Supreme Broadway Institute - SBI

လူအများအမြင်မှာတော့ "သရုပ်ဆောင်တယ်" ဆိုတာ ဒါရိုက်တာ ခိုင်းတဲ့အတိုင်း ငိုပြ၊ ရယ်ပြ၊ စိတ်ဆိုးပြရုံပဲလို့ ထင်တတ်ကြပါတယ်။ ဒါပေမယ့် တကယ့် Professional Actor တစ်ယောက် ဖြစ်ဖို့ဆိုရင် အပေါ်ယံ အမူအရာတွေထက် ပိုမိုနက်ရှိုင်းတဲ့ အရည်အချင်း (၃) ခု ရှိဖို့ လိုအပ်ပါတယ်။

ဒီနေ့မှာတော့ SBI ကနေပြီး သရုပ်ဆောင်ကောင်းတစ်ယောက်ရဲ့ လျှို့ဝှက်ချက်တွေကို မျှဝေပေးသွားပါမယ်။ 👇

၁။ Listening Skill (တကယ် နားထောင်ခြင်း)
သရုပ်ဆောင်ကောင်းတွေဟာ ကိုယ့် Script (ဇာတ်ညွှန်း) ကိုပဲ အာရုံစိုက်နေတာမဟုတ်ဘဲ မျက်နှာချင်းဆိုင်က တွဲဖက်သရုပ်ဆောင်ရဲ့ အသံ၊ လေယူလေသိမ်းနဲ့ ခံစားချက်တွေကို တကယ် အာရုံစိုက် နားထောင်ကြပါတယ်။ ဒါမှသာ အပြန်အလှန် ပေးလိုက်၊ ပြန်ရလိုက်နဲ့ သဘာဝကျတဲ့ အမူအရာ (Natural Reaction) ထွက်လာမှာ ဖြစ်ပါတယ်။

၂။ Body Language (ခန္ဓာကိုယ်လှုပ်ရှားမှုဖြင့် စကားပြောခြင်း)
တစ်ခါတလေမှာ စကားတစ်လုံးမှ မပြောဘဲနဲ့ မျက်မှောင်ကြုတ်လိုက်တာ၊ လက်ချောင်းလေးတွေ တုန်ခါသွားတာ၊ လမ်းလျှောက်တဲ့ ပုံစံပြောင်းသွားတာမျိုးတွေက ဇာတ်ကောင်ရဲ့ ခံစားချက်ကို ပရိသတ်ဆီ ပိုရောက်စေပါတယ်။ ဒါကြောင့် ကိုယ့်ရဲ့ ခန္ဓာကိုယ် အစိတ်အပိုင်းတိုင်းကို စနစ်တကျ ထိန်းချုပ်ပြီး သရုပ်ဆောင်နိုင်ဖို့ လိုပါတယ်။

၃။ Empathy (ဇာတ်ကောင်ရဲ့ နေရာမှာ ဝင်ခံစားခြင်း)
ကိုယ့်ရဲ့ ကိုယ်ပိုင် Ego (အတ္တ) တွေကို ခဏဘေးဖယ်ထားပြီး "ငါသာ ဒီဇာတ်ကောင်နေရာမှာဆိုရင်..." ဆိုတဲ့ စိတ်နဲ့ သူ့ရဲ့ နောက်ခံသမိုင်း၊ သူ့ရဲ့ နာကျင်မှုတွေကို ရင်ဘတ်ထဲကနေ တကယ် နားလည်ပေးနိုင်ရပါမယ်။ ဒါမှသာ ပရိသတ် ရင်ထဲကို ငိုရင်လည်း တကယ်ငိုအောင်၊ ရယ်ရင်လည်း တကယ်ရယ်အောင် ဆွဲခေါ်နိုင်မှာပါ။
"သရုပ်ဆောင်ခြင်းဆိုတာ ဟန်ဆောင်တာမဟုတ်ပါဘူး။ တခြားလူတစ်ယောက်ရဲ့ ဘဝထဲကို ဝင်ရောက်ပြီး အမှန်တရားကို ပုံဖော်ပေးတာ ဖြစ်ပါတယ်။"

သရုပ်ဆောင်ပညာဆိုတာလွယ်မလိုနဲ့ခက်သလို နည်းပေးလမ်းပြသာရှိရင် ခက်မလိုနဲ့ လွယ်တဲ့ ပညာရပ်ကြီးတစ်ခုပါပဲ။ ဒီလိုပညာရပ်တွေကို နှစ်ပေါင်းများစွာ ကိုယ်တိုင်လေ့လာကျင့်သုံးခဲ့တဲ့ ဝါရင့်သရုပ်ဆောင်မင်းသမီးကြီး အန်တီဒေါ်မြင့်မြင့်ခိုင်က ပညာအစုံ အိတ်သွန်ဖာမှောက် သင်ကြားပေးသွားမှာဖြစ်ပါတယ်။ သင်ယူလိုစိတ်ရှိတဲ့ ဝါသနာရှင်တိုင်းအတွက် SBI ရဲ့ "Professional Acting Master Class"က ကူညီပံ့ပိုးပေးဖို့ အမြဲအသင့်ရှိနေပါတယ်နော်။✨

📩 သင်တန်းအသေးစိတ်ကို Messenger (သို့) 09786666602, 09786666605 ကနေ တစ်ဆင့် စုံစမ်းနိုင်ပါတယ်ရှင်။

#အနုပညာသင်တန်းကျောင်း #မြင့်မြင့်ခိုင်