AMGDK AUTO

𝑬𝒊 𝑴𝒖𝒃𝒖𝒓𝒂𝒌 𝑬𝒗𝒆𝒓𝒚𝒐𝒏𝒆 🕋🕌

အေးချမ်းပါစေ ပျော်ရွှင်ပါစေ ကျန်းမာပါစေ လာဘ်လာဘတွေပေါများပါစေ

စုံမ စနစ် နဲ့ 𝗘𝗩 အခြေအနေ
===================

အရှေ့အလယ်ပိုင်း‌ဒေသမှာ ပဋိပက္ခစစ်မီးများဖြစ်ပွားလျက်ရှိပြီး ထိုစစ်မီးရဲ့ဆိုးကျိုးအဖြစ် မြန်မာနိုင်ငံအပါအ၀င် နိုင်ငံအရပ်ရပ်မှာ လောင်စာဆီ တင်သွင်းမှု အခက်အခဲဖြစ်ပေါ်ခဲ့ပါတယ်။

စင်္ကာပူ နဲ့ မလေးရှား ကနေအဓိက ဆီတင်သွင်းနေရတဲ့ မြန်မာအတွက် ဒီအခြေအနေဟာ ကြီးမားတဲ့ သက်ရောက်မှုတစ်ခုဖြစ်ပေါ်ခဲ့ပြန်ပါတယ်။

ထိုသက်ရောက်မှုကြောင့် မြန်မာနိုင်ငံမှာ မတ်လ ၃ ရက်နေ့က စပြီး ယာဉ်အသုံးပြုမှု စည်းမျဉ်းအသစ် တစ်ခု ပေါ်ပေါက်ခဲ့ပါတယ်။
𝗜𝗖𝗘 ကားတွေအနေနဲ့ ယာဉ်နံပတ်အက္ခရာထိပ်ဆုံးနံပါတ် စုံ/မ အပေါ်မူတည်ပြီး စုံရက် မရက် ခွဲခြားကာ မောင်းနှင်ခွင့် သတ်မှတ်လိုက်ခြင်းပါ။

ဒါ့အပြင် စုံ/မ ရက်အလိုက် ဆီရောင်းချမှုခွဲတမ်းကို သတ်မှတ်ထားပြီး မကြာသေးခင်အချိန်အတွင်းမှာပင် ဝှီးတက် 𝗪𝗵𝗲𝗲𝗹 𝗧𝗮𝘅 𝗤𝗥 စနစ်ဖြင့် ထပ်မံပြီး ဆီခွဲတမ်းဝယ်ယူခွင့်ကိုပါ သတ်မှတ်လိုက်ပါတယ်။

အများပြည်သူသုံး 𝗕𝘂𝘀 ကား ၊ 𝗧𝗮𝘅𝗶 ၊ လူနာတင်ယာဉ်၊ ဆီတင်ကား၊ အမှိုက်ကား၊ကျောင်းကြိုပို့ယာဉ်တွေကတော့ ထို စုံ၊ မ စနစ်မှ ကင်းလွတ်ခွင့်ရခဲ့ပါတယ်။

ထိုစနစ်မှာ‌တော့ 𝗘𝗩 ကားများအနေဖြင့်
အထူးကင်းလွတ်ခွင့်အဖြစ် နေ့စဉ်မောင်းနှင်ခွင့်ကို ရရှိခဲ့ပါတယ်။

𝗜𝗖𝗘 ကားတွေရဲ့ ဆီပြတ်လပ်ခြင်း၊ဆီဈေးတက်ခြင်း၊သုံးစွဲခွင့် ကန့်သတ်ခံရခြင်းစတဲ့ အချက်များကြောင့် 𝗜𝗖𝗘 ကားမောင်းနှင်သုံးသူများဟာ 𝗘𝗩 ကားများဆီ ဦးလှည့်လာခဲ့ပါတယ်။

စုံ၊ မ ကြေငြာချက်ထွက်ပြီး ၂ ရက်အတွင်းမှာပင် 𝗘𝗩 ကား ဝယ်လိုအားတွေဟာ သိသိသာသာ မြင့်တက်လာခဲ့ပြီး ဈေးနူန်းတွေဟာလည်း ၃၀% မှ ၅၀% အထိ ခုန်တက်သွားခဲ့ပါတယ်။
ထူးခြားချက်အနေနဲ့ စုံ၊ မ ပြသာနာ ဟာ 𝗘𝗩 ကားတွေရဲ့ လက်တွေ့ အသုံးဝင်မှုနဲ့တန်ဖိုးကို မီးမောင်းထိုးပြလိုက်ခြင်းပါပဲ။

စုံ၊ မ ရက်ခွဲ မောင်းစရာမလို ဆီပြတ်လပ်မှာလည်း စိုးရိမ်စရာမလို သဘာဝပတ်ဝန်းကျင်အတွက်ပါ စိတ်ချကောင်းမွန်တဲ့ 𝗘𝗩 ကားတွေဟာ ချက်ခြင်းပဲ ဈေးကွက် ဝယ်လိုအား ထိပ်ဆုံးကိုရောက်ရှိလာခဲ့ပါတယ်။
စီးပွားရေးအရရော လက်တွေ့ အသုံးဝင်မှုအရပါ အဆင်ပြေတဲ့ 𝗘𝗩 ကားတွေဟာ သုံးစွဲသူတွေကြားမှာ လတ်တလော အကောင်းဆုံးရွေးချယ်မှုဖြစ်လာခဲ့ပါတယ်။

လက်ရှိစုံ၊ မ စနစ်ဟာ လောင်စာဆီ အလွယ်တကူပြန်လည်ရောင်းချနိုင်မှုအပေါ်အများပြီး မှီခိုနေပြီး ယာယီစနစ်ဖြစ်သွားမလား ရေရှည်ဘယ်အချိန်ထိ ဆက်သွားနိုင်မလဲ စတဲ့အကြောင်းတရားများကလည်း 𝗘𝗩 ဈေးကွက်ရဲ့ အနာဂတ် ဖွံ့ဖြိုးမှုအပေါ် စိန်ခေါ်မှုတစ်ရပ်လည်းဖြစ်ပါတယ်။

ဒါ့အပြင် အစိုးရသစ်ရဲ့ 𝗘𝗩 မူဝါဒအပေါ်မှာလည်း အများကြီး မူတည်နေပါသေးတယ်။

𝗧𝗮𝘅 တွေ တိုးမလား လျော့မလား။
𝗦𝘁𝗮𝘁𝗶𝗼𝗻 တွေ အများအပြား ထပ်တိုး တည်ဆောင်ပေးနိုင်လား။
စတဲ့ အချက်တွေကလည်း 𝗘𝗩ဈေးကွက်
ဖွံ့ဖြိုးမှုအပေါ်အများကြီး သက်ရောက်နိုင်ပါတယ်။

လက်ရှိနဲ့ ထပ်တိုးလာနိုင်တဲ့ 𝗘𝗩 တွေ အပေါ် စိန်ခေါ်မှုကတော့ 𝗦𝘁𝗮𝘁𝗶𝗼𝗻 တွေ လုံလောက်မှု မရှိသေးခြင်း၊ လာမယ့် နွေရာသီမှာ လျှပ်စစ်မီးရရှိရေးအခြေအနေ ၊ 𝗕𝗮𝘁𝘁𝗲𝗿𝘆 နဲ့ အခြား 𝗦𝗽𝗮𝗿𝗲 𝗣𝗮𝗿𝘁𝘀 ပစ္စည်းတွေ ရှားပါးပြီး ဈေးနှုန်းကြီးမြင့်ခြင်း စတဲ့ စိန်ခေါ်မှုတွေကတော့ တန်းစီ စောင့်ကြိုနေမှာဖြစ်ပါတယ်။

ကမ္ဘာ့လောင်စာဆီ ဈေးကွက်မတည်ငြိမ်မှု ၊ စုံ၊ မ မောင်းနှင်ကန့်သတ်ချက်တွေကြောင့် မြန်မာ့မော်တော်ယာဉ်လောကမှာ 𝗘𝗩 ကားတွေဟာ အရေးပါလာခဲ့ပြီး စက်သုံးဆီ မှီခိုကင်းလွတ်ခွင့်ရနေတဲ့ 𝗘𝗩 ကားတွေဟာ မြန်မာ့အနာဂတ်ယာဉ်သုံးစွဲမှု အလေ့အထကို ပြောင်းလဲပစ်နိုင်တဲ့ မော်တော်ယာဥ်ခေတ်ပြောင်း အရိပ်အယောင်တခုဖြစ်ကြောင်း သုံးသပ်လိုက်ရပါတယ်။


#စုံမပြသာနာနဲ့EVအခြေအနေ