Cane & Coco

မင်္ဂလာရှိသောမြန်မာနှစ်ဆန်း ၁ရက်နေ့အခါသယမမှာ စိတ်သစ်၊ လူသစ်၊ခွန်အားသစ်များနှင့် ပြည့်စုံကြပါစေကြောင်း ဆုမွန်ကောင်းတောင်းလိုက်ပါတယ်။

ဂရုစိုက်ကြပါ ကာကာတို့ရေး

မနက်ဖြန်ဧပြီ (၁) ရက်ကစပြီရန်ကုန်အပါအဝင် တစ်ပြည်လုံး အထူးသတိထားကြပါ

အခုရက်ပိုင်း ရာသီဥတုက တကယ်ကို အသက်ရှူရခက်လောက်အောင် ပူပြင်းနေပါတယ်ရှင်။ ကမ္ဘာ့အပူချိန်သတင်းတွေကို ထုတ်ပြန်ပေးနေတဲ့ Eldorado Weather ရဲ့ ဖော်ပြချက်အရ ကမ္ဘာ့အပူဆုံးမြို့ (၁၅) မြို့စာရင်းမှာ မြန်မာနိုင်ငံက မြို့လေးမြို့တောင် ပါဝင်နေပြီဖြစ်ပါတယ်။ အထူးသဖြင့် မင်းဘူးမြို့ဟာ အပူချိန် ၄၂.၂ ဒီဂရီစင်တီဂရိတ်နဲ့ ကမ္ဘာ့ဒုတိယအပူဆုံးမြို့ အဖြစ် သတ်မှတ်ခံထားရပါတယ်ရှင်။

ဒါတင်မကသေးပါဘူး၊ တောင်ငူ (အဆင့် ၉)၊ မကွေး (အဆင့် ၁၁) နဲ့ ပဲခူး (အဆင့် ၁၃) တို့ဟာလည်း ကမ္ဘာ့အပူဆုံးစာရင်းထဲမှာ အသီးသီး ပါဝင်နေပါတယ်။

⚠️ ရန်ကုန်တိုင်းနဲ့ အခြားဒေသများအတွက် အထူးသတိပေးချက်
လာမယ့် ဧပြီလ (၁) ရက်နေ့ကနေ (၆) ရက်နေ့အတွင်း ရန်ကုန်တိုင်းအပါအဝင် ဒေသအတော်များများမှာ အခုလက်ရှိပူနေတာထက် များစွာပိုပူလာမယ် လို့ ခန့်မှန်းထားပါတယ်ရှင်။ အချို့နေရာတွေမှာ အပူလှိုင်း (Heat Wave) ဖြတ်နေသလိုမျိုး ပြင်းပြင်းထန်ထန် ခံစားရနိုင်ပြီး နေ့ဘက်တင်မကဘဲ ညဘက်အပူချိန်တွေပါ တိုးလာမှာဖြစ်လို့ အောက်ပါအချက်တွေကို အထူးဂရုစိုက်ပေးကြပါရှင်။အပူလိုင်းဖြတ်တာမဟုတ်ဘဲ အပူလှိုင်းဖြတ်သကဲ့သို့ ပူပြင်းနိုင်တယ်လို့ မိုးလေဝသ ခန့်မှန်းသူ ဒေါက်တာစိုင်းခွန်အာကာ ကသတိပေးထားတာပါ၊

ရေဓာတ်ဖြည့်တင်းပါ: ရေငတ်သည်ဖြစ်စေ၊ မငတ်သည်ဖြစ်စေ ရေကို မကြာခဏ အနည်းငယ်စီ သောက်ပေးပါ။

နေရောင်ခြည်ကို ရှောင်ပါ: အပြင်ထွက်ရင် ထီး၊ ဦးထုပ် ဆောင်သွားပါ။ တတ်နိုင်သမျှ အပူရှိန်ပြင်းတဲ့ အချိန်တွေမှာ အပြင်မထွက်ပါနဲ့။

ကလေးနဲ့ လူကြီးများကို ဂရုစိုက်ပါ: အပူဒဏ်ကို ခံနိုင်ရည်နည်းတဲ့ ဘိုးဘွားများ၊ ကလေးငယ်များနဲ့ ကျန်းမာရေးချို့တဲ့သူတွေကို အထူးစောင့်ရှောက်ပေးကြပါရှင်။

ဒီသတင်းစကားကို မိမိတို့ရဲ့ မိသားစုနဲ့ သူငယ်ချင်းတွေ သိရှိပြီး ကြိုတင်ပြင်ဆင်နိုင်အောင် ဝိုင်းဝန်း Share ပေးခြင်းဖြင့် ကူညီပေးကြပါဦးရှင်။ အားလုံးပဲ အပူဒဏ်ကနေ ဘေးကင်းကြပါစေ။ 🙏✨