Zenith Store

အားလုံးစျေးတက်နေပေမဲ့ ZENITHSTORE ကအရင်စျေးအတိုင်းမတက်ပဲရောင်းပေးနေပါတယ်။Payday မှာမြန်မြန်လာဝယ်ထားကျနော်။

ဆီကြော်နဲ့ကျန်းမာရေး
_______________

ထမင်းစားတဲ့အခါ အကြော်လေးတစ်ခွက်၊ ဆီပြန်လေးတစ်ခွက်၊ အရည်ဟင်းလေး၊ ငပိရည်၊တို့စရာလေးနဲ့မှ ခံတွင်းမြိန်တယ်ဟုတ်။ တစ်ခါတလေ ဘာစားရမှန်းမသလို့ ငါးလေးပဲကြွပ်ကြွပ်ကြော်စားလိုက်တယ်၊ ကြက်သားလေးပဲကြော်စားလိုက်တယ်ဆိုတာမျိုးတွေရှိတယ်ဟုတ်။ မုန့်ဟင်းခါးစားစား၊ အသုပ်စားစား အကြော်လေးထည့်စားရမှာ ခံတွင်းတွေ့တဲ့သူတွေရှိနေတယ်မို့လား။ ဒါဆိုရင်တော့ ဆီကြော်တွေအကြောင်းနည်းနည်းလောက်ပြောကြရအောင်နော်။

လူတော်တော်များများကကြော်ထားတဲ့အရာတွေကို စားသုံးရတာ ခံတွင်းတွေ့ကြပါတယ်။ အာလူးချောင်းကြော်၊ ကြက်ကြော်၊ ငါးကြော်၊ အသားကြော်တွေ အပြင် အမျိုးမျိုးသော အကြော်တွေကို ခံတွင်းတွေ့စွာနဲ့ စားသုံးကြပါတယ်။ကြော်ထားတာတွေက တာရှည်ခံသလို စားသုံးရတာလည်း အဆင်ပြေ အရသာတွေ့တာကြောင့် ဆီကြော်တွေစားသုံးမှုက တစ်နေ့တခြားစားသုံးမှုများလာခဲ့ပါတယ်။ တကယ်တော့ ဆီနဲ့ကြော်ထားတဲ့ အစားအစာတွေက ကယ်လ်လိုရီပါဝင်မှုများသလို အသွင်ပြောင်းအဆီတွေပါဝင်မှုလည်းတော်တော်လေးများပါတယ်။ ဒါကြောင့်ဆီကြော်အစားအစာတွေကို စားမယ်ဆိုရင် ကျန်းမာရေးအပေါ်မှာ ထိခိုက်နိုင်တဲ့ အတိုင်းအတာကတော်တော်လေးများပါတယ်။

မနက်စာကနေစလို့ ညအိပ်ရာမဝင်ခင်အထိ စားသုံးလိုက်တဲ့ အစားအစာတွေထဲမှာ ဆီနဲ့ကြော်ထားတဲ့အစားအစာတွေက မပါမဖြစ်ပါဘဲ။ ဒီအစားအစာတွေက အစာခြေစနစ်အပါအဝင် ခန္ဓာကိုယ်တစ်ခုလုံးကို ထိခိုက်စေနေတာပါ။ ဆီကြော်ဆိုလို့ မနက်စာစားလေ့ရှိတဲ့ စမူဆာ၊ ပလာတာ၊ အီကြာကွေးတွေတင်မဟုတ်ပါဘူးနော်။ မုန့်ဟင်းခါးတွေ၊အသုပ်တွေထဲမှာ ထည့်စားလေ့ရှိတဲ့ အကြော်တွေ၊ အကြော်စုံ၊နေ့ခင်စားအဖြစ်စားတတ်တဲ့ ကြက်ကြော်၊ငါးကြော်တွေနဲ့ ဆီနဲ့ကြွပ်ကြွပ်ကြော်ထားတဲ့ အစားအစာတွေ၊ အသင့်စားအာလူးကြော်တွေ၊ ငါးမုန့်ကြော်တွေမှာလည်းပြည့်ဝဆီတွေပါဝင်နေတာကြောင့် ခန္ဓာကိုယ်အတွက် မကောင်းတာကတော့ အမှန်ပါပဲ။ ဒါကြောင့် အကောင်းဆုံးသောနည်းလမ်းကနေ့စဉ်စားသုံးတဲ့ အစားအစာတွေထဲမှာ ဆီကြော်တွေစားသုံးမှုကိုလျှော့စားဖို့ပြောပါရစေ။

ဆီကြော်တွေစားသုံးတဲ့အခါဖြစ်လာနိုင်တဲ့အကျိုးဆက်များ
လေ့လာမှုတွေအရ ဆီကြော်တွေစားသုံးမှုက နာတာရှည်ရောဂါတွေဖြစ်လာစေနိုင်ခြေပုံမှန်ထက်ပိုများနေတယ်လို့တွေ့ရှိခဲ့ရပါတယ်။ ဆီကြော်တွေစားသုံးမှုကြောင့် ဒီရောဂါတွေခံစားရနိုင်ပါတယ်။

နှလုံးရောဂါ

ဆီကြော်စာတွေ စားသုံးမှုကသွေးပေါင်ချိန်ကို တက်စေနိုင်ပြီးသွေးတွင်းက အကျိုးပြုကိုလက်စထရောတွေကို ကျဆင်းစေနိုင်ပါတယ်။ ဒီအခြေအနေက နှလုံးရောဂါဖြစ်စေဖို့အတွက် အကောင်းဆုံးတွန်းအားပေးနေတာပါ။ တစ်ပတ်မှာ ဆီကြော်ကို တစ်ကြိမ်ထက်ပိုစားသူတွေက နှလုံးရောဂါဖြစ်နိုင်ခြေက ပုံမှန်ထက် ၄၈ ရာခိုင်နှုန်းပိုများနေပါတယ်။ ဒါကြောင့် အကောင်းဆုံးက ဆီကြော်ကို တစ်လမှာ ၁ ကြိမ်ကနေ ၃ ကြိမ်ပဲစားပေးပါ။ ဒါကြောင့် ဆီကြော်တွေအစား ကင်စားတာဖြစ်ဖြစ်၊ပြုတ်စားတာဖြစ်ဖြစ်ပြင်ဆင်စားသုံးပေးပါ။ ဆီကြော်မုန့်တွေက ရုတ်တရက် နှလုံးရပ်နိုင်ခြေကိုလည်း ပိုများစေနိုင်ပါတယ်။

အမျိုးအစား (၂) ဆီးချို
လေ့လာမှုတွေအရ ဆီကြော်စားသုံးမှုတွေက အမျိုးအစား (၂) ဆီးချိုရောဂါဖြစ်နိုင်ခြေကို တိုးစေနိုင်တယ်၊လို့တွေ့ရှိခဲ့ရပါတယ်။ တစ်ပတ်ကို ၂ ကြိမ်ထက်ပိုပြီး ဆီကြော်စားသုံးမှုက အင်ဆူလင်မတိုးခြင်းကိုပိုမိုခံစားရနိုင်ပါတယ်။ တစ်ပတ်ကို ဆီကြော်တွေ ၄ ကြိမ် ကနေ ၆ ကြိမ်အထိစားသုံးတဲ့သူတွေက ပုံမှန်ထက် အမျိုးအစား (၂) ဆီးချိုရောဂါခံစားရနိုင်ခြေပိုများပါတယ်။

အဝလွန်

ကြော်ထားတဲ့ အစားအစာတွေက အခြားအစားအစာတွေထက် ကယ်လ်လိုရီပါဝင်မှုပိုများပါတယ်။ ဒါကြောင့်ဆီကြော်တွေ အများကြီးစားမယ်ဆိုရင် ကယ်လ်လိုရီတွေပိုတိုးလာမယ်ဆိုတာပြောနေစရာတောင်မလိုအောင်ပါပဲ။ ကယ်လ်လိုရီပါဝင်မှုများတဲ့ အစားအစာတွေစားသုံးတာ၊ အသွင်ပြောင်းအဆီတွေစားသုံးတာက ဗိုက်အဆီတက်စေနိုင်သလို ကိုယ်အလေးချိန်လည်းတက်လာစေနိုင်ပါတယ်။နေ့စဉ်စားသုံးမှုမှာ ဆီကြော်တွေပါဝင်နေမယ်ဆိုရင်တော့ ပုံမှန်ကိုယ်အလေးချိန်ထက်တိုးလို့ အဝလွန်လာမယ်ဆိုတာပြောနေစရာတောင်မလိုအောင်ပါပဲနော်။

ဒါကြောင့် အခုချိန်ကစလို့ ဆီကြော်တွေစားသုံးမှုကို တတ်နိုင်သမျှလျှော့ချပြီး ကိုယ့်ရဲ့ ကျန်းမာရေးကို ဂရုစိုက်ဖို့ပြောပါရစေနော်။

Crd_FB

Novo is arrived now.