GED Study Guide Myanmar

✅ GED ဆိုတာဘာလဲ ?

GED ရဲ့ အရှည်ကောက်ကတော့ General Educational Development ဖြစ်ပါတယ် ။ GED ဟာ အမေရိကန်နိုင်ငံရဲ့ အထက်တန်း ပညာရေး ( ၁၂ ) တန်း (Grade 12) နဲ့ ညီမျှတဲ့ USA High School Diploma တစ်ခုဖြစ်ပါတယ်

ယခုအခါ USA နှင့် Canada / Thailand / Australia / Singapore/ UAE နှင့် New Zealand နိုင်ငံများအပြင် ကမ္ဘာတစ်ဝန်းရှိနိုင်ငံတကာ တက္ကသိုလ်နှင့် ကောလိပ်များမှလည်း GED Diploma ကိုအသိအမှတ်ပြုလက်ခံနေပြီဖြစ်ပါတယ်။

✅ GED Diploma တစ်ခု ၏သက်တမ်းသည် မိမိတစ်ဘဝလုံးအတွက် အသုံးပြုနိုင်ပါသည်။

GED Diploma သည် IGCSE , SAT တို့ ကဲ့သို့ပင် နိုင်ငံတကာအသိအမှတ်ပြုမှု ရရှိထားပါတယ်။

✅ GED ရဲ့အားသာချက်ကတော့ အချိန်တိုအတွင်း ကုန်ကျစရိတ်သက်သာစွာဖြင့် တက်ရောက်သင်ကြားနိုင် ခြင်း၊ အထက်တန်းမပြီးမြောက်သေးပေမယ့်လည်း GED ဖြေဆိုကာကမ္ဘာတစ်ဝန်းရှိနိုင်ငံတစ်ကာတက္ကသိုလ် နှင့်ကောလိပ်များတွင်ဆက်လက်ပညာသင်ကြား နိုင်ခြင်း တို့အပြင် အလုပ်အကိုင်အခွင့်အလမ်းများ လည်း ပိုမိုရရှိနိုင်ပါတယ်။

✅ GED Class ကိုဘယ်သူတွေတက်သင့်လဲ ???

မြန်မာနိုင်ငံမှ အထက်တန်းပညာရေး (၉ တန်း/၁၀ တန်း တက်ရောက်နေသူများနှင့် တက်ရောက်ပြီးသူများ) ၊ အလယ်တန်းပညာရေးပြီးဆုံးထားသူများ ၊ အကြောင်းအမျိုးမျိုးကြောင့် အထက်တန်းမပြီးတဲ့သူများ၊ Foreign University တက်ချင်ကြတဲ့သူများ၊ Admission Requirement ကြောင့် GED လိုအပ်သူများ ၊ IGCSE မဖြေဆိုချင်သောသူများ၊ USA, Canada, Thailand, Australia, Singapore အစရှိသည့်နိုင်ငံ များတွင် ပညာဆက်လက်သင်ကြားလိုသူများ တက်ရောက်သင့်ပါသည်။

✅ GED မှာ ဘာတွေလေ့လာရမှာလဲ ???

• 𝑴𝒂𝒕𝒉𝒆𝒎𝒂𝒕𝒊𝒄𝒂𝒍 𝑹𝒆𝒂𝒔𝒐𝒏𝒊𝒏𝒈
• 𝑹𝒆𝒂𝒔𝒐𝒏𝒊𝒏𝒈 𝑻𝒉𝒓𝒐𝒖𝒈𝒉 𝑳𝒂𝒏𝒈𝒖𝒂𝒈𝒆 𝑨𝒓𝒕𝒔
• 𝑺𝒐𝒄𝒊𝒂𝒍 𝑺𝒕𝒖𝒅𝒊𝒆𝒔
• 𝑺𝒄𝒊𝒆𝒏𝒄𝒆
ဆိုတဲ့ ဘာသာရပ် (၄)ခုကိုလေ့လာသင်ကြားရမှာဖြစ်ပါတယ်။

✅ GED Test ကိုဘယ်လိုသူတွေဖြေဆိုနိုင်လဲ ???

အသက် ၁၈ နှစ်နှင့်အထက် မည်သူမဆိုဝင်ရောက်ဖြေဆိုနိုင်ပါသည်။ သို့သော် (၁၆)နှစ် ပြည့်ပြီး (၁၈)နှစ် မပြည့်သေးသူများဆိုလျှင် Parent Consent Form ကို ဖြေဆိုမည့်ကျောင်းသား နှင့် မိဘ အုပ်ထိန်းသူ တို့မှ လက်မှတ်ထိုးပြီး ဖြေဆိုမည့် ကျောင်းသားကိုယ်တိုင် GED သို့ မေးလ် ပို့ပြီး Approval Request လုပ်ရပါ တယ်။


✅ GED Test ကိုဘယ်လိုဖြေဆိုရမလဲ ???

GED Tesst ကို အလွယ်တကူ Online Testing ဖြင့်ဖြေဆိုနိုင်ပြီး GED ရဲ့ Official Website ဖြစ်သည့် ged.com တွင် မိမိဖြေဆိုလိုသော နေ့ရက်ကို ကြိုတင်ပြီးစာရင်းပေးသွင်းရမည်ဖြစ်ပါသည်။ ဘာသာရပ်အား လုံးကို တစ်ပြိုင်ထဲဖြေဆိုစရာမလိုဘဲ ဘာသာရပ်တစ်ခုချင်းစီဖြေဆိုရမည်ဖြစ်ပါသည်။ စာမေးပွဲကြေးမှာ တစ်ဘာသာ US$ 80 ပေးသွင်းရမှာဖြစ်ပြီး ဖြေဆိုအာင်မြင်ပါက Transcript နှင့် Diploma ရရှိမှာဖြစ်ပါ တယ်။

✅ GED အောင်မှတ် ကိုဘယ်လိုသတ်မှတ်ထားသလဲ ???

အောင်မှတ်သည် တစ်ဘာသာ စုစုပေါင်း 200 မှတ် တွင် 145 မှတ် ရမှအောင်မြင်မည်ဖြစ်ပါသည်။ အသေးစိတ်မှာ 145 (passing score) , 165-174 (College Ready ) and 175-200 ( College Ready + Credit) ဖြစ်ပါတယ်။ GED Test ကိုတစ်ကြိမ်ဖြင့် မအောင် မြင်ခဲ့ပါက အချိန်ကြာကြာထပ်စောင့်စရာမလိုဘဲ ပြန်လည်ဖြေဆိုနိုင်ခွင့် ရရှိပါမည်။

✅ GED ဖြေဆိုအောင်မြင်ပြီးရင်ရော???

GED ဖြေဆိုအောင်မြင်ပြီးရင် အမေရိကန်၊ ကနေဒါ၊ အင်္ဂလန်၊ စင်ကာပူ၊ ထိုင်း၊ နယူးဇီလန် စသည်ဖြင့် နိုင်ငံတကာတက္ကသိုလ်ကြီးများတွင် ဆက်လက်ပညာသင်ယူနိုင်ရန် လျှောက်ထားနိုင်ပါသည်။