Atomy Home MM

➡️တစ်ပါးသူတွေ ပေးတဲ့
➡️စိတ်ဒဏ်ရာတွေကို ရရှိတဲ့အခါ
➡️ကိုယ့်ကိုယ်ကို နှစ်သိမ့်ဖို့မမေ့ပါနဲ့~~~

➡️အကယ်၍
➡️လောကဓံရဲ့ခါးသီးခြင်းတွေကို
➡️ကြုံတွေ့ရတဲ့အခါ
➡️ကိုယ့်ကိုယ်ကို အားတင်းထားဖို့မမေ့ပါနဲ့...

➡️ဘ၀ဆိုတာ
➡️အချိုရော အခါးရော
➡️ပေးတတ်တာ သတိရပါ ~~~

➡️အကယ်၍
➡️တစ်ချို့လူတွေက
➡️ကိုယ့်နာမည် ' ကိုယ့်ဂုဏ်သိက္ခာကို
➡️ချိုးဖဲ့တာမျိုးကြုံ ခဲ့ရင်
➡️ကိုယ့်ကိုယ်ကို ယုံကြည်မှု့ရှိဖို့မမေ့ပါနဲ့...

➡️လောကမှာ
➡️မှန်တာပြောတာထက်
➡️မမှန်တာပြောတဲ့သူတွေက
➡️များးတယ်ဆိုတာ သတိရပါ ~~~

➡️အကယ်၍
➡️လူတွေက ဒါ မင်းအပြစ်ပါလို့
➡️လက်ညိုးထိုးစွပ်စွဲတာမျိုးကြုံ ခဲ့ရင်
➡️ကိုယ့်ကိုယ်ကို နားလည်တတ်ဖို့မမေ့ပါနဲ့...

➡️တစ်လောကလုံး
➡️နားမလည်ရင်တောင်
➡️ကိုယ်လုပ်နေတာ ကိုယ်ကိုယ်တိုင်
➡️နားလည်ဖို့ပဲလိုပါတယ် ~~~

➡️အကယ်၍
➡️ကိုယ် အကူအညီလိုတဲ့အခါ
➡️ကူညီမယ့်သူ မရှိခဲ့ရင် ??
➡️ကိုယ့်ကိုယ်ကို ပြုံးပြဖို့မမေ့ပါနဲ့...

➡️နောက်တစ်ခါ မည်သူ့ဆီကမှ
➡️အကူအညီမယူမိအောင်ကြိုးစားလိုက်ပါ ~~~

➡️ လူ့ဘ၀မှာ

➡️"' လူတိုင်း နိမ့်ကျ ဖူးတယ် "'

➡️"' လူတိုင်း အမြင့်ကိုရောက်ခဲ့ဖူးတယ် "'

➡️"' လူတိုင်း ချစ်ခဲ့ဖူးတယ် "'

➡️"' လူတိုင်း ငိုကြွေးခဲ့ဖူးတယ် "'

➡️"' လူတိုင်း ပျော်ရွင်ခဲ့ဖူးတယ် "'

➡️အကယ်၍
➡️ကိုယ် တစ်ယောက်ထဲမှ
➡️ကြုံတွေ့နေရတယ်လို့ထင်တဲ့အခါ
➡️အပြင်ကို ထွက်
➡️လူတွေကို လိုက်ကြည့်ကြည့်ပါ ~~~

➡️လူတိုင်းလူတိုင်းဟာ
➡️ဘဝက‌ပေးတဲ့သုခ ဒုက္ခတွေ ကိုယ်စီနဲ့ပါ
➡️ကိုယ့်ကိုယ်ကို လေးစားဖို့မမေ့ပါနဲ....

#သူများ
နိုင်ငံသားတွေတော့
စတိုင်ပြောင်းပြီ

ဒီနေ့ ဘီဘီစီသတင်း
ဖတ်ရင်းက
စိတ်ဝင်စားစရာ
သတင်းလေးတစ်ပုဒ်
ဖတ်ဖြစ်ပါတယ် ။

အင်္ဂလန်မှာ
ဒုတိယကမ္ဘာစစ်
နောက်ပိုင်းခေတ် စားတဲ့
ဘဏ်ချေးငွေနဲ့
အိမ်ကြီးကြီး
ကားကောင်းကောင်းတွေ
ဝယ်ပြီးနေတဲ့
လူနေမှုပုံစံကနေ

တော်သင့်သလောက်
အိမ်လေးရယ်
မရှိမဖြစ်လိုမှဝယ်တဲ့
ဂျပန်ကားလေးကိုစီးပြီး

အကြွေးမထူလူမပူရဘဲ
ခပ်အေးအေး နေတဲ့ပုံစံကို
ပြောင်းလဲလာပါတယ်တဲ့ ။

အဲ့ဒီလို
ကြွားဝါရမယ့်ကိစ္စတွေမှာ
ငွေမသုံးပဲ

မရှိမဖြစ်တာလေးကို
စီစစ်ပြီးသုံးတာကို

အင်္ဂလိပ်လို
Frugal Living လို့
ခေါ်ပါတယ် ။

စားစရာဝတ်စရာ
စတာတွေမှာ
ငွေကုန်ကြေးကျများတဲ့
ဇိမ်ခံပစ္စည်းတွေ မလိုအပ်ပဲ ၊

ဝါသနာအရဝယ်တာကို
လျှော့ပြီး
သင့်တင့်မျှတအောင်
နေတာပါ ။

အရင်းရှင်စနစ်ရဲ့
ကျောရိုးဖြစ်တဲ့
လောဘ အလျှောက်
အလွန်အကျွံ ဝယ်ယူ
သုံးစွဲတဲ့
အကျင့်ကနေရှိတာလေးနဲ့

လှအောင်ဆင်ပြီး
ရိုးရိုးရှင်းရှင်းနဲ့
နေလာကြပါတယ် ။

ဒီလို နေကြည့်တော့
ဘာသွားတွေ့သလဲ
ဆိုတော့

ဘဏ်တွေကနေ
အကြွေးယူရတာ
အတိုးပေးရတာနည်း
သွားပြီး

သူတို့နိုင်ငံကလူတွေ
အတွက်ဆို
အသက်၄၀လောက်မှာ

ငွေကြေး စုမိဆောင်းမိ
ဖြစ်သွားပြီး
ပင်စင်ယူ ကိုယ်ဝါသနာ
ပါရာ
လုပ်နေနိုင်သွားပါတယ် ။

ဒါ့အပြင်
အလုပ်ရဲ့ကျေးကျွန်၊
လောဘရဲ့သားကောင်
မဖြစ်တော့ပဲ

မိသားစုအတွက်
အရေးပါတဲ့တစ်ဦးပေါ်
တစ်ဦး အချိန်ပိုပေး
လာနိုင်ပါတယ် ။

ဂျပန်မှာဆိုလည်း
Frugal living ဟာ
အလွန် ခေတ်စားပြီး

အ်ိမ်တွေမှာ မလိုတဲ့
ပစ္စည်းတွေ
အမှိုက်သရိုက်တွေကို
ရှင်းပြစ်ပြီး

အိပ်ရာကိုတောင်
ကုတင်နဲ့ မအိပ်ပဲ မွှေ့ရာလေး
ကြမ်းပေါ်ခင်းအိပ်

မနက်တိုင်း နံရံကပ်ဘီရိုထဲ
ထည့်သိမ်းကြပါတယ် ။

မလိုအပ်တဲ့အရာဆို
သွားပွတ်တံထားတဲ့
ခွက်တောင်မထားပဲ

ရေချိုးခန်းနံရံစောင်းမှာ
စီထားတဲ့အထိပါ ။

အဝတ်အစားဆိုလည်း
ရှိတာကိုသပ်သပ်ရပ်ရပ်
ဝတ်ကြပြီး

စားပွဲတစ်လုံံးထဲရှိတဲ့
ကြမ်းပြင်မှာ စုပြီး
စားကြသောက်ကြ
စာဖတ်ကြပါတယ်။

အရင်က ချမ်းသာတာကို
ငွေကြေး ဘယ်လောက်ရှိတယ်
ဆိုတာနဲ့
တိုင်းတာ ကြပေမယ့်

အခုခေတ်မှာတော့
ချမ်းသာတာကို
ဘယ်လောက် တင်းတိမ်ရောင့်ရဲ
နိုင်သလဲ ဆိုတာနဲ့
တိုင်းတာပါတယ် ။

အလို နည်းခြင်းဟာ
ချမ်းသာခြင်း
အကြောင်းဆိုတာကို
သူတို့ သိလာကြပါပြီ ။

: Nay Myo Oo..