Flora Hsu

9001 QMS Training

🍇 Modified Atmosphere Packaging (MAP) သည် ထုပ်ပိုးမှုတွင်ပါရှိသော ​လေ/ဓာတ်ငွေ့များကို ပြုပြင်မွမ်းမံခြင်းဖြင့် ပုပ်သိုးပျက်စီးနိုင်သော ထုတ်ကုန်များကို ထိန်းသိမ်းရန် အစားအသောက်လုပ်ငန်းတွင် အသုံးပြုသည့် ထုတ်ပိုးနည်းလမ်းတစ်ခုဖြစ်သည်။

🍗 MAP👉Extending shelf-life👌
မူလရည်မှန်းချက်မှာ ပျက်စီးယိုယွင်းမှုကို နှေးကွေးစေပြီး သိုလှောင်မှုသက်တမ်းကို သက်တမ်းတိုးစေသည့် အကောင်းဆုံးသောလေထုကို ဖန်တီးရန်ဖြစ်သည်။

🥕 MAP တွင် ထုတ်ပိုးမှုအတွင်း အောက်ဆီဂျင်၊ ကာဗွန်ဒိုင်အောက်ဆိုဒ်နှင့် နိုက်ထရိုဂျင်အဆင့်ကို ချိန်ညှိခြင်း/အစားထိုးခြင်းတို့ ပါဝင်ပါသည်။

🍓 ၎င်းသည် ရောဂါပိုးမွှားများ ကြီးထွားမှုကို နှေးကွေးစေပြီး ယိုယွင်းပျက်စီးမှုကို နှောင့်နှေးစေကာ ထုတ်ကုန်အရည်အသွေးကို ထိန်းသိမ်းရန် ကူညီပေးသည်။

🥪 ထုပ်ပိုးထားသည့် အစားအစာ အမျိုးအစားပေါ် မူတည်၍ တိကျ​သောဓာတ်ငွေ့ ရောစပ်မှုကို ​ဖော်​ဆောင်ရသည်။

🍤 MAP တွင် သက်တမ်းရှည်ကြာ​စေခြင်း၊ ဓာတ်တိုးမှုကို လျှော့ချနိုင်ခြင်း၊ အရောင်ထိန်းသိမ်းခြင်း နှင့် ကြာရှည်ခံပစ္စည်းများ လိုအပ်မှု လျော့နည်း​စေခြင်းတို့အပါအဝင် အကျိုးကျေးဇူးများစွာရှိသည်။

🥦 လတ်ဆတ်သော သစ်သီးများ၊ ဟင်းသီးဟင်းရွက်များ၊ အသားများ၊ ပင်လယ်စာများနှင့် မုန့်ဖုတ်ပစ္စည်းများ၊ နို့ထွက်ပစ္စည်းများ စသည် အမျိုးမျိုးသော အစားအသောက်ထုတ်ကုန်များကို ထုပ်ပိုးရာတွင် အသုံးများသည်။

🦠Pathogens များသည် အစားအစာ အမျိုးအစားများစွာတွင် ရှိနေနိုင်ပြီး အစာကြောင့်ဖြစ်သော ရောဂါများကို ဖြစ်စေနိုင်သည်။ အစားအစာတွေမှာ တွေ့ရများတဲ့ pathogens ၁၀မျိုး မှာ👇

1. Salmonella- ဤဘက်တီးရီးယားကို ကြက်၊ ဥများ၊ သစ်သီးဝလံများ၊ ဟင်းသီးဟင်းရွက်စိမ်းများနှင့် နို့ထွက်ပစ္စည်းများ အပါအဝင် အစားအစာ အမျိုးအစားများစွာတွင် တွေ့ရှိနိုင်သည်။

2. Listeria monocytogenes- ဤဘက်တီးရီးယားကို ချိစ်ပျော့များ၊ deli meats (ဥပမာ-ဝက်အူ​ချောင်း) နှင့် နို့စိမ်းများတွင် တွေ့ရှိနိုင်သည်။ အထူးသဖြင့် ကိုယ်ဝန်ဆောင်မိခင်များ၊ မွေးကင်းစကလေးငယ်များနှင့် ခုခံအားစနစ်အားနည်းနေသူများတွင် ပြင်းထန်သောရောဂါကို ဖြစ်စေနိုင်သည်။

3. Escherichia coli (E. coli)- E. coli ၏အချို့သောမျိုးကွဲများသည် အစာကြောင့်ဖြစ်သောရောဂါကိုဖြစ်စေနိုင်ပြီး မကျက်သေးသောအမဲသား၊ ဟင်းသီးဟင်းရွက်စိမ်းများနှင့် ပိုးသတ်မထားသောနို့ထွက်ပစ္စည်းများတွင် တွေ့ရှိနိုင်သည်။

4. Campylobacter- ဤဘက်တီးရီးယားကို ကြက်၊ နို့စိမ်းနှင့် ညစ်ညမ်းသောရေများတွင် တွေ့ရများသည်။ ဝမ်းလျှောခြင်း၊ ကြွက်တက်ခြင်းနှင့် ဖျားခြင်းတို့ ဖြစ်စေနိုင်သည်။

5. Norovirus - ဤဗိုင်းရပ်စ်ကို ညစ်ညမ်းသောအစားအစာနှင့် ရေတွင်သာမက ရောဂါပိုးရှိသူနှင့် ထိတွေ့မိသော မျက်နှာပြင်များတွင်လည်း တွေ့ရှိနိုင်သည်။ အစာအိမ်ရောင်ရမ်းခြင်းကို ဖြစ်စေနိုင်ပြီး အလွန်ကူးစက်တတ်ပါသည်။

6. Clostridium botulinum- ဤဘက်တီးရီးယားသည် potent neurotoxin ကိုထုတ်ပေးပြီး မသင့်လျော်သော စည်သွတ်ဘူးများနှင့် အခြား preserved foods များတွင် တွေ့ရှိနိုင်သည်။

7. Vibrio vulnificus- ဤဘက်တီးရီးယားသည် အစိမ်း သို့မဟုတ် မကျက်သေးသော အခွံမာ​ရေသတ္တဝါ(ခရု၊ဂဏန်း၊ပုဇွန်) များတွင် တွေ့ရှိနိုင်ပြီး ၎င်းကို အစိမ်းလိုက်စားပါက သို့မဟုတ် မကျက်သေးပါက ရောဂါပိုးဝင်နိုင်သည်။

8. Shigella- ဤဘက်တီးရီးယားကို ညစ်ညမ်းသောရေ သို့မဟုတ် အစိမ်းနှင့်မကျက်သေးသော အခွံမာ​ရေသတ္တဝါများ၊ ထုတ်ကုန်များနှင့် နို့ထွက်ပစ္စည်းများကဲ့သို့သော အစားအစာများတွင် တွေ့ရှိနိုင်သည်။

9. Staphylococcus aureus- ဤဘက်တီးရီးယားသည် လူ့အရေပြားပေါ်တွင် တွေ့ရှိနိုင်ပြီး တစ်ကိုယ်ရေသန့်ရှင်းမှု ညံ့ဖျင်းခြင်းကြောင့် အစားအစာများကို ညစ်ညမ်းစေနိုင်သည်။ အော့အန်ခြင်းနှင့် ဝမ်းလျှောခြင်းကို ဖြစ်စေနိုင်သော အဆိပ်အတောက်များကို ထုတ်ပေးသည်။

10. Bacillus cereus- ဤဘက်တီးရီးယားကို ချက်ပြုတ်ပြီးအခန်းအပူချိန်တွင် အကြာကြီး သိမ်းထား​သော ထမင်း၊ ခေါက်ဆွဲနှင့် အခြား ကစီဓာတ်ရှိသော အစားအစာများတွင် ​တွေ့နိုင်သည်။ အော့အန်ခြင်းနှင့် ဝမ်းလျှောခြင်းကို ဖြစ်စေနိုင်သော အဆိပ်အတောက်များကို ထုတ်ပေးသည်။