MAB Mobile

System Maintenance များပြုလုပ်ပြီးစီးပြီးဖြစ်ပါသဖြင့် MAB Mobile ဝန်ဆောင်မှုများကို ပြန်လည်အသုံးပြုနိုင်ပြီဖြစ်ပါကြောင်း လေးစားစွာ အသိပေးအကြောင်းကြားအပ်ပါသည်။

Dear MAB Mobile Customers,
We would like to inform you that our MAB Mobile services are now available as usual.

မိုဘိုင်းလ်ဖုန်းထဲက ကျွနု်ပ်ဘဏ်

"သန္ဓေ၊ တောထွက်၊ ဓမ္မစက်၊ တချက်ပြာဋိဟာ" ဆိုတဲ့အတိုင်း ဒီနေ့ဟာ ဗုဒ္ဓဘာသာဝင်တို့ အလေးအမြတ်ထားရာ ဝါဆိုလပြည့်အခါသမယ ဖြစ်ပါတယ်။

ဂေါတမ မြတ်စွာဘုရှားရှင် ကိုယ်တော်မြတ်ကြီးက မဟာသက္ကရာဇ် ၁၀၃ ခု၊ ဝါဆိုလပြည့်၊ နေဝင်လထွက်အချိန်၊ မိဂဒါဝုန်တောမှာ ပဉ္စဝဂ္ဂီငါးဦးကို ဓမ္မစကြာတရားတော် စတင်ဟောကြားတော်မူခဲ့တဲ့အတွက် ဝါဆိုလပြည့်နေ့ကို ဓမ္မစကြာအခါတော်နေ့လို့ မည်မှတ်ခေါ်တွင်ကြပါတယ်။ ဒါ့အပြင် ဘုရားလောင်းတော် သိဒ္ဓတ္တမင်းသား ပဋိသန္ဓေ နေတော်မူသောနေ့၊ တောထွက်တော်မူသောနေ့၊ ရေမီးအစုံစုံတို့ဖြင့် တန်ခိုးပြာဋိဟာကို ပြသတော်မူသောနေ့၊ ဘုရားအဖြစ်ကို ဝန်ခံတော်မူပြီး ဘုရားရတနာ၊ တရားရတနာ၊ သံဃာရတနာ စတဲ့ ရတနာမြတ်သုံးပါး စတင်ပေါ်ပေါက်ရာနေ့၊ ပုထုဇဉ်ခရီးမှ အရိယာခရီးသို့ စတင်ကူးပြောင်းခွင့်ကြုံသောနေ့၊ ဧဟိဘိက္ခု ဟူသောစကားကို စတင်ကြားခွင့်ရသောနေ့လဲ ဖြစ်လို့ ဗုဒ္ဓဘာသာဝင်များအတွက် အင်မတန် ထူးခြားလေးနက်တဲ့ ဘာသာရေး အထိမ်းအမှတ်နေ့ ဖြစ်ပါတယ်။

ဒါကြောင့် အခုလို မင်္ဂလာအပေါင်းနဲ့ ပြည့်စုံပြီး ထူးမြတ်လှတဲ့ ဝါဆိုလပြည့်အခါသမယမှာ မြန်မာနိုင်ငံသူ နိုင်ငံသားများအားလုံး ဘေးဘယာကင်းကွာပြီး စိတ်ချမ်းသာ ကိုယ်ကျန်းမာကြပါစေကြောင်း မြန်မာ့ရှေ့ဆောင်ဘဏ် (MAB) မှ ဆုမွန်ကောင်းတောင်းလိုက်ပါတယ်။

ကုသိုလ်ဘာဝနာများ ပွားများပြီး အလှူရေစက် လက်နဲ့မကွာ စိတ်အလိုရှိတိုင်း လှူနိုင်၊ တန်းနိုင်၊ ကုသိုလ်ပြုနိုင်ကြပါစေ။