SFJ Strategy First Journal

" ထိရောက်မှုရှိပြီး အထောက်အပံ့ကောင်းတွေပေးနိုင်တဲ့
Learning Environment "
--------------------------------------------------

ယနေ့ခေတ်ကျောင်းသားများက သူတို့ရဲ့စဉ်းစားတွေးခေါ်နိုင်စွမ်းကို အားပေးတိုးတက်စေနိုင်တဲ့ ပတ်ဝန်းကျင်မှာ သင်ယူလိုကြပါတယ်။ သူတို့ရဲ့သင်ယူနိုင်စွမ်းကို တိုးတက်စေပြီး အကျိုးရှိစေတဲ့ သင်ကြားမှု နည်းလမ်းများနဲ့ သူတို့ရဲ့အရည်အချင်းကို ကူညီမြှင့်တင်ပေး‌နိုင်တဲ့ ပတ်ဝန်းကျင်ကို နှစ်သက်ကြပါတယ်။ Learning Journey တစ်ခုလုံးမှာ ကွဲပြားခြားနားမှုများမရှိဘဲ သူတို့ကိုအောင်မြင်မှုပေးနိုင်တဲ့ ပတ်ဝန်းကျင်ကို ပိုမိုလိုလားကြပါတယ်။ Learning Environment တွေက ဆရာတွေရဲ့သင်ကြားနိုင်စွမ်းကို အကောင်းဆုံး ဖြစ်စေဖို့၊ ကျောင်းသားတွေရဲ့ ပညာရေးရည်မှန်းချက်များနဲ့ လိုအပ်ချက်များအပေါ်မူတည်ပြီး အချိန်နဲ့အမျှ ပြောင်းလဲလာပါတယ်။

လူအများစုက Learning Environment ဆိုတာနဲ့ စာသင်ခန်းတစ်ခုလို့သာ ယူဆကြပါတယ်။ ဒါပေမဲ့ ဆိုလိုရင်းက ဒီထက်ပိုပါတယ်။ စာသင်ခန်းကလည်း အရေးပါတဲ့ Learning Environment တွေထဲကတစ်ခုပါ။ စာသင်ခန်းရဲ့ လုံခြုံမှု၊ ကျောင်းသားတွေအချင်းချင်းဆက်ဆံရေး၊ ဆရာနဲ့ကျောင်းသားဆက်ဆံရေးကလည်း Learning Environment အတွက် ထည့်သွင်းစဉ်းစားရမယ့် အရေးကြီးတဲ့အချက်တွေဖြစ်သလို ထိုင်ခုံနေရာ လွတ်လွတ် လပ်လပ်ရှိဖို့ကလည်း အရေးကြီးပါတဲ့အချက်ထဲမှာ ပါပါတယ်။ စာသင်ခန်းဆိုတာ ကျောင်းသားတွေအတွက် လုံခြုံမှုနဲ့ ထောက်ပံ့မှုပေးနိုင်ပြီး Library, Laboratory နဲ့ တခြားသောအထောက်အပံ့တွေကလည်း စာလေ့လာဖို့ တက်ကြွစေပြီး အာရုံစူးစိုက်နိုင်ဖို့အတွက်လည်း အရေးပါပါတယ်။

🔵ထိရောက်မှုရှိတဲ့ Learning Environment တစ်ခုဖြစ်ဖို့အတွက်

✅ကျောင်းသားတစ်ဦးတစ်ယောက်ချင်းရဲ့အကျင့်စရိုက်များ၊
✅သင်ကြားရခြင်းနဲ့ သင်ယူရခြင်းရည်ရွယ်ချက်၊
✅သင်ကြားရေးအထောက်အကူပစ္စည်းတွေနဲ့ လက်တွေ့သင်ခန်းစာများ၊
✅သင်ကြားမှုအပေါ် အကဲဖြတ်တိုင်းတာတဲ့ နည်းစနစ်များ၊
✅ကောင်းမွန်တဲ့ Learning Environment တစ်ခုဖန်တီးနိုင်ဖို့အတွက် ကျောင်းရဲ့လုပ်ဆောင်မှုများ ပေါင်းစပ်ပါဝင်ပါတယ်။

Effective Learning Environment မှာ ယုံကြည်မှုအပေါ်အခြေခံပြီး ဆက်ဆံပြောဆိုသင်ယူရပါတယ်။ လွတ်လပ်စွာ အမေးအဖြေ ပြုလုပ်သင့်ပါတယ်။ အမှားလုပ်မိမှာကို မကြောက်သင့်ပါဘူး။ ဒါမှ စွန့်စားရဲတဲ့ စိတ်ရှိလာပြီး မှားယွင်းမှာကိုမကြောက်ဘဲ နည်းလမ်းအသစ်တွေ ပေါ်ပေါက်လာမှာပါ။ ကျောင်းသားများနဲ့ ကောင်းမွန်တဲ့ဆက်ဆံရေးရလာဖို့ ယုံကြည်မှုတစ်ခုတည်ဆောက်ဖို့ဆိုတာ အချိန်တိုအတွင်း မဖြစ်နိုင်ပါဘူး။ ဆရာများအနေနဲ့ ကျောင်းသားတွေရဲ့ စိတ်ဝင်စားတဲ့အချက်တွေနဲ့ အားသာချက်တွေကို သတိထားစောင့်ကြည့်ပြီး ဒီအချက်တွေ ပိုမိုတိုးတက်လာအောင် လုပ်ဆောင်ပေးသင့်ပါတယ်။

ကျောင်းသားတွေရဲ့ အားနည်းချက်တွေကိုလည်း သတိပြုစောင့်ကြည့်ပြီး သင်ယူတဲ့နေရာမှာ အခက်အခဲတွေကျော်လွှားနိုင်အောင် ကူညီပေးသင့်ပါတယ်။ ကျောင်းသားတွေရဲ့ ကြိုးစားအားထုတ်မှုတိုင်းက အောင်မြင်သည်ဖြစ်စေ၊ ကျရှုံးသည်ဖြစ်စေ ဆရာများကအသိမှတ်ပြုတာကို လိုချင်ကြပါတယ်။ ဆရာများအနေနဲ့ ကျောင်းသားတွေကို Group Project မှာရော Individual Project မှာပါ စိတ်နှစ်ပြီး ကြိုးစားအောင် ပြောဆိုသင့်ပါတယ်။

ကျောင်းသားတွေရဲ့ Learning Environment ကို Motivated Environment ဖြစ်အောင်နဲ့ လုံခြုံမှုရှိအောင် ပြုလုပ်ထားသင့်ပါတယ်။ ကျောင်းသားတွေအနေနဲ့ ဆရာများက စည်းကမ်းချက်အတိုင်း မျှတမှုရှိတာကိုသိရှိပါက စိတ်အားတက်ကြွစေပြီး တစ်ယောက်နဲ့တစ်ယောက်ကိုလည်း ကူညီမှုပေးနိုင်စေပါတယ်။ ဆုပေးခြင်းကလည်း စာသင်ခန်းအတွင်း အကောင်းမြင်စိတ်ကို ပိုမိုဖြစ်ပေါ်စေပါတယ်။ ကျောင်းသားတွေရဲ့ ပင်ကိုယ်စိတ်အားထက်သန်မှုကလည်း သူတို့ရဲ့ ပန်းတိုင်တွေကိုရောက်ဖို့အတွက် အရေးကြီး တဲ့အတွက် ဆရာများအနေနဲ့ အာရုံစိုက်ပံ့ပိုးသင့်ပါတယ်။

ဆရာတွေရဲ့အပြုအမူတွေက Learning Environment အပေါ် လွှမ်းမိုးမှုများပါတယ်။ စာသင်ပုံသင်နည်း၊ အကောင်းမြင်မှု၊ Feedback မျှဝေမှုနဲ့ စာသင်ခန်းပတ်ဝန်းကျင်ကိုစီမံမှုတို့က သင်ခန်းစာရဲ့အောင်မြင်မှုနဲ့ တိုက်ရိုက်ချိတ်ဆက်နေပါတယ်။ ဒီလိုစာသင်ခန်းပတ်ဝန်းကျင်က ကျောင်းသားတွေအတွက် အာရုံစိုက်နိုင်စွမ်းကို ပိုမိုတိုးတက်စေပါတယ်။

Effective Learning Environment တစ်ခုကိုဖန်တီးဖို့ဆိုရင် ဆရာရော ကျောင်းသားပါ အချင်းချင်း တန်ဖိုးထားပြီး နားလည်မှုရှိဖို့လိုပါတယ်။ သင်ယူမှုပတ်ဝန်းကျင်က ကျောင်းသားအချင်းချင်း အထောက်အကူ ဖြစ်ဖို့အတွက် ဦးတည်လုပ်ဆောင်သင့်ပါတယ်။ ဒီအချက်တွေပြည့်စုံရင် ကျောင်းသားများအတွက် ပိုမိုအလုပ် ဖြစ်စေမှာပါ။ ကျောင်းသားတွေက သူတို့ကိုအကောင်းမြင်ပေးတာနဲ့ ချီးမွမ်းတာကို နှစ်သက်ကြပါတယ်။ ကျောင်းသားတွေရဲ့ Attitude က ဆရာတွေနဲ့လည်း အများကြီးသက်ဆိုင်ပါတယ်။ ကျောင်းသားတွေအနေနဲ့လည်း စူးစမ်းလေ့လာလိုစိတ်ရှိသင့်ပါတယ်။
Learning Environment ကို မြှင့်တင်ပေးဖို့အတွက် မတူညီတဲ့ Resource တွေကို အသုံးပြုပါ။ Inquiry-Based Learning, Project-Based Learning, Peer-to-Peer Learning, School-to-School Learning အစရှိတဲ့ နည်းလမ်းများကိုအသုံးပြုပါ။ စာသင်ခန်းကို နားလည်မှုရှိတဲ့ ပတ်ဝန်းကျင်ဖြစ်အောင် ဖန်တီးပေးထားပါ။ အောင်မြင်မှုရရှိအောင် မျှတပြီးပွင့်လင်းမြင်သာမှုရှိတဲ့ သတ်မှတ်ချက်များထားရှိပါ။ သင်ယူမှု အလေ့အထကောင်းများကို ဖန်တီးပေးပါ။ ကျောင်းသားတွေရဲ့ သင်ယူမှုအခွင့်အလမ်းများကို ရိုးရှင်းသည်မှ ရှုပ်ထွေးသည်အထိ ကြိုစားအားထုတ်ပြီး ထောက်ပံ့ပေးရပါမယ်။

Effective Learning Environment | GESS Education ဆောင်းပါးမှ သင့်တော်သလို ကိုးကားပြီး ဘာသာပြန်ဆိုထားခြင်းဖြစ်ပါတယ်။

Daw Sandi Su Hlaing
B.C.Sc, (U.C.S.Y)
B.C.Sc, (Hons) (U.C.S.Y)
M.C.Sc, (U.C.S.Y)

ပညာရေးနဲ့ လေ့ကျင့်ရေးမှာ အရေးပါတဲ့
Augmented Reality (AR) နဲ့ Virtual Reality (VR)

-------------------------------------------------

နည်းပညာဟာ ပညာရေးနဲ့ အသက်မွေးဝမ်းကျောင်းဆိုင်ရာများကို စဉ်ဆက်မပြတ် ပုံဖော်နေပါတယ်။ ဒီအသွင်ပြောင်းခြင်းကို မောင်းနှင်တဲ့ အထိရောက်ဆုံးနည်းပညာနှစ်ခုကတော့ Augmented Reality (AR) နဲ့ Virtual Reality (VR) တို့ဖြစ်ပါတယ်။ နည်းပညာများဟာ သင်ယူသူများနဲ့ သင်တန်းသားများကို ထိတွေ့ဆက်ဆံဖို့ ဆန်းသစ်တဲ့နည်းလမ်းများကို ပံ့ပိုးပေးကာ
သူတို့ကို အကြောင်းအရာနဲ့ ပိုမိုသွက်လက်ပြီး အဓိပ္ပာယ်ပြည့်ဝတဲ့ နည်းလမ်းများဖြင့် အပြန်အလှန်တုံ့ပြန်နိုင်ဖို့ ကူညီပေးပါတယ်။ AR နဲ့ VR ရဲ့ အပြန်အလှန်အကျိုးသက်ရောက်မှုတွေကတော့ အမြင်အာရုံနဲ့ လက်ဖြင့်သင်ယူမှုအတွေ့အကြုံများအတွက် တံခါးဖွင့်ပေးထားပြီး ပညာရေးနဲ့ အလုပ်ခွင်လေ့ကျင့်ရေးနှစ်ခုလုံးအတွက်
မယုံနိုင်လောက်အောင် အကျိုးကျေးဇူးများ ပေးဆောင်လျက်ရှိပါတယ်။

🔵AR နဲ့ VR အကြား ကွာခြားချက်များ

Augmented Reality (AR) ဟာ ပုံမှန်အားဖြင့် စမတ်ဖုန်း ဒါမှမဟုတ် AR မျက်မှန်ကဲ့သို့ စက်ပစ္စည်းများမှတစ်ဆင့် ရုပ်ပုံများ ဒါမှမဟုတ် 3D မော်ဒယ်တွေလို
ဒစ်ဂျစ်တယ်အကြောင်းအရာများကို လက်တွေ့ကမ္ဘာပတ်ဝန်းကျင်မှာ ထပ်ဆင့်ထားပါတယ်။
Virtual Reality (VR) က VR နားကြပ်များမှတစ်ဆင့် ဝင်ရောက်ကြည့်ရှုလေ့ရှိတဲ့ လုံးဝနစ်မြုပ်နေသော ဒစ်ဂျစ်တယ်ပတ်ဝန်းကျင်ကို ဖန်တီးပေးပါတယ်။ ဒီ virtual world မှာ အသုံးပြုသူများက လက်တွေ့ကျကျ၊ လက်ဖြင့်သင်ယူခြင်းအတွက် အထူးအကျိုးရှိပြီး ဒါက ရုပ်ပိုင်းဆိုင်ရာရှိနေသလို သရုပ်ဖော်မှုများ၊ မြင်ကွင်းများနဲ့ ထိတွေ့နိုင်ပါတယ်။

VR ဟာ ဆေး၊ အင်ဂျင်နီယာနဲ့ လေကြောင်းတို့လို နယ်ပယ်များမှာ ဘေးကင်းပြီး နစ်မြုပ်နေတဲ့ သရုပ်ဖော်မှုများကို ပံ့ပိုးပေးရာမှာ အသုံးဝင်ပါတယ်။ ဥပမာ ဆေးကျောင်းသားများဟာ အမှန်တကယ် လူနာများနဲ့ မတွေ့မီမှာ အရေးကြီးတဲ့ အတွေ့အကြုံများ ရရှိစေမယ့် အန္တရာယ်ကင်းတဲ့ ပတ်ဝန်းကျင်မှာ ခွဲစိတ်မှုများကို လေ့ကျင့်နိုင်ပါတယ်။

AR နဲ့ VR ကို ကျောင်းသားတစ်ဦးချင်းစီရဲ့ သင်ယူမှုလိုအပ်ချက်များနဲ့ အံဝင်ခွင်ကျဖြစ်စေနိုင်ပြီး ပိုမိုစိတ်ကြိုက်ပြင်ဆင်ထားတဲ့ သင်ယူမှုလမ်းကြောင်းများကို ရရှိစေမှာဖြစ်ပါတယ်။ ကျောင်းသားများဟာ သူတို့ရဲ့ အရှိန်အဟုန်ဖြင့် ထိတွေ့နိုင်ပြီး၊ အံဝင်ခွင်ကျဖြစ်စေတဲ့ virtual မော်ဒယ်များနဲ့ သရုပ်ဖော်မှုများကို စမ်းသပ်နိုင်ပါတယ်။

စက်မှုလုပ်ငန်းအများအပြားမှာ အန္တရာယ်ရှိတဲ့ပတ်ဝန်းကျင်များကို အတုဖန်တီးကာ VR ရဲ့စွမ်းရည်ကနေ အကျိုးကျေးဇူးရရှိကြပါတယ်။ ဥပမာ စက်ပြင်နဲ့ အင်ဂျင်နီယာများက စက်ပစ္စည်းပြုပြင်မှုများကို အတုယူဖို့ VR ကိုအသုံးပြုနိုင်ပြီး ဆောက်လုပ်ရေးလုပ်သားများက ဘေးကင်းမှုဆိုင်ရာ လုပ်ထုံးလုပ်နည်းများကို လေ့ကျင့်ဖို့ virtual job sites များမှာ လေ့ကျင့်နိုင်ပါတယ်။
VR က ကျန်းမာရေးစောင့်ရှောက်မှုနဲ့ ဆောက်လုပ်ရေးကဲ့သို့ အန္တရာယ်ရှိနိုင်တဲ့ ပတ်ဝန်းကျင်မှ အလုပ်သမားများအတွက် ဖြစ်နိုင်ခြေရှိတဲ့ အရေးပေါ်အခြေအနေများ ဒါမှမဟုတ် အန္တရာယ်ရှိတဲ့ အခြေအနေ များကို လက်တွေ့ကမ္ဘာရဲ့ အကျိုးဆက်များမပါဘဲ ကိုင်တွယ်ဖြေရှင်းလေ့ကျင့်နိုင်ဖို့ ပံ့ပိုးပေးပါတယ်။

နိဂုံး AR နဲ့ VR ဟာ အသက်အရွယ်မရွေး သင်ယူသူများအတွက် ဆွဲဆောင်မှုနဲ့ အန္တရာယ်ကင်းတဲ့ ပတ်ဝန်းကျင်များကို ပေးဆောင်ခြင်းဖြင့် ကျွန်ုပ်တို့ပညာရေးနဲ့ လေ့ကျင့်ရေးဆီ ချဉ်းကပ်ပုံကို ပြောင်းလဲလျက် ရှိပါတယ်။ ဒီနည်းပညာများ ဆက်လက်ဖွံ့ဖြိုးလာတာနဲ့အမျှ သူတို့ရဲ့ စာသင်ခန်းများနဲ့ လုပ်ငန်းခွင်များမှာ သူတို့ရဲ့ ပေါင်းစည်းမှုဟာ ကျယ်ပြန့်လာကာ သင်ယူမှုနဲ့ ပရော်ဖက်ရှင်နယ်ဖွံ့ဖြိုးတိုးတက်မှုရဲ့ အနာဂတ်ကို ပုံဖော်နိုင်မှာ ဖြစ်ပါတယ်။

ကိုးကားချက်

1. Dunleavy, M., & Dede, C. (2014). Augmented reality teaching and learning. Educational Technology Research and Development, 62(2), 105-124.
2. Huang, T. H., & Liaw, S. S. (2018). Exploring the factors influencing students' intention to use augmented reality for learning. Computers & Education, 128, 64-78.
3. Mikropoulos, T. A., & Natsis, A. (2011). Educational virtual environments: A review of the research. Educational Technology & Society, 14(1), 20-33.

Dr. La Wynn Sandi
B.C.Sc, CU (KT), B.C.Sc (Hons), CU (KT)
M.C.Sc, CU (KT), Ph.D (IT), (U.C.S.M)