Win Computer Center

ယနေ့ခေတ်လို ပြိုင်ဆိုင်မှုပြင်းထန်တဲ့ လုပ်ငန်းခွင်တွေမှာ "ကြိုးစားမှု" တစ်ခုတည်းနဲ့ မလုံလောက်တော့ဘဲ "နည်းပညာကျွမ်းကျင်မှု" ကပါ အရေးပါတဲ့ အခန်းကဏ္ဍကနေ ပါဝင်လာပါပြီ။
​စာရင်းဇယားတွေကို အချိန်တိုအတွင်း တိတိကျကျ တွက်ချက်နိုင်ဖို့ (Excel)၊ သပ်ရပ်သေချာတဲ့ ရုံးစာရွက်စာတမ်းတွေ ပြင်ဆင်နိုင်ဖို့ (Word) နဲ့ မိမိရဲ့ အိုင်ဒီယာတွေကို ဆွဲဆောင်မှုရှိရှိ တင်ပြနိုင်ဖို့ (PowerPoint) စတဲ့ ကွန်ပျူတာစွမ်းရည်တွေဟာ အလုပ်အကိုင် အခွင့်အလမ်းသစ်တွေ ရှာဖွေရာမှာဖြစ်စေ၊ လက်ရှိအလုပ်မှာ ရာထူးတိုးဖို့ဖြစ်စေ မရှိမဖြစ်လိုအပ်တဲ့ "လက်နက်" တစ်ခုပဲ ဖြစ်ပါတယ်။
​ဒီနေ့မှာတော့ စာတွေ့သက်သက်မဟုတ်ဘဲ လက်တွေ့အသုံးချနိုင်တဲ့အထိ ကြိုးကြိုးစားစား သင်ယူခဲ့ကြပြီး Basic& i-Office သင်တန်းကို အောင်မြင်စွာ ပြီးဆုံးသွားကြတဲ့ သင်တန်းသား၊ သင်တန်းသူလေးတွေရဲ့ အမှတ်တရပုံရိပ်လေးတွေကို ဂုဏ်ယူစွာနဲ့ ဝေမျှလိုက်ရပါတယ်ရှင်။ 🎓✨
​ရှေ့ဆက်ရမယ့် ပညာရေး၊ လုပ်ငန်းခွင် ခရီးလမ်းတွေမှာ အခုသင်ယူလေ့လာခဲ့တဲ့ နည်းပညာတွေကနေတဆင့် အောင်မြင်မှုတွေ အများကြီး သိမ်းပိုက်နိုင်ပါစေလို့ ဆုတောင်းပေးလိုက်ပါတယ်နော်။ 🌟
​

Excel မှာ နံပါတ်စဉ်တွေကို လက်ညောင်းခံပြီး ရိုက်နေတုန်းပဲလား? 🛑
ကွန်ပျူတာအခြေခံစသင်တဲ့သူတွေ Excel သုံးတဲ့အခါ အများဆုံးကြုံရတဲ့ ပြဿနာလေးတစ်ခုရှိပါတယ်။ အဲဒါကတော့ 1, 2, 3, 4 စတဲ့ နံပါတ်စဉ် (Serial Numbers) တွေကို အောက်ကို တစ်ခုချင်းစီ လိုက်ရိုက်နေရတာပါပဲ။ စာရင်းတွေ အများကြီးလုပ်ရတဲ့အခါ ဒီလိုလိုက်ရိုက်ဖို့ဆိုတာ အချိန်အရမ်းကုန်သလို ပင်ပန်းပါတယ်။
ဒီနေ့တော့ စက္ကန့်ပိုင်းအတွင်း နံပါတ်စဉ်တွေ အလိုအလျောက်ပေါ်လာအောင် ဆွဲချတဲ့ (AutoFill) နည်းလမ်း (၂) ခုကို သင်တန်းသားတွေအတွက် အရှင်းလင်းဆုံး မျှဝေပေးလိုက်ပါတယ်။
နည်းလမ်း (၁) - အလွယ်ကူဆုံး ကလစ်ဆွဲနည်း (The Drag Method)
ဒီနည်းလမ်းကတော့ အသုံးအများဆုံးနဲ့ အလွယ်ဆုံးပါပဲ။
ပထမဆုံး အကွက် (Cell) မှာ 1 လို့ ရိုက်ထည့်ပါ။
အောက်က ဒုတိယအကွက်မှာ 2 လို့ ဆက်ရိုက်ပါ။
အဲဒီ 1 နဲ့ 2 ရှိတဲ့ အကွက်နှစ်ခုလုံးကို Mouse လေးနဲ့ ဖိပြီး ရွေး (Select) လိုက်ပါ။
ရွေးထားတဲ့ အကွက်လေးရဲ့ ညာဘက်အောက်ထောင့်စွန်းလေးကို Mouse တင်လိုက်ရင် အပေါင်းလက္ခဏာ (+) အမည်းရောင်လေး ပေါ်လာပါလိမ့်မယ်။ (အဲဒါကို Fill Handle လို့ ခေါ်ပါတယ်)
အဲဒီ (+) လေးကို ဖိပြီး ကိုယ်လိုချင်တဲ့ နံပါတ်ရောက်တဲ့အထိ အောက်ကိုသာ ဆွဲချ (Drag) လိုက်ပါ။ လွှတ်လိုက်တာနဲ့ နံပါတ်စဉ်တွေ အလိုအလျောက် ထွက်လာပါလိမ့်မယ်။
နည်းလမ်း (၂) - ကီးဘုတ်ကိုတွဲသုံးတဲ့ စမတ်ကျကျနည်းလမ်း (The Ctrl Key Method)
နံပါတ် (၁) တစ်ခုတည်းကိုပဲ ရိုက်ပြီး အမြန်ဆွဲချင်တဲ့အခါ ဒီနည်းကို သုံးလို့ရပါတယ်။
ပထမဆုံး အကွက်မှာ 1 လို့ ရိုက်ထည့်ပါ။
အဲဒီအကွက်ကိုပဲ ပြန်ထောက်ထားပါ။
အကွက်ရဲ့ ညာဘက်အောက်ထောင့်စွန်းက (+) အမည်းရောင်လေး ပေါ်လာတဲ့အခါ ကီးဘုတ်က Ctrl ခလုတ်ကို ဖိထားလိုက်ပါ။ (ဒီအခါ အပေါင်းလက္ခဏာ အကြီးလေးရဲ့ အပေါ်မှာ အပေါင်းလက္ခဏာ အသေးလေးတစ်ခု ထပ်ပေါ်လာတာကို သတိထားကြည့်ပါ)
Ctrl ကို ဖိထားလျက်နဲ့ပဲ အောက်ကို ဆက်ဆွဲချလိုက်ပါ။ နံပါတ်စဉ်တွေ 1, 2, 3 ဆိုပြီး တန်းစီထွက်လာပါလိမ့်မယ်။
💡 Pro Tip (သတိထားရမည့်အချက်): အကယ်၍ ကိုယ်က အောက်ကိုဆွဲချလိုက်ပေမယ့် နံပါတ်တွေက 1, 2, 3 မသွားဘဲ 1, 1, 1 တွေချည်း ထွက်နေတယ်ဆိုရင် စိတ်မပူပါနဲ့။ အောက်နားလေးမှာပေါ်လာမယ့် AutoFill Options ဆိုတဲ့ အကွက်လေး (လေးထောင့်ပုံစံ Icon လေး) ကို နှိပ်ပြီး Fill Series ဆိုတာကို ရွေးပေးလိုက်တာနဲ့ အစဉ်လိုက် ပြန်ဖြစ်သွားပါလိမ့်မယ်။
ကွန်ပျူတာကို စနစ်တကျနဲ့ အခြေခံကစပြီး သေချာနားလည်ချင်တဲ့သူတွေအတွက် ဒီလို လွယ်ကူထိရောက်တဲ့ နည်းလမ်းလေးတွေကို အမြဲမျှဝေပေးသွားမှာမို့ Page ကို See First လုပ်ထားဖို့ မမေ့နဲ့နော်။
ဒီ Post လေးက အသုံးဝင်တယ်ဆိုရင် သူငယ်ချင်းတွေပါ သိသွားအောင် Share ပေးသွားပါဦးခင်ဗျာ။ လက်တွေ့လုပ်ကြည့်လို့ အဆင်မပြေတာရှိရင်လည်း Comment မှာ မေးခဲ့လို့ရပါတယ်။ 👇
Win Computer Center fans

နွေရာသီ ကျောင်းပိတ်ရက်လေးကို အကျိုးရှိရှိအသုံးချပြီး ကွန်ပျူတာသင်တန်းကို အောင်မြင်စွာ ပြီးမြောက်သွားကြတဲ့ (Wed-Thu-Fri Class)မှ ကလေး‌တို့အတွက် အရမ်းပီတိဖြစ်ရပါတယ်။
​အခုဆိုရင် သူတို့လေးတွေဟာ ဖုန်းပဲသုံးတတ်တဲ့ အဆင့်ကနေကျော်လွန်ပြီး ကွန်ပျူတာကို ကျွမ်းကျင်စွာ အသုံးချတတ်နေကြပါပြီ။ ရှေ့ဆက်မယ့် ပညာရေးနဲ့ အနာဂတ်အတွက် အရမ်းကောင်းတဲ့ အခြေခံအုတ်မြစ်တစ်ခု ရသွားတာ သေချာပါတယ်ရှင်။
​စာအုပ်ကြီးအတိုင်း မဟုတ်ဘဲ လက်တွေ့ကျကျနဲ့ ပျော်ပျော်ရွှင်ရွှင် သင်ယူနိုင်ဖို့ Win Computer Centre ကို ယုံကြည်စိတ်ချစွာ ဆက်သွယ်အပ်နှံနိုင်ပါတယ်ရှင်။
​(အတန်းသစ်လေးတွေလည်း စတင်လက်ခံနေပြီမို့ နေရာလေး မြန်မြန်ဦးထားဖို့ တိုက်တွန်းပါရစေနော်)
​☎️ သင်တန်းအပ်နှံရန် - 09401007474
📍 သင်တန်းနေရာ - အမှတ် (၂၄)၊ ပုသိမ်ညွန့် (၇) လမ်းထိပ်၊ ကြက်ဘဲဈေးအနီး၊ မင်္ဂလာတောင်ညွန့်။
​