MyJobs Myanmar

💡Talent မလိုတဲ့ အလေ့အကျင့်ကောင်း ၁၀ ချက်

၁။ အချိန်တိကျခြင်း (Being on Time) ⏰
ချိန်းဆိုမှုတွေ၊ Meeting တွေနဲ့ ရုံးတက်ချိန်တွေကို နောက်မကျဘဲ တိကျတာဟာ ကိုယ့်ရဲ့ စနစ်ကျမှုနဲ့ တစ်ဖက်လူအပေါ် လေးစားမှုကို ပြသရာရောက်ပါတယ်။

၂။ အလုပ်ကျင့်ဝတ် ရှိခြင်း (Work Ethic) 💼
ကိုယ့်တာဝန်ကို ကျေပွန်အောင် လုပ်ဆောင်ခြင်း၊ မခိုမကပ်ခြင်းနဲ့ ရိုးသားဖြောင့်မတ်စွာ လုပ်ကိုင်ခြင်းက ဘယ်လုပ်ငန်းခွင်မှာမဆို မျက်နှာပွင့်စေပါတယ်။

၃။ ကြိုးစားအားထုတ်မှု ရှိခြင်း (Effort) 💪
"ပြီးစလွယ်" မလုပ်ဘဲ ကိုယ်လုပ်တဲ့အလုပ်အပေါ် အကောင်းဆုံးဖြစ်အောင် ရာနှုန်းပြည့် အားစိုက်ထုတ်တာဟာ ကျွမ်းကျင်မှုကိုပိုပြီးမြှင့်တင်နိုင်ပါတယ်။

၄။ ကိုယ်ခန္ဓာလှုပ်ရှားမှု သတိပြုခြင်း (Body Language) 🤝
ပြုံးပြုံးရွှင်ရွှင်နေတာ၊ နှုတ်ဆက်တဲ့အခါ ယုံကြည်မှုရှိရှိ လက်ဆွဲနှုတ်ဆက်တာနဲ့ စကားပြောရင် မျက်လုံးချင်းဆုံကြည့်တာတွေက ကောင်းမွန်တဲ့ အထင်အမြင်ကို ပေးစွမ်းနိုင်ပါတယ်။

၅။ တက်ကြွမှုရှိခြင်း (Energy) ⚡
အလုပ်ခွင်ထဲကို ပင်ပန်းနွမ်းနယ်တဲ့ ပုံစံမျိုးနဲ့ မဟုတ်ဘဲ၊ လန်းဆန်းတက်ကြွတဲ့ Energy မျိုး ယူဆောင်လာခြင်းက ဘေးကလူတွေကိုပါ Positive ဖြစ်စေပါတယ်။

၆။ အကောင်းမြင်စိတ်ရှိခြင်း (Attitude) ☀️
အခက်အခဲတွေ ကြုံလာရတဲ့အခါ ညည်းညူနေမယ့်အစား "ဒါကို ဘယ်လိုဖြေရှင်းရင် ကောင်းမလဲ" ဆိုတဲ့ အပြုသဘောဆောင်တဲ့ စိတ်နေစိတ်ထားမျိုး မွေးမြူခြင်း ဖြစ်ပါတယ်။

၇။ ထက်သန်တဲ့ စိတ်ဆန္ဒရှိခြင်း (Passion) 🔥
ကိုယ်လုပ်နေတဲ့ အလုပ်အပေါ် စိတ်ဝင်တစားနဲ့ တန်ဖိုးထား လုပ်ကိုင်တတ်တဲ့ စိတ်ဆန္ဒပြင်းပြမှုက အောင်မြင်မှုရဲ့ အရှိန်အဟုန်ကို မြှင့်တင်ပေးပါတယ်။

၈။ သင်ယူလိုစိတ်ရှိခြင်း (Being Coachable) 🧠
ကိုယ်အကုန်မသိသေးကြောင်း ဝန်ခံရဲပြီး တခြားသူတွေရဲ့ ဝေဖန်အကြံပြုချက် (Feedback) တွေကို စိတ်နှိမ့်ချစွာနဲ့ လေ့လာပြင်ဆင်လိုတဲ့ စိတ်ဓာတ်ပဲ ဖြစ်ပါတယ်။

၉။ ပိုမိုလုပ်ဆောင်ပေးခြင်း (Doing Extra) 🚀
ကိုယ့်ကို ခိုင်းထားတဲ့၊ သတ်မှတ်ထားတဲ့ တာဝန်ထက် တစ်ဆင့်ပိုပြီး (Go the extra mile) ကူညီပေးခြင်း၊ ပိုမိုကောင်းမွန်အောင် တွေးတောပေးခြင်း ဖြစ်ပါတယ်။

၁၀။ အမြဲအဆင်သင့်ဖြစ်နေခြင်း (Being Prepared) 📋
Meeting မသွားခင် Agenda ကို ကြိုဖတ်ထားတာမျိုး၊ အလုပ်တစ်ခုမစခင် ကြိုတင်ပြင်ဆင်ထားတာမျိုးက အမှားအယွင်းကို အနည်းဆုံးဖြစ်စေပါတယ်။

ပါရမီဆိုတာ မွေးရာပါ ပါလာတတ်ပေမဲ့၊ ဒီအချက် (၁၀) ချက်ကတော့ ကိုယ်တိုင်ရွေးချယ်ပြီး အခုချက်ချင်း တည်ဆောက်ယူလို့ရတဲ့ အရာတွေကြီးပါပဲ။ အခုပဲ တစ်ချက်ချင်းစီ လေ့ကျင့်ပြီး ကိုယ့်ရဲ့ Career ကို Level Up လိုက်ရအောင်။ 💪✨

🗓️ 𝐓𝐨𝐩 𝐉𝐨𝐛𝐬 𝐨𝐟 𝐭𝐡𝐞 𝐖𝐞𝐞𝐤 💼
သင့်ကိုစောင့်မျှော်နေတဲ့ ဒီတပတ်ရဲ့ ထိပ်တန်းအလုပ်အကိုင်များ! 🚀
MyJobs.com.mm မှာ ဝင်ရောက်လျှောက်ထားနိုင်ပါပြီ… 👆🏿