Proximity Finance

မင်္ဂလာပါခင်ဗျာ... အားလုံးပဲ အခုကာလမှာ ဘေးကင်းအဆင်ပြေကြပါစေလို့ ကျွန်တော်တို့ ပရော်စီမီတီငွေကြေးဝန်ဆောင်မှုလုပ်ငန်းက ဆုတောင်းပေးနေပါတယ်။

ကျေးလက်နေမိသားစုတွေရဲ့ ငွေကြေးလိုအပ်ချက်တွေကို ကူညီပံ့ပိုးပေးဖို့က ကျွန်တော်တို့ Proximity Finance ရဲ့ အဓိက ရည်ရွယ်ချက်ဖြစ်ပါတယ်။ ဒါကြောင့် ကိုဗစ်ကာလအပါအဝင် တောင်သူအများ ငွေကြေးဆိုင်ရာ စိန်ခေါ်မှုတွေနဲ့ ရင်ဆိုင်နေရတဲ့ကာလတွေမှာ ပရော်စီမီတီအနေနဲ့ စိုက်ပျိုးရေးချေးငွေ၊ မွေးမြူရေးချေးငွေ၊ တစ်ဦးချင်းစိုက်ပျိုးရေးတိုးမြှင့်ချေးငွေ စသဖြင့် ချေးငွေအမျိုးမျိုး ဝန်ဆောင်မှုပေးပြီး တောင်သူတွေရဲ့ ဘဏ္ဍာရေးအခက်အခဲကို တစ်စိတ်တစ်ပိုင်း ကူညီဖြေရှင်းပေးနိုင်ဖို့ အမြဲကြိုးစားလျက်ရှိပါတယ်။ ဒီနေ့မှာဆိုရင် ပရော်စီမီတီက ချေးငွေဝန်ဆောင်မှုပေးနေတဲ့ တောင်သူအသင်းသားပေါင်း ၂ သိန်းကျော်သွားပြီဖြစ်ပါတယ်။ ဒီလို တောင်သူအများအပြားကို ပံ့ပိုးခွင့်ရတဲ့အတွက်လည်း ကျွန်တော်တို့ ပရော်စီမီတီငွေကြေးဝန်ဆောင်မှုလုပ်ငန်းအနေနဲ့ အတိုင်းမသိ ဂုဏ်ယူရပါတယ်။ ဒါ့အပြင် ပရော်စီမီတီကို ယုံယုံကြည်ကြည်နဲ့ လက်တွဲလာတဲ့ အသင်းသား ၂ သိန်းကျော်ကိုလည်း အထူးကျေးဇူးတင်ရှိကြောင်း ပြောကြားလိုပါတယ်ခင်ဗျာ။

#ပရော်စီမီတီငွေကြေးဝန်ဆောင်မှုလုပ်ငန်း

မင်္ဂလာပါခင်ဗျာ... အခုဆိုရင် မိုးလေကင်းလွတ်ပြီး ကောက်ရိတ်သိမ်းချိန်လည်းဖြစ်၊ 🎇 မီးရှူးမီးတိုင်တွေ ဖောက်လွှတ်ပြီး ပွဲတော်တွေ ခမ်းခမ်းနားနား ကျင်းပနေကျလည်းဖြစ်တဲ့ တန်ဆောင်တိုင်ကာလကိုတောင် ရောက်ရှိလို့ လာပြန်ပါပြီနော်။ ဒီနှစ်မှာတော့ ပွဲလမ်းသဘင်တွေ မရှိပေမယ့် ချစ်ရတဲ့မိသားစုတွေနဲ့အတူ ဘေးအန္တရာယ်ကင်းဝေးစွာ ဖြတ်သန်းနိုင်တဲ့ ပျော်ရွှင်ချမ်းမြေ့ဖွယ် လတန်ဆောင်တိုင်ဖြစ်ပါစေလို့ ဒီနေ့ကျရောက်တဲ့ တန်ဆောင်မုန်းလပြည့်နေ့ 🌕အခါသမယလေးမှာ ကျွန်တော်တို့ ပရော်စီမီတီငွေကြေးဝန်ဆောင်မှုလုပ်ငန်းက ဆုမွန်ကောင်းတောင်းပေးလိုက်ပါတယ်ခင်ဗျာ။ 🙏

#ပရော်စီမီတီငွေကြေးဝန်ဆောင်မှုလုပ်ငန်း