Product For Men

#အချစ်ဟောင်းကိုပြန်တွဲခြင်းနှင့်ကျန်းမာရေး

မစ်ဇူရီတက္ကသိုလ်က မိသားစုသိပ္ပံပညာ ပါမောက္ခ ကေးလ်မန့်ခ် (Kale Monk) က ပြောပြသွားခဲ့ပါတယ်။ ချစ်သူနဲ့ပြတ်စဲလို့ အသည်းကွဲရတာဟာ ပုံမှန်အခြေအနေဖြစ်ပြီး အချိန်အားဖြင့်ယာယီသာခံစားရတာဖြစ်တယ်၊ ချစ်သူဟောင်းနဲ့ပြတ်လိုက်၊ ပြန်တွဲလိုက် ဆိုတဲ့သံသရာကတော့ ကျန်းမာရေးကိုပာ ယိုယွင်းထိခိုက်စေတဲ့ အခြေအနေကိုဖြစ်စေနိုင်ပါတယ် လို့ သူက ဆက်လက်ပြောပြခဲ့ပါတယ်။

တစ်ခါတစ်လေမှာတော့ ချစ်သူတွေပြတ်သွားကြတာက အမြင်သစ်တစ်မျိုးပြောင်းသွားစေပါတယ်။ တစ်ယောက်ကိုတစ်ယောက် ဘယ်လောက်တန်ဖိုးထားကြသလဲဆိုတာ တစ်ယောက်တည်းဖြစ်နေတဲ့အချိန်တွေမှာ သိရှိစေပါတယ်။

ဘယ်လိုပဲဖြစ်ဖြစ် ကွဲအက်သွားတဲ့ ဆက်ဆံရေးဟာ ပုံမှန်ပြန်ဖြစ်ဖို့မလွယ်ပါဘူး။ စိတ်ဝမ်းကွဲပြီးမှ နှစ်ဖက်စလုံးက စိတ်အားထက်သန်စွာနဲ့ တက်ညီလက်ညီ ပြန်တည်ဆောက်ချင်တယ်ဆိုရင်တော့ အရင်ဦးဆုံးလုပ်သင့်တာက အရင်ကထက်ပိုပြီး နားလည်မှုကို အပြန်အလှန်ပျိုးထောင်ကြဖို့ပါပဲ။ သို့ပေမယ့် နှစ်ကိုယ့်တစ်စိတ်လိုဖြစ်လာတဲ့အထိ နားလည်မှုကို ပိုပြီးပြန်မတည်ဆောက်နိုင်ပဲနဲ့တော့ ပြတ်စဲသွားခဲ့တဲ့ အဆိပ်သင့်စေတဲ့ ဆက်ဆံရေးဆီ ခြေဦးပြန်မလှည့်ဖို့အတွက် မန့်ခ်က အခုလိုတိုက်တွန်းသွားခဲ့ပါတယ်။

” ကျွန်တော်ကတော့ ကွဲသွားခဲ့တဲ့ ချစ်သူစုံတွဲတွေကိုဒီလိုအကြံပေးချင်ပါတယ်။ ပြန်တွဲမယ်စဉ်းစားတိုင်း ငါတို့ဘာကြောင့်ပြတ်ခဲ့ရသလဲ ဆိုတဲ့အကြောင်းရင်းက အရေးကြီးတယ်ဆိုတာပါပဲ။ ဒီတစ်ကြိမ်မှာရော အရင်တစ်ခေါက်နဲ့မတူပဲ အရာရာခြားနားသွားမှာ တကယ်သေချာရဲ့လား။ ပြန်တွဲမယ်ဆိုရင်တော့ အချင်းချင်း သူတို့ကွဲခဲ့ရတဲ့ နောက်ကွယ်က အဓိကအကြောင်းရင်းတွေအကြောင်း ပွင့်လင်းတိကျစွာ ပြန်ဆွေးနွေးပေးကြတာ သိပ်ပြီးအကူအညီဖြစ်စေပါလိမ့်မယ်။ ပြုပြင်ရမယ့်အကျင့်ဟောင်း၊ ကိုယ်စီအားနည်းချက်၊ သူ့အကြိုက်ကိုယ့်အကြိုက်၊ သူ့ဒုက္ခ ကိုယ့်ဒုက္ခ စသဖြင့် တစ်လှေတည်းစီး၊ တစ်ခရီးတည်းသွားဖို့ လိုအပ်သမျှ အပြန်အလှန်နားလည်မှုတွေကို အရင်ဆုံး ပြန်ပြီးတည်ဆောက်ကြပါ ”

နောက်တစ်ချက်အနေနဲ့ မန့်ခ်က ” ကိုယ့်အတွက် အဆိပ်သင့်စေတဲ့ ချစ်သံယောဇဉ်တစ်ခုမှာ ကိုယ်က အကြမ်းဖက်ခံနေရတယ်၊ နာကျင်ခံစားရတယ်၊ စိတ်ပိုင်းရုပ်ပိုင်း နှိပ်စက်ညှဉ်းပန်းခံရမှုတွေ ကြုံတွေ့ခံစားနေရတယ်ဆိုရင်တော့ ဒီသံယောဇဉ်ကို စွန့်ထားခဲ့ပစ်လိုက်ဖို့ လိုပါတယ်။ ကိုယ့််အတွက် လုံခြုံမှုအရှိဆုံးဖြစ်ဖို့ ဒီစည်းဝိုင်းထဲက ထွက်ခွာလာခဲ့လိုက်ပါ။ လိုအပ်ရင် အသိုင်းအဝိုင်းတွေဆီက အကူအညီအထောက်အပံ့ရယူပေးရမှာပါ”လို့ လက်တွဲထားတဲ့ အချစ်ရေးမှာ စိတ်ဒုက္ခ၊ ကိုယ်ဒုက္ခရောက်နေသူတိုင်းကို သတိပေးအကြံပြုသွားခဲ့ပါတယ်။

အချစ်ဟောင်းကို ပြန်လည်အသက်သွင်းလိုသူတိုင်းအတွက် အရေးကြီးတာက အထက်မှာပြောပြထားသလို အဲဒီလိုစိတ်ဖိစီးနာကျင်မှုတွေကို ကိုယ်တိုင် ကြုံခဲ့ရလားဆိုတာကို ပြန်မတွဲခင်မှာ သတိနဲ့ချိန်ဆဆင်ခြင်ပြီး သေသေချာချာစဉ်းစားပေးရမှာဖြစ်ပါတယ်။

Credit

လိပ်‌ခေါင်းရောဂါသမားများမစားသင့်သော အနီရောင်အသားများ

အနီရောင်အသား ဆိုတာ ဝက်သား၊ အမဲသား၊ ဆိတ်သား စတာတွေကို ခေါ်တာဖြစ်ပါတယ် ။ ဒီအသားတွေက ကြည့်လိုက်ရင် နီရဲနေတော့ လအလွယ်အားဖြင့် အနီရောင် အသားလို့ ခေါ်ကြတာပါ

အသားတွေ နီနေရခြင်းက Myoglobinလို့ ခေါ်တဲ့
သံဓာတ်ပါတဲ့ ပရိုတင်းတစ်မျိုး ပါ‌ နေလို့ပါ။

ကျန်းမာရေး ပညာရှင်တွေက အနီရောင် အသားတွေကို လျှော့စားဖို့အကြံပေးလေ့ရှိပါတယ်။

ဘာကြောင့်လဲ ?

အနီရောင်အသား‌တွေက ကျန်းမာရေးအတွက် မကောင်းဘူးလား ?
လေ့လာချက်တွေအရတော့ အနီရောင်အသား စားသုံးမှုနဲ့ နှလုံးရောဂါ၊ အူမကြီးကင်ဆာနှင့် လိပ်ခေါင်းရောဂါ အမျိုးအစား ၂ဆီးချိုရောဂါ ဖြစ်နိုင်ခြေမြင့်တက်မှုက ဆက်စပ်နေတယ်လို့ ဆိုပါတယ်။

အထူးသဖြင့် စျေးထဲမှာ ရောင်းတဲ့ လတ်လတ်ဆတ်ဆတ် အနီရောင် အသားတွေထက် တာရှည်ခံအောင် ပြုပြင်ထားတဲ့ အနီရောင် အသားတွေက ပိုပြီး ဖြစ်နိုင်ခြေကို များစေပါတယ်။

စားမယ်ဆိုရင်လဲလျှော့စားကြပါဟုသာအကြံပြုလျှက်

ဘာလို့ အူကျရတာလဲ ?ဘယ်လိုကုသကြမလဲ ?

ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win | ရေးသားသူ Dr. Htet Htet Zaw Win

Update Date စက်တင်ဘာ 18, 2020 . 2 mins read
Share now

#ဘာလို့အူကျရတာလဲဘယ်လိုကုသကြမလဲ

အူကျတယ်ဆိုတာ ခန္ဓာကိုယ်ထဲက ကလီစာတစ်ခုခု (ဥပမာ အူဖြစ်ဖြစ် ) အပြင်ကို ကျွံထွက်လာတာပါ။ အထူးသဖြင့် ဝမ်းဗိုက်ရဲ့ အားနည်းတဲ့ အပိုင်းကနေပေါ့။ အူကျတာက ဘာလက္ခဏာမှ မပြဘဲ ဒီတိုင်း ဖောင်းရုံလေးပဲ ဖြစ်နိုင်သလို တစ်ခါတလေ အရေးပေါ် ခွဲစိတ်ရမယ့် အခြေအနေမျိုးလည်း ရှိနိုင်ပါတယ်။ အူကျတာက လူတိုင်းသိတဲ့ ကပ္ပာယ်အိတ်ထဲကို အူကျတာ အပါအဝင် ပေါင်ခြံကနေ အူကျတာ၊ ချက်ပတ်လည်ကနေ အူကျတာ၊ အရင်ဗိုက်ခွဲထားတဲ့ နေရာကနေ အူကျတာ အမျိုးမျိုး ရှိနိုင်ပါတယ်။ အူကျတာရဲ့ အဓိက ကုသမှုကတော့ ခွဲစိတ်တဲ့ နည်းလမ်းပါပဲ။ ဒီဆောင်းပါးမှာ အူကျရင် ဘယ်လို ခံစားရမှာလဲ။ ဘယ်လိုနည်းလမ်းတွေနဲ့ ခွဲစိတ်ကုသလို့ ရလဲဆိုတာ ပြောပြပေးသွားပါမယ်။

#အူကျခြင်းအမျိုးအစားများ

ခန္ဓာကိုယ်ရဲ့ တစ်နေရာရာမှာ အားနည်းတဲ့နေရာ weak point ရှိနေပြီဆိုရင် အဲ့ဒီနေရာကနေ အူကျတတ်ပါတယ်။ အတွေ့များတဲ့ အူကျခြင်း အမျိုးအစားတွေကတော့

Inguinal hernia (ဗိုက်ထဲက ကလီစာတွေက ဝမ်းဗိုက်အောက်ပိုင်းရဲ့ ကြွက်သားအားနည်းတဲ့နေရာ inguinal canalကနေ ထွက်လာတာပါ။ ပေါင်ခြံမှာ ခပ်ဖောင်းဖောင်း ဖြစ်နေတတ်ပါတယ်။)
Umbilical hernia (ချက်နားမှာ ရှိတဲ့ ဗိုက်ကြွက်သားတွေ အားနည်းတဲ့အတွက် ကလီစာတွေ ကျွံပြီး အပြင်ကို ဖောင်းထွက်နေတာပါ။)
Incisional hernia (အရင်ဗိုက်ခွဲထားတဲ့နေရာက ကြွက်သားတွေ အားနည်းလို့ ခွဲကြောင်းအမာရွတ်ကနေတဆင့် ကလီစာတွေ အပြင်ကို ဖောင်းထွက်တာပါ။)
Femoral hernia (Inguinal herniaလိုပဲ ပေါင်ခြံမှာ ခပ်ဖောင်းဖောင်းလေး တွေ့ရပါတယ်။ သေချာစမ်းကြည့်ရင် ဒီနှစ်မျိုးကို ခွဲနိုင်ပါတယ်။ အမျိုးသမီးတွေမှာ ပိုတွေ့ရပါတယ်။
အူကျရတဲ့ အကြောင်းရင်းများ
အူကျတာဟာ ကြွက်သားအားနည်းတာနဲ့ အပေါ်က ဖိအား တစ်ခုခုကြောင့်ပါ။ ဖြစ်တဲ့ အကြောင်းရင်းပေါ်မူတည်ပြီး ခပ်မြန်မြန်ဖြစ်မှာလား၊ တဖြည်းဖြည်း ပိုဆိုးလာမှာလား စသဖြင့် ရှိပါတယ်။

ကြွက်သားအားနည်းတာကို ဖြစ်စေတဲ့ အကြောင်းတွေကတော့

ကလေးတွေမှာ မွေးရာပါ ကြွက်သားအားနည်းတာ
အသက်ကြီးလာလို့ ကြွက်သားအားနည်းတာ
ခွဲစိတ်မှု ဒါမှမဟုတ် ထိခိုက်ဒဏ်ရာကြောင့် ကြွက်သားတွေ ထိခိုက်တာ
နာတာရှည် ချောင်းဆိုးတာ ဒါမှမဟုတ် နာတာရှည် အဆုတ်ရောင် ရောဂါကြောင့် ဗိုက်မှာ ဖိအားများလာတာ
ပြင်းထန်တဲ့ လေ့ကျင့်ခန်းတွေ လုပ်တာ၊ အလေးအပင်တွေ မ လွန်းတာ
ကိုယ်ဝန်ဆောင်တဲ့အချိန် (အထူးသဖြင့် အမြွှာကိုယ်ဝန်)
ဝမ်းချုပ်တာကြောင့် ဝမ်းသွားတိုင်းမှာ အားနဲ့ ညှစ်ရတာ
အဝလွန်တာ
ဝမ်းဗိုက်ဖောရောင်တာ စတာတွေပဲ ဖြစ်ပါတယ်။
အူကျခြင်းရဲ့ လက္ခဏာများ
အတွေ့အများဆုံးကတော့ အူကျတဲ့နေရာမှာ ဖောင်းနေတာပါပဲ။ ဥပမာ ပေါင်ခြံမှာ အူကျတယ်ဆိုရင် ပေါင်ခြံနေရာမှာ ဖောင်းနေပါတယ်။ ဒီဖောင်းတဲ့ နေရာလေးက လှဲချလိုက်ရင် အထဲကို ပြန်ဝင်သွားပါတယ်။ မတ်တတ်ရပ်ရင်၊ ချောင်းဆိုးရင်၊ ရှေ့ကို ကုန်းလိုက်ရင် ပြန်ထွက်လာပါတယ်။

တစ်ခါတလေ ဖောင်းနေတဲ့ နေရာမှာ နာတာ၊ အောင့်သက်သက် ဖြစ်တာမျိုး ဖြစ်တတ်ပါတယ်။ တချို့တွေမှာတော့ ဖောင်းရုံအပြင် ဘာလက္ခဏာမှ မခံစားရပါဘူး။

#အူကျတာကိုဘယ်လိုကုမလဲ

အူကျတာအတွက် အကောင်းဆုံး ကုသမှုကတော့ ခွဲစိတ်တဲ့ နည်းလမ်းပါပဲ။ အူကျတာက သေးတယ်၊ ဘာလက္ခဏာမှ မပြဘူး။ ဒါမှမဟုတ် လှဲလိုက်လို့ ပြန်ဝင်သွားတယ်ဆိုရင် မခွဲဘဲ ခဏစောင့်ကြည့်လို့ရပါတယ်။ ဒါပေမယ့် ထိရောက်တဲ့ ကုသနည်းကတော့ ခွဲစိတ်ပြီး ပြုပြင်တာပါပဲ။ မဟုတ်ရင် အောက်က အခြေအနေမျိုးအထိ ရောက်ပြီး အရေးပေါ်ကုသရတတ်ပါတယ်။

ဖောင်းတဲ့နေရာက နီရဲပြီး ပြာနှမ်းလာတာ (ဒါက အူကျတဲ့နေရာ သွေးမလျှောက်တော့လို့ အူပုပ်တော့မယ့် လက္ခဏာပါ။)
ရုတ်တရက် မခံနိုင်အောင် နာလာတာ
ပျို့အန်တာ
ဖျားတာ
ဝမ်းလည်းမသွားဘဲ လေပါမလည်တော့တာ စတာတွေပဲ ဖြစ်ပါတယ်။
အူကျတာကို ခွဲစိတ်ကုသမယ်ဆိုရင်
အူကျတာကို ခွဲစိတ်ကုသမယ်ဆိုရင် နည်းလမ်းတွေ အများကြီး ရှိပါတယ်။ အူကျတဲ့ နေရာပေါ် မူတည်ပြီး ခွဲစိတ်မှု နည်းလမ်းတွေ အမျိုးမျိုးရှိပါတယ်။

Open surgery

မေ့ဆေးပေးပြီး အူကျတဲ့နေရာနားမှာ ခွဲကြောင်းလေး ပေးလိုက်ပါတယ်။ ပြီးရင် ကျနေတဲ့ ကလီစာတွေ အူတွေကို ပြန်ထည့်ပြီး လျော့ရဲနေတဲ့ ကြွက်သားတွေကို ပြန်ချုပ်လိုက်ပါတယ်။ ကြွက်သားအားနည်းလွန်းပြီး အူကျတဲ့ အပေါက်ကျယ်လွန်းရင်တော့ နိုင်လွန်ဇကာကွက်နဲ့ ချုပ်ကြိုးတွေကို သုံးပြီး ခံချုပ်ပေးလိုက်ပါတယ်။ ဒါမှ နောက်တစ်ခါ အူကျွံနိုင်ခြေ နည်းသွားမှာပါ။

Laproscopic surgery

ဒါကတော့ ပေါင်ခြံမှာ အူကျွံတာတွေအတွက် အသုံးများပါတယ်။ ခုနလို ခွဲကြောင်းပေးစရာ မလိုပါဘူး။ အူကျတဲ့နေရာနားမှာ အပေါက်သေးသေးလေးတွေ ဖောက်ပြီး laparoscope လို့ ခေါ်တဲ့ ကိရိယာလေးနဲ့ အပေါက်လေးကနေတဆင့် ခွဲစိတ်မှု လုပ်တာပါ။ ကင်မရာတပ်ထားတာကြောင့် ကိုယ်တွင်း အင်္ဂါတွေကို ရှင်းရှင်းလင်းလင်း မြင်ရပါတယ်။ ခွဲစိတ်တဲ့ အဆင့်တွေကတော့ တူတူပါပဲ။ ဗိုက်မှာ အကြီးကြီး ခွဲစရာ မလိုတဲ့အတွက် နာလန်ထ ပိုမြန်ပြီး ဆေးရုံမြန်မြန် ဆင်းလို့ရပါတယ်။

အူကျခြင်း၊ အူကျွံခြင်းအပါဝင် တခြားအထွေထွေခွဲစိတ်ကုသမှုများကို စင်ကာပူနိုင်ငံ Mount Elizabeth ဆေးရုံကြီးမှာ ကျွမ်းကျင်ခွဲစိတ်ဆရာဝန်ကြီးများက နောက်ဆုံးပေါ် ခွဲစိတ်ကုသမှုနည်းလမ်းများနှင့် နာကျင်မှုနည်းနည်းနှင့် နာလန်ထချိန်မြန်အောင် ကုသပေးနေပါတယ်။

Credit Hello Health Group