Little Boss Creation Group 2

ရေမရှားတဲ့အရပ်မှာ ရေခမ်းနေပြီ ..

ရွှေမရှားတဲ့အရပ်မှာ ရွှေခမ်းနေပြီ ..

ဆန်မရှားတဲ့ပြည်မှာ ဆန်ဈေးတွေခေါင်ခိုက်လျက် ..

ပညာတတ်လူငယ်တွေ မရှားတဲ့အရပ်မှာ ပြည်ပထွက်ကုန်ကြပြီ ..

အရာရာ ပေါများနေခဲ့တော့ တန်ဖိုးပဲမထားခဲ့မိတာလား ...?

နောက်ထပ်ရော ဘာတွေများ ထပ်ခမ်းသွားဦးမလဲ ?

နောက်ထပ်ရော ဘာတွေများ ထပ်ရှားသွားဦးမလဲ ?

🌕 ဝါဆိုလပြည့်နေ့မှာ ကုသိုလ်ပြုကြသော
ဆွေမျိုးမိတ်သင်္ဂဟအပေါင်း ဘေးအန္တရာယ်ကင်းရှင်းကြပါစေကြောင်း Little Boss မိသားစုမှ ဆုတောင်းမေတ္တာပို့သအပ်ပါတယ်။ 🙏

ဝါဆိုလပြည့်နေ့အကြောင်း ဗဟုသုတရစေဖို့ မျှဝေလိုက်ပါတယ်။

#ဝါဆိုလပြည့်နေ့ ကား ဂေါတမမြတ်စွာဘုရားရှင် ပဋိသန္ဓေ နေတော်မူခြင်း၊ တောထွက်တော်မူခြင်း၊ တရားဦးဓမ္မစကြာကို ဟောကြားတော်မူခြင်း၊ ရေအစုံ မီးအစုံ တန်ခိုးပြာဋိဟာကို ပြတော်မူခြင်း စသော ထူးခြားသည့် ဘာသာရေးမှတ်တိုင်ကြီးများကို စိုက်ထူခဲ့သောနေ့ ဖြစ်ပါသည်။ ထို့ပြင် ဝါဆိုလပြည့်နေ့သည် ဘုရားအဖြစ်ကို ဝန်ခံတော်မူသောနေ့လည်းဖြစ်သည်။ တရားရတနာ စတင်ပေါ်ပေါက်ရာနေ့လည်း ဖြစ်သည်။ သံဃာရတနာ စတင်ပေါ်ထွန်းသောနေ့လဲ ဖြစ်သည်။ ပုထုဇဉ်ခရီးမှ အရိယာခရီးသို့ စတင်ကူးပြောင်းခွင့် ကြုံသောနေ့လည်း ဖြစ်သည်။ ထိုမျှသာမက သံဃာတော်များသည် ဝါဆိုလပြည့်ကျော် ၁-ရက်မှစ၍ ဝါတွင်း၃လ ကာလပတ်လုံး ဝါဆိုဝါကပ်သော အခါထူး အခါမြတ်လည်း ဖြစ်သည်။ ထို့ကြောင့် ဗုဒ္ဓဘာသာဝင် မြန်မာတို့သည် ဝါဆိုလပြည့်နေ့၌ ကျောင်းကန်ဘုရားများသို့ သွားရောက်၍ ဝါဆိုပန်းနှင့် သင်္ကန်းများ ကပ်လှူခြင်း၊ ဓမ္မစကြာတရားတော်များ ရွတ်ဖတ်သရဇ္ဈာယ်ခြင်းများ ပြုကြသည်။

ဗုဒ္ဓအယူဝါဒကို သက်ဝင်ယုံကြည်ကြသူများအဖို့ ဝါဆိုလပြည့်နေ့သည် အယူဝါဒရေးဆိုင်ရာ နေ့ထူးနေ့မြတ်ဖြစ်ပေသည်။ ထူးခြားပုံမှာ ဂေါတမမြတ်စွာဘုရား အလောင်းတော်သည် အထက် တုသိတာနတ်ပြည်မှ သက်ဆင်း၍ လူ့ပြည်၌ ပဋိသန္ဓေတည်သောနေ့၊ သူအို၊ သူနာ၊ သူသေ ရဟန်းဟူသော နိမိတ်ကြီးလေးပါးကို နတ်များဖန်ဆင်းပြရာတွင် သံဝေဂရ၍ တောထွက်တော်မူသောနေ့၊ ဘုရားအဖြစ်သို့ရောက်ပြီး နောက် ဓမ္မစကြာတရားဦး ဟောတော်မူသောနေ့၊ သာဝတ္ထိပြည် သရက်ဖြူ ပင်ရင်း၌ တိတ္တိသင်းကိုနှိမ်နင်း၍ တန်းခိုးပြာဋိဟာ ပြသောနေ့တို့ ဖြစ်သော ကြောင့်တည်း။

ဂေါတမမြတ်စွာဘုရားသည် ဘုရားအဖြစ်သို့ ရောက်တော်မှုပြီးနောက် ဓမ္မစကြာဒေသနာတော်ကို ပဉ္စဝဂ္ဂီငါးဦးတို့အား ဝါဆိုလပြည့်နေ့တွင် မိဂဒါဝုန်တော၌ ဟောကြားတော်မူသည်။ ထို့ကြောင့် ဝါဆိုလပြည့်ကို ဓမ္မစကြာအခါတော်နေ့ဟူ၍ သတ်မှတ်ထားသည်။

ဘုရားရှင်သာသနာတော်ရှိ ရဟန်းတို့သည် ဤဝါဆိုလပြည့်နေ့တွင် ဝါတွင်းသုံးလပတ်လုံး မိမိတို့၏ ကျောင်းအာရမ်အတွင်းမှ အရပ်တစ်ပါးသို့ ရွှေ့ပြောင်းသွားလာခြင်း မပြုပါဟူသော ပဋိညာဉ်ဖြင့် ဝါဆို ဝါကပ်မှုများကိုပြုကြသည်။

ထိုကဲ့သို့ ရဟန်းသံဃာတော်တို့သည် ဝါတွင်းသုံးလပတ်လုံး ငြိမ်သက်စွာ တရားအားထုတ်လျက်ရှိစဉ် လူတို့သည်လည်း ထိုဝါတွင်းသုံးလတွင် ရဟန်းတို့၏ သိက္ခာပုဒ်တော်များကို ကြည်ညိုခြင်းဖြစ်လျက် ရှစ်ရက် လပြည့်လကွယ်နေ့များတွင် သီတင်းသီလဆောက်တည်၍ သူတော်ကောင်း တရား ပွားများအားထုတ်ကြခြင်း၊ ကုသိုလ်ဒါနမှုများကို ပြုကြခြင်းဖြင့် ဝါကပ်သော ရဟန်းတို့အား ချမ်းမြေ့စေရန် ထောက်ပံ့ကြ၏။ ဤသို့ ရဟန်းရှင်လူတို့ သုံးလပတ်လုံး ဒါန၊ သီလ၊ ဘာဝနာ အစရှိသော သူတော်ကောင်းတရားများကို ငြိမ်သက်စွာအားထုတ်ရန် အစပြုသော ဝါဆိုလပြည့်နေ့များတွင် လူတို့သည် ဝါကပ်ခြင်းအမှုကို ပြုကြကုန်သော ရဟန်း သံဃာတို့အား ပန်း၊ ဆီမီးတို့ဖြင့် ပူဇော်ကြကုန်သည်။ ဝါဆို ဝါကပ်ကို အစွဲပြု၍ ဝါဆိုပန်း၊ ဝါဆိုဖယောင်းတိုင် စသည့်ဝေါဟာရများ ပေါ်ပေါက်လာသည်။

မြန်မာမင်းများ လက်ထက်တော်တွင် တစ်လလျှင် ပွဲတော်တစ်မျိုးကျ ကျင်းပလေ့ရှိရာ ဤဝါဆိုလအခါတွင် ပဉ္စင်းတော်ခံပွဲများ ကျင်းပမြဲဖြစ် ၏။ ပဉ္စင်းတော်ခံပွဲမှာ ရဟန်းအဖြစ်သို့ ဝင်ခွင့်ရှိ၍ ဝင်လိုသူ ရှင်လူရဟန်း လောင်းတို့အား ရဟန်းဘောင်သို့အခမ်းအနားနှင့် သွတ်သွင်းချီးမြှင့်ခြင်းပင် ဖြစ်လေရာ ဘုရင်မင်းများကိုယ်တော်တိုင် အလေးအမြတ်ပြုလျက် ကျင်းပသောပွဲတော်ဖြစ်လေသည်။

တွန်းလှည်းလေးနဲ့ကြက်ကင်ဆိုင်ကို ဒီဇိုင်းဒါနပြုခဲ့တယ် ... !

ကျနော်တို့အိမ်နားမှာ
ကျနော့်သားလေး အမြဲဝယ်စားနေကျ
ကြက်ကင်ဆိုင်လေးရှိတယ်ဗျ...
မိုးရွာရွာ နေပူပူ
တွန်းလှည်းလေးနဲ့ သူအမြဲရှိတယ်..
မနေ့က ကြက်ကင်သွားဝယ်တော့
တွန်းလှည်းပေါ်က ဆိုင်းဘုတ်လေးက
တော်တော်လေးဟောင်းပြီး အဆင်မပြေတာနဲ့

❝ အကို ... ဆိုင်းဘုတ်လေး အသစ်လဲချင်လား? ❞ လို့ မေးဖြစ်ခဲ့တယ် ..

အရာရာအဆင်မပြေတဲ့ ဒီကာလထဲ
ကျနော်လဲ နိုင်သလောက်ကူချင်ရုံပါပဲ ..!

အဲ့တာနဲ့ ❝ လဲချင်တာပေါ့ ငါ့ညီရာ ..
​ဒီဇိုင်းဖိုး ဘာဖိုး ညာဖိုးနဲ့ နောက်မှပဲလဲပါတော့မယ်ကွာ ❞ ဆိုပြီး စိတ်ပျက်လက်ပျက်အသံလေးနဲ့ ပြန်ဖြေရှာတယ် ..

ဒါနဲ့ ကျနော်တို့ Little Boss လေးတွေလဲ
မီးကလဲလာ၊ အားလဲ အားနေတာနဲ့ ကြက်ကင်ဆိုင်အတွက် လိုအပ်တဲ့ ဆိုင်းဘုတ်ဒီဇိုင်းလေး အလကားဆွဲပေးဖြစ်ခဲ့ပါတယ်။

ဆိုင်ရှင်အကိုလဲ သဘောကျမယ်ထင်ပါတယ်ခင်ဗျာ ... အကိုဒီ့ထက် အများကြီးရောင်းကောင်းပါစေ။ 🙏