview International Foundation (WIF) သည် ဒေသခံများ၏ အသက်မွေးဝမ်းကျောင်းဆိုင်ရာ ဖွံ့ဖြိုးတိုးတက်စေရန် ရည်ရွယ်၍ လိုအပ်ချက်ရှိသော အိမ်ထောင်စုများအတွက် ထောက်ပံ့ပေးလျက် ရှိပါသည်။

တနင်္ဿာရီတိုင်း ဘုတ်ပြင်းမြို့နယ် ဆလုံချောင်းကျေးရွာရှိ အိမ်ထောင်စု (၁၅) စု၏ ရေလုပ်ငန်းဆိုင်ရာ အသက်မွေးဝမ်း ကျောင်းလုပ်ငန်းတွင် ဝင်ငွေတိုးစေရန် ရည်ရွယ်၍ ဂဏန်းမြှုံးများထောက်ပံ့ခဲ့ပါသည်။ အိမ်ထောင်စု တစ်စုလျှင် ဂဏန်းမြှုံး (၂၅) လုံးစီထောက်ပံ့ပေးခြင်းဖြစ်ပြီး အမျိုးသမီးဦးဆောင်အိမ်ထောင်စု (၂) စု အပါအဝင် စုစုပေါင်း အိမ်ထောင်စု (၁၅) စု တို့ အကျိုးခံစားခွင့် ရရှိခဲ့ပါသည်။
#

လူငယ်များအတွက် အွန်လိုင်းအင်္ဂလိပ်စာသင်တန်း

ငရုတ်ကောင်းစီမံကိန်းဧရိယာအတွင်းရှိ ဒေသခံလူငယ်များ၏ အသက်မွေးဝမ်းကျောင်းဆိုင်ရာ ဖွံ့ဖြိုး တိုးတက်မှုအတွက် အတတ်ပညာများကို လေ့လာသင်ယူနိုင်စေရန် ရည်ရွယ်ချက်ဖြင့်အခြေခံ အင်္ဂလိပ်စာ သင်တန်းတစ်ရပ်ကို အွန်လိုင်းမှ တစ်ဆင့်ပို့ချခဲ့ပါသည်။

အဆိုပါသင်တန်းအား ငရုတ်ကောင်း မြို့နယ်အတွင်းရှိ ကျွေချိုင်၊ အနိမ့်ချောင်၊ နံ့သာပု၊ ငရုတ်ကောင်းအမှတ် (၂) ရပ်ကွက်ရှိ လူငယ် စုစု ပေါင်း (၁၀) ဦးတက်ရောက်ခဲ့ကြပြီး သင်တန်းကာလမှာ နှစ်လခွဲကြာမြင့်ခဲ့သည်။

သင်တန်းတက်ရောက်သူ လူငယ်များ အတွက် လိုအပ် သော သင်ကြားရေးအထောက်အကူပြု စာအုပ်များ၊ အင်တာနက် ဘေလ် များ ကိုလည်း Worldview International Foundation (WIF) က ထောက်ပံ့ပေးခဲ့ပါသည်။

ဒီရေတောမှတ်စု

ဒီရေတောဆိုတာက ပင်လယ်ကမ်းရိုးတန်း ဒါမှမဟုတ် မြစ်ဝကျွန်းပေါ်လိုမျိုး ရေငန်နဲ့ ရေချိုဆုံတဲ့နေရာတွေမှာ ပေါက်ရောက်တဲ့ အပင်မျိုးစိတ်တွေနဲ့ ဖွဲ့စည်းထားတဲ့ သစ်တောတွေပဲ ဖြစ်ပါတယ်။ သူတို့ရဲ့ အဓိက ထူးခြားချက်တွေကတော့ ပတ်ဝန်းကျင်ရဲ့ အခြေအနေကို လိုက်လျောညီထွေနေထိုင်နိုင်တဲ့ အရည်အချင်းတွေပဲ ဖြစ်ပါတယ်။

အမြစ်စနစ် (Root System): ဒီရေတောပင်တွေမှာ ထူးခြားတဲ့ အမြစ်တွေ ရှိကြပါတယ်။ အောက်ဆီဂျင်နည်းပါးတဲ့ ရွှံ့မြေနဲ့ ရေထဲမှာ အသက်ရှူနိုင်ဖို့အတွက် အမြစ်တွေဟာ မြေကြီးပေါ်ကို ထိုးထွက်နေကြပါတယ်။ ဒီအမြစ်တွေက ဒီရေအတက်အကျကိုလည်း ခံနိုင်ရည်ရှိအောင် ကူညီပေးပြီး မြေဆီလွှာတိုက်စားမှုကိုလည်း ကာကွယ်ပေးပါတယ်။

ဆားဓာတ်ကို ခံနိုင်ရည်ရှိခြင်း: ဒီရေတောအပင်တွေဟာ ရေငန်ထဲမှာ ရှင်သန်နိုင်တဲ့ စွမ်းရည်ရှိကြပါတယ်။ အချို့အပင်တွေက အမြစ်ကနေ ဆားဓာတ်ကို စစ်ထုတ်နိုင်ပြီး အချို့ကတော့ အရွက်တွေထဲမှာ ဆားဓာတ်ကို စုဆောင်းကာ အရွက်ကြွေတဲ့အခါ ဆားတွေကို ဖယ်ရှားပစ်တတ်ကြပါတယ်။
ဂေဟစနစ်၏ အရေးပါမှု: ဒီရေတောတွေဟာ ပင်လယ်ကမ်းရိုးတန်းတွေကို မုန်တိုင်းလှိုင်းနဲ့ ဆူနာမီတွေရဲ့ အန္တရာယ်ကနေ ကာကွယ်ပေးတဲ့ သဘာဝအကာအကွယ်အဖြစ် တည်ရှိနေပါတယ်။ ဒါ့အပြင် ငါးမျိုးစိတ်တွေ၊ ပုစွန်၊ ကဏန်းနဲ့ တခြားရေနေသတ္တဝါမျိုးစိတ်တွေအတွက်လည်း သားပေါက်ရာ၊ ခိုလှုံရာနဲ့ အစာရှာဖွေရာ နေရာတစ်ခု ဖြစ်ပါတယ်။

ကာဗွန်သိုလှောင်မှု: ဒီရေတောတွေဟာ ကမ္ဘာ့ရာသီဥတုပြောင်းလဲမှုကို တန်ပြန်ဖို့အတွက် အရေးပါတဲ့ အခန်းကဏ္ဍကနေ ပါဝင်ပါတယ်။ သူတို့ဟာ ရိုးရိုးသစ်တောတွေထက် ကာဗွန်ဓာတ်ငွေ့ကို ပိုမိုစုပ်ယူပြီး သိုလှောင်ထားနိုင်တဲ့အတွက် "အပြာရောင်ကာဗွန်" (blue carbon) လို့ ခေါ်ဆိုကြပါတယ်။ (ဓါတ်ပုံ - စိုးထက်ကို)