BGS Construction & Development

အိမ်ဆောက်တဲ့အခါ "နံရံတွေကို သာမန်အုတ်ရိုးပဲ စီရမလား၊ သံကူကွန်ကရစ် (RC Wall) ပဲ သုံးရမလား" ?
အဆောက်အဦတစ်ခုလုံးရဲ့ ကြံ့ခိုင်မှုရော ကုန်ကျစရိတ်ပါ မျှတအောင် ဘယ်လိုနေရာမျိုးတွေမှာ ဘယ်အမျိုးအစားကို အသုံးပြုသင့်လဲ
🧱 ၁။ Brick Wall (အုတ်နံရံ) - အခန်းဖွဲ့ရလွယ်ပြီး အပူခံ အသံလုံချင်ရင်
အုတ်နံရံကတော့ အဆောက်အဦရဲ့ အလေးချိန်ကို ထိန်းညှိပေးစရာမလိုတယ့် နေရာတွေအတွက် အကောင်းဆုံး ဖြစ်ပါတယ်။
ဘယ်နေရာတွေမှာ သုံးမလဲ: အိပ်ခန်း၊ ဧည့်ခန်း၊ မီးဖိုချောင် စတယ့် အိမ်တွင်းအခန်းဖွဲ့တာတွေနဲ့ တိုင်နဲ့ယက်မကြား အပြင်ဘက်ကာရံတယ့် နေရာတွေမှာ သုံးပါတယ်။
ဘာကြောင့် သုံးသင့်လဲ: ဆောက်လုပ်ရေးစရိတ် သက်သာတယ်၊ အပူဒဏ်နဲ့ အသံလုံမှုကို ကောင်းကောင်း ထိန်းပေးနိုင်တယ့်အပြင် နောက်ပိုင်း အခန်းဒီဇိုင်း ပြန်ပြင်ချင်ရင်လည်း ဖျက်ရပြုရ လွယ်ကူလို့ပါ။
🏗️ ၂။ RC Wall (သံကူကွန်ကရစ်နံရံ) - ခိုင်ခံ့မှုအပြည့်နဲ့ ရေပြဿနာ ကင်းချင်ရင်
RC Wall ကတော့ အဆောက်အဦရဲ့ ဝန်ကိုပါ ပူးတွဲထမ်းပေးရတယ့်အပြင် ပြင်ပကလာမယ့် ဖိအား၊ တုန်ခါမှုနဲ့ အစိုဓာတ်တွေကို ခံနိုင်ရည်ရှိဖို့ လိုအပ်တယ့်နေရာတွေမှာ မဖြစ်မနေ သုံးရပါတယ်။
ဘယ်နေရာတွေမှာ သုံးမလဲ: မြေအောက်ခန်းနံရံတွေ (Retaining Walls)၊ ဓာတ်လှေကားအိမ်ပတ်လည် (Lift Core)၊ အမိုးပေါ်က ရေလှောင်ကန်နဲ့ ရေကူးကန်တွေမှာ အဓိက သုံးပါတယ်။
ဘာကြောင့် သုံးသင့်လဲ: အဆောက်အဦကို ငလျင်ဒဏ်နဲ့ လေပြင်းဒဏ်တွေကြောင့်ဖြစ်တယ့် ဘေးတိုက်တွန်းကန်အားတွေကို ကောင်းကောင်း တောင့်ခံပေးနိုင်တယ်၊ မြေကြီးဖိအားကို ခံနိုင်ရည်ရှိပြီး ရေလုံစနစ် (Waterproofing) အကောင်းဆုံး ဖြစ်စေလို့ပါ။
𝐐𝐮𝐚𝐥𝐢𝐭𝐲 𝐢𝐬 𝐚 𝐒𝐡𝐚𝐫𝐞𝐝 𝐑𝐞𝐬𝐩𝐨𝐧𝐬𝐢𝐛𝐢𝐥𝐢𝐭𝐲 𝐟𝐨𝐫 𝐀𝐥𝐥!
𝗖𝗼𝗻𝘁𝗮𝗰𝘁 𝗨𝘀:
Phone: 09 262 944 040, 09 421 983 700
Address: No. 114, Dana Theikdi Street, 8 Ward, Mayangone Tsp., Yangon.

ဒီနေ့မှာတော့ ဝရံတာတွေမှာ ကြွေပြားခင်းတာနဲ့ အဆောက်အဦအပြင်ဘက်မှာ ဆေးသုတ်တယ့်အလုပ်တွေကို ဆက်တိုက်လုပ်ကိုင်နေပါတယ်။ ဒါ့အပြင် အမိုးပေါ်မှာ ဆိုလာပြားတပ်ဖို့အတွက် Steel Structure ဆင်တာတွေ လုပ်နေသလို၊ အတွင်းပိုင်းမှာလည်း မျက်နှာကြက် Cornice (ပတ်လိုင်း) တွေနဲ့ Plain Beading (အလှလိုင်း) တွေ တပ်ဆင်တာ၊ Texture ဆေးနဲ့ PU Cornice အလှဆင်ဖို့အတွက် ကြိုတင်ပြင်ဆင်တာတွေကိုပါ တစ်ပြိုင်နက်တည်း လုပ်ဆောင်နေပါတယ်ခင်ဗျာ။

𝐐𝐮𝐚𝐥𝐢𝐭𝐲 𝐢𝐬 𝐚 𝐒𝐡𝐚𝐫𝐞𝐝 𝐑𝐞𝐬𝐩𝐨𝐧𝐬𝐢𝐛𝐢𝐥𝐢𝐭𝐲 𝐟𝐨𝐫 𝐀𝐥𝐥!
𝗖𝗼𝗻𝘁𝗮𝗰𝘁 𝗨𝘀:
Phone: 09 262 944 040, 09 421 983 700
Address: No. 114, Dana Theikdi Street, 8 Ward, Mayangone Tsp., Yangon.

အိမ်တစ်အိမ်ရဲ့ အဖိုးတန်ပစ္စည်းတွေနဲ့ မိသားစုဝင်တွေရဲ့ အသက်အန္တရာယ်ကို ငွေကုန်ကြေးကျအနည်းဆုံးနဲ့ ကာကွယ်ပေးနိုင်တဲ့ လျှပ်စစ်အတတ်ပညာ

အိမ်တစ်အိမ်မှာ မီးပြတ်တာ၊ မီးအားမမှန်တာထက် ပိုကြောက်ဖို့ကောင်းတာက မိုးကြိုးပစ်တာနဲ့ လျှပ်စစ်ပစ္စည်းတွေကနေ ဓာတ်လိုက် (Electric Shock) တာပဲ ဖြစ်ပါတယ်။ ဒါတွေကို ကာကွယ်ဖို့အတွက် Earthing (မြေစိုက်ကြိုးစနစ်) နဲ့ Lightning Protection (မိုးကြိုးလွှဲစနစ်) ဟာ ခေတ်မီလူနေအိမ်တိုင်းမှာ မရှိမဖြစ် ထည့်သွင်းရမည့် အသက်ကယ်စနစ်တွေ ဖြစ်ပါတယ်။

သင့်အိမ်ကို လျှပ်စစ်အန္တရာယ်ကင်းဝေးစေဖို့ စနစ်တကျ တပ်ဆင်ရမည့်အချက်များ...

✅ Earthing နှင့် Grounding (လျှပ်စစ်အန္တရာယ် ကာကွယ်ခြင်း)
ရေခဲသေတ္တာ၊ လေအေးပေးစက် သို့မဟုတ် အဝတ်လျှော်စက်တွေကနေ မတော်တဆ လျှပ်စစ်ဓာတ်ကြိုးယိုစိမ့်မှု (Current Leakage) ဖြစ်လာရင် လူကို ဓာတ်မလိုက်စေဘဲ ထိုပိုလျှံလျှပ်စစ်တွေကို မြေကြီးထဲသို့ လုံခြုံစွာ လွှဲပြောင်းပေးတဲ့စနစ်ဖြစ်ပါတယ်။ အိမ်သုံးမီတာကနေ Main Distribution Board (MDB)၊ ထိုမှတစ်ဆင့် အိမ်တွင်းရှိ သုံးပင်စိုက် ပလပ်ခုံ (3-pin socket) တိုင်းရဲ့ အလယ်ပေါက်ဆီသို့ Earthing ကြိုးကို စနစ်တကျ သွယ်တန်းထားရပါမယ်။

✅ Lightning Protection System (မိုးကြိုးဘေးအန္တရာယ် ကာကွယ်ခြင်း)
မိုးကြိုးပစ်တဲ့အခါ ဖြစ်ပေါ်လာတဲ့ ကြီးမားတဲ့ လျှပ်စီးကြောင်း (High Voltage) တွေကို အဆောက်အဦထဲ မဝင်လာစေဘဲ မြေကြီးထဲ တိုက်ရိုက်ဆွဲချပေးတဲ့ စနစ်ပါ။ အမိုးအမြင့်ဆုံးနေရာမှာ မိုးကြိုးလွှဲတံ (Lightning Rod / Air Terminal) ကို တပ်ဆင်ပြီး၊ အောက်ခြေမြေကြီးထဲအထိ ကြေးနီကြိုးအထူ (Down Conductor) ဖြင့် သီးသန့် သွယ်တန်းချရပါမယ်။ (မှတ်ချက် - မိုးကြိုးလွှဲကြိုးနှင့် အိမ်သုံး Earthing ကြိုးကို လုံးဝရောမဆက်ရပါ)။

✅ Proper Grounding Pit Construction (မြေစိုက်တွင်း စနစ်တကျ ပြုလုပ်ပုံ)
မြေစိုက်တံ (Earth Rod) ကို ကြေးနီအစစ် (Solid Copper) သုံးရမှာဖြစ်ပြီး မြေကြီးထဲသို့ အနည်းဆုံး ၈ ပေမှ ၁၀ ပေအထိ နက်အောင် စိုက်ရပါမယ်။ လျှပ်စစ်စီးကူးမှု ကောင်းမွန်စေရန် (Earth Resistance လျော့နည်းစေရန်) မြေစိုက်တွင်းထဲတွင် Charcoal (မီးသွေး) နှင့် Salt (ဆား) တို့ကို အလွှာလိုက် စနစ်တကျ ထည့်သွင်းပေးရပါတယ်။

✅ Testing Earth Resistance (လျှပ်စစ်စီးကူးမှု စမ်းသပ်ခြင်း)
မြေစိုက်ပြီးရုံနဲ့ မပြီးသေးပါဘူး။ အိမ်သုံး Earthing အတွက် Earth Resistance ဟာ 5 Ohms ထက် မကျော်လွန်စေရန် Earth Resistance Tester ဖြင့် တိကျစွာ တိုင်းတာရပါမယ်။ Resistance များနေပါက မြေစိုက်တံ (Rod) နောက်တစ်ချောင်းထပ်စိုက်ပြီး Parallel (အပြိုင်) ပြန်ဆက်ပေးရန် လိုအပ်ပါတယ်။

မိသားစုဝင်တွေရဲ့ အသက်အန္တရာယ်နဲ့ အဖိုးတန်အိမ်သုံးစနစ်တွေ ရေရှည်စိတ်ချရဖို့အတွက် BGS Construction အနေနဲ့ အသေးစိတ်ကအစ အင်ဂျင်နီယာစံနှုန်းအတိုင်း တိကျသေချာစွာ တွက်ချက်တည်ဆောက်ပေးနေပါတယ်ခင်ဗျာ။

👷𝐐𝐮𝐚𝐥𝐢𝐭𝐲 𝐢𝐬 𝐚 𝐒𝐡𝐚𝐫𝐞𝐝 𝐑𝐞𝐬𝐩𝐨𝐧𝐬𝐢𝐛𝐢𝐥𝐢𝐭𝐲 𝐟𝐨𝐫 𝐀𝐥𝐥!☑️
𝗖𝗼𝗻𝘁𝗮𝗰𝘁 𝗨𝘀:
Phone: 09 262 944 040, 09 421 983 700
Address: No. 114, Dana Theikdi Street, 8 Ward, Mayangone Tsp., Yangon.

ဒီနေ့ လုပ်ငန်းခွင်မှာတော့ အဆောက်အဦးအဆင့်ဆင့်မှာ
အခန်းဖွဲ့အုတ်နံရံတွေနဲ့ Riser Box နေရာတွေကို စနစ်တကျ အချောကိုင်တာ၊ လျှပ်စစ်၊ အဲကွန်းနဲ့ ရေပိုက်လိုင်းတွေ သွယ်တန်းဖို့ နံရံဖြတ်တောက်ပြင်ဆင်တာတွေကို အဓိကထား လုပ်ကိုင်နေပါတယ်။

ဒါ့အပြင် အပေါ်ထပ်တွေမှာ Parapet Wall နဲ့ Lintel Beam တွေအတွက် သံချောင်းစီတာ၊ ပုံစံခွက်တပ်ဆင်တာနဲ့ ကွန်ကရစ်လောင်းတဲ့အလုပ်တွေကိုလည်း လုပ်ဆောင်နေပြီး လုပ်ငန်းခွင်သန့်ရှင်းရေး (Housekeeping) ကိုပါ တစ်ပြိုင်နက်တည်း ကြပ်မတ်လုပ်ကိုင်နေပါတယ်ခင်ဗျာ။

𝐐𝐮𝐚𝐥𝐢𝐭𝐲 𝐢𝐬 𝐚 𝐒𝐡𝐚𝐫𝐞𝐝 𝐑𝐞𝐬𝐩𝐨𝐧𝐬𝐢𝐛𝐢𝐥𝐢𝐭𝐲 𝐟𝐨𝐫 𝐀𝐥𝐥!
𝗖𝗼𝗻𝘁𝗮𝗰𝘁 𝗨𝘀:
Phone: 09 262 944 040, 09 421 983 700
Address: No. 114, Dana Theikdi Street, 8 Ward, Mayangone Tsp., Yangon.

ဓာတ်လှေကား တပ်ဆင်ခြင်း (Lift Installation) ဆိုတာ ရေရှည်ဘေးကင်းလုံခြုံဖို့နဲ့ ချောမွေ့စွာ လည်ပတ်နိုင်ဖို့အတွက် အလွန်စေ့စပ်သေချာရမယ့် MEP လုပ်ငန်းကြီးတစ်ခု ဖြစ်ပါတယ်။

Lift Installation ဓာတ်လှေကားတပ်ဆင်ရာမှာ အဓိကဂရုစိုက်ရမည့် လုပ်ငန်းစဉ်များကတော့

✅ Shaft & Pit Preparation (တွင်းနှင့် နံရံပြင်ဆင်ခြင်း)
ဓာတ်လှေကားဆင်းမယ့် အောက်ခြေတွင်း (Lift Pit) ဟာ ရေစိမ့်မှု လုံးဝမရှိအောင် Waterproofing သေချာလုပ်ထားရပါမယ်။ တပ်ဆင်မယ့် Lift Shaft (နံရံပတ်လည်) ရဲ့ ဒေါင်လိုက် Level (Plumb) တည့်မတ်မှုဟာ စံချိန်စံညွှန်းအတိုင်း တိကျနေဖို့ အရေးကြီးဆုံး ဖြစ်ပါတယ်။

✅ Guide Rail Installation (လမ်းညွှန်သံလမ်း တပ်ဆင်ခြင်း)
ဓာတ်လှေကားအိမ် (Lift Car) နဲ့ အလေးတုံး (Counterweight) တွေ ဘေးဘယ်ညာ မလှုပ်ခါဘဲ အပေါ်အောက် ဖြောင့်စင်းစွာ မောင်းနှင်နိုင်ဖို့အတွက် Guide Rails တွေကို နံရံမှာ Bracket တွေနဲ့ တိတိကျကျ တိုင်းတာပြီး ခိုင်ခံ့အောင် ပတ်သက်စွဲရပါတယ်။

✅ Drive Machinery & Roping (မော်တာနှင့် ကေဘယ်ကြိုး တပ်ဆင်ခြင်း)
အပေါ်ဆုံးထပ်ရှိ Machine Room (သို့မဟုတ် Machine-Room-Less စနစ်အတွက် Shaft အပေါ်ပိုင်း) မှာ မော်တာ (Traction Machine) ကို တပ်ဆင်ပြီး အဆင့်မြင့် သံမဏိကေဘယ်ကြိုး (Steel Ropes) များဖြင့် Lift Car ကို ချိတ်ဆက်ဆွဲတင်မည့် စနစ်ကို တည်ဆောက်ပါတယ်။

✅ Safety Gear & Testing (အန္တရာယ်ကင်းစနစ်နှင့် စမ်းသပ်ခြင်း)
ကြိုးပြတ်တောက်ခြင်း သို့မဟုတ် သတ်မှတ်အရှိန်ထက် ကျော်လွန်ခြင်းများ ဖြစ်လာပါက အလိုအလျောက် ဘရိတ်ဖမ်းပေးမည့် Overspeed Governor နှင့် Safety Gear စနစ်များကို တပ်ဆင်ပါတယ်။ လုပ်ငန်းပြီးစီးပါက ဝန်အပြည့်တင်၍ စမ်းသပ်ခြင်း (Load Testing) ကို စနစ်တကျ လုပ်ဆောင်ရပါမယ်။

ဒီနေ့မှာတော့ ဓာတ်လှေကားစနစ် ဘေးကင်းစိတ်ချစွာ အသုံးပြုနိုင်ဖို့ ကျွမ်းကျင်သူများနှင့် စနစ်တကျ ကြီးကြပ်ဆောင်ရွက်ပေးနေပါတယ်ခင်ဗျာ။

𝐐𝐮𝐚𝐥𝐢𝐭𝐲 𝐢𝐬 𝐚 𝐒𝐡𝐚𝐫𝐞 𝐑𝐞𝐬𝐩𝐨𝐧𝐬𝐢𝐛𝐢𝐥𝐢𝐭𝐲 𝐟𝐨𝐫 𝐀𝐥𝐥!
𝗖𝗼𝗻𝘁𝗮𝗰𝘁 𝗨𝘀:
Phone: 09 262 944 040, 09 421 983 700
Address: No. 114, Dana Theikdi Street, 8 Ward, Mayangone Tsp., Yangon.