Health Guide Myanmar

#ဘဝအတွက်_ဂရုစိုက်ရမယ့်_နာရီများ။
=-=-=-=-=-=-=-=-=-=-=-=-=-=-

• ညသန်းခေါင် ည ၁၂-နာရီ ၁၀-မိနစ်အထိ မအိပ်သေးသူများတွင် ခန္ဓာကိုယ်၏ဇီဝပြောင်းလဲဖြစ်စဉ်များဟာကိုယ်တွင်းအရည်လောင်ကျွမ်းမှုကိုသာအားကိုးရပြီးအရည်လောင် ကျွမ်းမှုဟာအဆိပ်အတောက်ဖြစ်ပေါ်စေပါတယ်။
• သုတေသနပြုချက်အရညဆိုင်းအလုပ်လုပ်သူများဟာကျန်းမာရေးအဆိုးများပါတယ်။ အမျိုးသမီးများဆိုလျှင် ရာသီမမှန်ခြင်း၊ အရိုးပွရောဂါဖြစ်ခြင်း၊ရင်သားကင်ဆာဖြစ်ခြင်း၊ ကိုယ်၀န်မရရှိနိုင်ခြင်းရောဂါများပိုမိုဖြစ်တတ်ပါတယ်။
၁။ ည ၇-နာရီမှ ည ၉-နာရီ = နှလုံးနှင့်ဦးနှောက်အာရုံကြောစနစ်၏ အလှုပ်ရှားဆုံးအချိန်
(စာကျတ်လို့ အကောင်းဆုံးအချိန် ဖြစ်ပါတယ်)

၂။ ည ၉-နာရီ မှ ည ၁၁-နာရီ = ရောဂါခုခံကာကွယ်စနစ်အချိန် (ကလေးသူငယ်များရောဂါခုခံကာကွယ်စနစ် တည်ဆောက်မှုမပြည့်စုံသေးသဖြင့် ည ၉-နာရီတွင်အိပ်နိုင်ရင် ကောင်းပါတယ်။)

၃။ ည ၁၁-နာရိ မှ နံနက် ၁-နာရီ = ရိုးတွင်းချဉ်ဆီမှ သွေးနီဥတည်ဆောက်ချိန်
၄။ နံနက် ၁-နာရီ မှ နံနက် ၃-နာရီ= အသည်းရဲ့အချိန်
၅။ နံနက် ၃-နာရီ မှ နံနက် ၅-နာရီ= အသက်ရှုစနစ်အတွက်အချိန်
၆။ နံနက် ၄-နာရီ = ခန္ဓာကိုယ်၏ သွေးခုန်အားအပျော့ဆုံး၊ နှလုံးခုန်နှုန်းအနှေးဆုံးအချိန်
(နံနက် ၄နာရီဟာ ရင်ကြပ်၊နှလုံး၊လေဖြတ်၊ဦးနှောက်သွေးကြောရောဂါ၊သွေးတိုးရောဂါ စသည်တို့ ရောဂါဖောက်ပြန်တဲ့အချိန်ဖြစ်ပါတယ်။ ဘိုးဘွားများနံနက် ၅-နာရီကျော်မှလမ်းလျှောက်ထွက်သင့်ပါတယ်။)

၇။ နံနက် ၅-နာရီ မှ နံနက် ၉-နာရီ = အူမကြီးနဲ့ အစာအိမ်အလှုပ်ရှားဆုံးအချိန်
(ထို့ကြောင့် နံနက် ၇-နာရီ မတိုင်ခင် နံနက်စာစားသင့်ပါတယ်)
• ခဏခဏအိပ်ရေးပျက်ခံသူဟာဆေးလိပ်သောက်၊ အရက်သောက်သူများဖြစ်နိုင်တဲ့ ရောဂါမျိုးထက် ငါးဆပိုဖြစ်ပါတယ်။

• ထို့ကြောင့် နေ့စဉ်အတတ်နိုင်ဆုံး ည ၁၁-နာရီ မတိုင်မီအိပ်ရမည်။
• မဖြစ်မနေ ညအလုပ် လုပ်ရန်ရှိသည်ဆိုလျှင်လည်း (အသားမပါသော) ညလယ်စာစားထားပေးရန် လိုအပ်ပါတယ်။

Credit : - ပါမောက္ခ ဒေါ်ခင်ဖြူ
စုစည်းတင်ပြသူ - LILY

ကမ္ဘောဇဘဏ်က COVID-19 ရောဂါ ကာကွယ်၊ ကုသ၊ ထိန်းချုပ်ရေးအတွက် ရှေ့တန်းမှ ဆောင်ရွက်နေကြသည့် ကျန်းမာရေးဝန်ထမ်းများအတွက် Jasmine Palace Hotel တွင် အခမဲ့ အနားယူ၊ နေထိုင်စားသောက်နိုင်ရန် ပံ့ပိုးကူညီ
=-=-=-=-=-=-=-=-=-=-=
ကမ္ဘောဇဘဏ်သည် COVID-19 ရောဂါ ကာကွယ်၊ ကုသ၊ ထိန်းချုပ်ရေးအတွက် ရှေ့တန်းမှ ဆောင်ရွက်နေကြသည့် ဆရာဝန်များ၊ သူနာပြုများနှင့် စေတနာ့ဝန်ထမ်းများအနေဖြင့် တာဝန်ထမ်းဆောင်နေစဉ်ကာလအတွင်း ရန်ကုန်မြို၊ ပြည်လမ်းမပေါ်ရှိ Jasmine Palace Hotel တွင် အခမဲ့ အနားယူ၊ နေထိုင်စားသောက်နိုင်ရန်အတွက် အောက်တိုဘာလမှ စတင်၍ ပံ့ပိုးကူညီခဲ့ပါသည်။ ဆေးဘက်ဆိုင်ရာ ဝန်ထမ်းများနှင့် စေတနာ့ဝန်ထမ်းများ တည်းခိုနေထိုင်နိုင်ရေးအတွက် အသုံးပြုနိုင်ရန် Jasmine Palace Hotel ကို ရန်ကုန်တိုင်းဒေသကြီး အစိုးရထံသို့ လွှဲပြောင်းပေးအပ် လှူဒါန်းသည့် အခမ်းအနားကို ၂၀၂၀ ခုနှစ်၊ ဒီဇင်ဘာလ ၂၁ ရက်၊ တနင်္လာနေ့တွင် Jasmine Palace Hotel ၌ ကျင်းပပြုလုပ်ခဲ့သည်။

"အခုလို နေရာထိုင်ခင်းနဲ့ အခြားဝန်ဆောင်မှုတွေ စီစဉ်ဆောင်ရွက်ပေးတဲ့ ကမ္ဘောဇဘဏ်ကို အများကြီးကျေးဇူးတင်ပါတယ်။ ကျွန်တော်တို့လို ကျန်းမာရေးဝန်ထမ်းတွေအနေနဲ့ ဒီမှာတည်းခိုပြီး တာဝန်ထမ်းဆောင်နေတဲ့ ဆေးရုံတွေကို သွားရတာ အဆင်ပြေသလို လုပ်ငန်းခွင်အတွက်ရော၊ မိသားစုဝင်တွေအတွက်ရော စိတ်ချရပါတယ်။

အိမ်ကနေပြီး ဆေးရုံသွားဖို့ စိတ်ပူနေရတဲ့သူတွေအတွက် အခုလို သီးခြားနေထိုင်ခွင့်ရတဲ့အတွက် အရမ်း အဆင်ပြေပါတယ်" ဟု ရန်ကုန်ပြည်သူ့ဆေးရုံကြီးမှ လက်ထောက်ဆေးရုံအုပ်ကြီး ဒေါက်တာကောင်းမြတ်တိုးက ပြောသည်။

ကမ္ဘောဇဘဏ်နှင့် ကမ္ဘောဇညီနောင်ကုမ္ပဏီများသည် ဖေဖော်ဝါရီလ (၂၆) ရက်မှ ယနေ့အထိ ကိုဗစ်-၁၉ ရောဂါကာကွယ်၊ ထိန်းချုပ်၊ ကုသရေးအတွက် တစ်နိုင်ငံလုံးအတိုင်းအတာဖြင့် ငွေကျပ် (၁၁.၂) ဘီလီယံကျော် လှူဒါန်းထားပြီး ဖြစ်ကြောင်း သိရသည်။

Mytel မှ “Empower My Children” ဖောင်ဒေးရှင်းမှတစ်ဆင့် ကလေးငယ် ၃၄ ဦးအား ခွဲစိတ်ကုသမှုအတွက်လိုအပ်သော ငွေကြေးများကို ထောက်ပံ့ကူညီလှူဒါန်း
=-=-=-=-=-=-=-=-=-=-=
မြန်မာနိုင်ငံ၏ အကောင်းဆုံး အော်ပရေတာ Mytel သည် မြန်မာနိုင်ငံရှိ ကလေးငယ်များ၏ အနာဂတ်ဘဝသာယာလှပါစေရေး သက်သာဖူလုံစေရေးအတွက် ရည်ရွယ်ပြီး တည်ထောင်ထားသည့် “Empower My Children” ဖောင်ဒေးရှင်းမှတစ်ဆင့် မွေးရာပါနှလုံးရောဂါရှိသော ကလေးငယ် ၃၄ ဦးအား ခွဲစိတ်ကုသမှု အတွက်လိုအပ်သော ငွေကြေးများကို ထောက်ပံ့ကူညီပေးခဲ့ပြီး ဖြစ်ကြောင်းကို ၂၀၂၀- ခုနစ်၊ ဒီဇင်ဘာလ ၂၂ ရက်နေ့က သတင်းထုတ်ပြန် ကြေညာခဲ့သည်။

အနာဂတ်တွင် အဆိုပါ “Empower My Children” ဖောင်ဒေးရှင်းမှ တစ်ဆင့် မြန်မာနိုင်ငံကို အကျိုးပြုသည့် ခေါင်းဆောင်များဖြစ်လာမည့် ရင်သွေးငယ်များ၏ ဘဝများအား ကျန်းမာရေး ကဏ္ဍတွင်သာမက ပညာရေးကဏ္ဍတွင်ပါ တစ်ဖက်တစ်လမ်းမှ ကူညီပံ့ပိုးမြှင့်တင့်ပေးသွားရန် ရည်ရွယ်ထား ကြောင်းကိုလည်း အသိပေးကြေညာခဲ့သည်။

“လူမှုပတ်ဝန်းကျင်ကို တတ်စွမ်းတဲ့ဖက်က ပြန်ကူညီပေးဖို့ဆိုတဲ့အချက်က Mytel ရဲ့ အဓိကတန်ဖိုးထားရတဲ့ ခံယူချက်တစ်ခုဖြစ်တာကြောင့် Mytel အနေနဲ့ ခုလိုလူမှုအကျိုးပြုဖောင်ဒေးရှင်းတည်ထောင်ပြီး မြန်မာနိုင်ငံက ကလေးငယ်တွေရဲ့ ဘဝတွေ ပိုမိုသာယာလှပလာဖို့ ကူညီမှုတွေကို အဆက်မပြတ် ပြုလုပ်လာခဲ့တာပဲဖြစ်ပါတယ်။

ကျွန်မတို့ အနေနဲ့ လူတိုင်းမှာ သူတို့ရဲ့ဘဝကို ဘာအတားအဆီးမှမရှိ ဘာအခက်အခဲမှမရှိ နေထိုင်နိုင်ဖို့ အခွင့်အရေး အပြည့်အဝရှိတယ်လို့ ယုံကြည်ပါတယ်။ ကလေးငယ်တွေမှာ ဘဝကို အခက်အခဲမရှိရွှင်လန်းကျန်းမာစွာဖြတ်သန်းဖို့ အခွင့်အရေးမျိုး ရရှိသင့်ပါတယ်။

Mytel အနေဖြင့် ယခုလို ကျန်းမာရေးချိုတဲ့လျက်ရှိတဲ့ ကလေးငယ်တွေကို ကုသပေးခြင်းဖြစ်တဲ့ မွန်မြတ်လှတဲ့ အလှူမျိုးမှာ ပါဝင် ခွင့်ရတာဟာ တကယ်ကို ထူးခြားကောင်းမွန်လှပါတယ်။ ယခုလိုထောက်ပံ့တဲ့ အကျိုးရလာဒ်အနေနဲ့ ဒီကလေးတွေမှာ ပိုမိုတောက်ပပြီး ကောင်းမွန်တဲ့ အနာဂတ်ရှိလာဖို့ ရည်ရွယ်ပါတယ်” ဟု Mytel Myanmar ၏ ပြင်ပဆက်ဆံရေး အရာရှိချုပ်ဖြစ်သူ ဒေါက်တာဒေါ်နီလာအေးမှ ပြောကြားခဲ့ကြောင်း သိရသည်။

Mytel သည် ယခုကဲ့သို့ ကလေးငယ်များအား ကူညီပံ့ပိုးရန် ရည်ရွယ်ပြီး ဖောင်ဒေးရှင်းစတင်ချိန်မှ ယနေ့အချိန်အထိ မွေးရာပါနှလုံးရောဂါရှိသော ကလေးငယ် (၃၄) ဦးအား ခွဲစိတ်ကုသမှုအတွက်လိုအပ်သော ငွေကြေးများကို ထောက်ပံ့ကူညီ လှူဒါန်းခဲ့ပြီးပြီ ဖြစ်ရာ ယခုအခါတွင် စုစုပေါင်းလှူဒါန်းမှု ကျပ်သိန်း ၈၅၀ ထိ လှူဒါန်းခဲ့ပြီး ဖြစ်ကြောင်းသိရသည်။

နောင်အနာဂတ်တွင်လည်း ယခုကဲ့ သို့သော ထောက်ပံ့ကူညီလှူဒါန်းမှုများကို တစ်ဖက်တစ်လမ်းမှ ပြုလုပ်သွားမည်ဖြစ်ကြောင်းကိုလည်း Mytel မှ ကတိကဝတ်ပြုခဲ့သည်။