The Rise Myanmar

ဆပ်ပြာလှလှလေးတွေဗျို့..
အိမ်က မိသားစုလဲ ဖောဖောသီသီ သုံးလို့ရ ၊ ဓာတုလျော့နည်း ဆပ်ပြာခဲလေးတွေမို့ ဈေးကွက်ထဲလဲ မိတ်ဆက်ရောင်းနိုင်တဲ့ တို့သူရဲကောင်းတွေရဲ့ ဖန်တီးမှုလေးတွေပါ.. တစ်ဦးချင်းစီ၏ Productivity များ တိုးမြှင့်နိုင်ဖို့၊ မိသားစု စုပေါင်းဆောင်ရွက်ခြင်းဖြင့် ပျော်ရွှင်ကြစေဖို့၊ ဝင်ငွေရ တနိုင်တပိုင်လုပ်ငန်းများ တည်ထောင်နိုင်ဖို့ ဆိုတဲ့ ရည်ရွယ်ချက်များနဲ့ ဆပ်ပြာထုတ်လုပ်နည်းသင်တန်းများကို The Rise Myanmar Team ဆောင်ရွက်ပေးလျက်ရှိရာ ခုဆို ဒုတိယအပတ်စဉ်ကို ဖွင့်လှစ်ပေးနိုင်ခဲ့ပြီ ဖြစ်ပါတယ်..

အပတ်စဉ် ၂ သင်တန်းကို မေလ ၂၀-၂၁ ရက်နေ့များမှာ ဆောင်ရွက်ခဲ့ပြီး သင်တန်းသား ၁၆ ဦး ပါဝင်တက်ရောက်ခဲ့ပါတယ်.. သင်တန်းသားများအတွက် ကုန်ကြမ်းပစ္စည်းများနဲ့ သင်ထောက်ကူကိရိယာများ (စုစုပေါင်း ၉၉၄,၄၇၅ ကျပ် တန်ဖိုးခန့်) ပံ့ပိုးပေးနိုင်ခဲ့ပါတယ်.. သင်ကြားပေးခဲ့တဲ့ ဘာသာရပ်များကတော့ ဘက်စုံသုံးဆပ်ပြာဆီလုပ်နည်း ၊ ခေါင်းလျှော်ရည်လုပ်နည်း၊ ရေချိုးဆပ်ပြာရည်လုပ်နည်းနဲ့ ဆပ်ပြာခဲလုပ်နည်း ဘာသာရပ်များပဲဖြစ်ပါတယ်..

နေပူပူ ၊ မီးမလာတဲ့ကြားက မပျက်မကွက် ပါဝင်တက်ရောက်ပြီး တက်တက်ကြွကြွ လက်တွေ့လိုက်လုပ်ခဲ့တဲ့ သင်တန်းသူသင်တန်းသားများ၊ ပြည်သူမှပြည်သူသို့ ရန်ပုံငွေပံ့ပိုးပေးခဲ့ကြသူများ၊ အထူးအားဖြင့် ကုန်ကြမ်းပစ္စည်းများ ဝယ်ယူခြင်းမှအစ စိတ်ရှည်လက်ရှည် သင်ကြားပြပေးတဲ့ The Rise Myanmar Team ရဲ့ သင်တန်းနည်းပြဆရာအား Team တစ်ခုလုံးက ကျေးဇူးများစွာ တင်ရှိလျက်..

ချစ်ခြင်းများစွာဖြင့်
Rising Myanmar Together