Laileng Media

Bawipa in a huatmi
thil paruk a um,
A fihmi thil pasarih a um.
Puarthau mithmai,
Thuphanpertu lei,
Misual lo a thattu k*t,
Sualralnak lawng khuakhangtu
thinlung,
Thilsual tuah dingah a khul a rangtu ke,
Thuphan per tahrat in
thu theihpitu sinak,
Unau pawl lakih harsatnak
a suahpi ṭheutu pa,
Hi pawl hi Bawipa ih fihmi an si.

Thufim: 6:16-19

Na khawruahnak a fehsual hnu cun a dik lo mi khal a dik tin na hmu ding.

Na khawruahnak a fehsual hnu cun na thlankhur na laih hmanah suikhur lai vekah na ruat aw ding.

Na khawruahnak a fehsual hnu cun mualphonak khal hminthatnak tin na hmu ding.

Na khawruahnak a fehsual hnu cun thudik reltupawl cu ral ah na ruat ding.

Na khawruahnak a fehsual cun thil dik lo na tuah mi kha nomnak phunkhat ah na ruat ding.

Khawruahnak fehsual zo pawl cun a dik lo mi hi a dik tin an hmu theu a si.

Crd.......

Thlipi/Thlisia MOCHA ih dinhmun

Nikhuatahnak zung lamin an than dan vekin Extremely Severe Cyclonic Storm "MOCHA" (Mukha) cun a hoinak kel hoiin a feh vivo lai. 14.5.2023 sun ah Very Severe Cyclonic Storm "MOCHA" cu Rakhine khawmual ah a lut ding. Rakhine khqwpi Sittwe le Kyaukpyu hi a tuartu ding bik an si. Cun Chin ramkulh le Sagaing ramthen ah Severe Cyclonic Storm "MOCHA" dinhmun in a lut peh ding.

Tuini 13.5.2023 ihsin 15.2.2023 sungah thlisia/thlipi a hrang thei. Rakhine ahcun n**i pakhat ah peng 100 in peng 110 ih cakin a hran zum a siih, Chin ramkulh, Sagaing ramthen le ramthen dangdang ah n**i pakhat ah peng 40 in peng 60 tiangih cakin a hrang thei ti a si.

Thlipi MOCHA ih dinhmun hi khawmual a then hlanah siseh, thlen hnuah siseh, tha nem deuh lole, tha khoh deuh tivekin danglam thei cu a si hrih lai. Tui dinhmun ahcun Thlipi in a nuainak ding hmun pawl lakah Chin ramkulh le Sagaing ramthen a tel ve ruangah laitlang lairawn ih um Chinmipawl kan ralring cio kei uh.

Inn kiangah thingkung kiak awl a um asile hau cia sehla, inn tlun ih retmi solar tivek khal hnget deuh in tawnhrem sehla a tha ding. Nauhak lengvak ter lo sehla sungkua kim in innsung ah umkhawm tum uh si.

Venghnen hrangih hnoksak Ar, Uico le Zawhte

Ar na vulh asile, na ar kha mi hmuan ah tlang ter rero hlah. Na hmuan sungah khum aw. Na ar ruangah na venghnen thlaihnah cing thiam lo in an um theu ti kha thei aw.

Ui na vulh a si khale na inn ah khum khiokhi aw. Na ui cu a vaktawi ih mi kotka ah ek a thawh vivo tikah mi hnok sak a si.

Zawhte na vulh khale rawl khop zet in pe awla mi rawlhmeh ru lo dingin tuah aw.

Na ar, na ui, na zawhte hi khawtlang venghnen hrangah hnoksak si lo dingin tuanvo la ngam aw.