Heffey cosmetic
Share
29/10/2023
၂၉. ၁၀. ၂၀၂၃ (တနင်္ဂနွေနေ့)
သီတင်းကျွတ်လပြည့်နေ့
" ဒိဝါ တပတိ ဂါထာ "
သီတင်းကျွတ်လပြည့် မဟာပဝါရဏာနေ့မှာ
ဘုရားဟောခဲ့တဲ့ ဂါထာဖြစ်ပါတယ်။
တစ်ခုသော သီတင်းကျွတ်လပြည့်နေ့ရဲ့
ညနေ နေဝင်ဆည်းဆာ အနေအထားမှာ
နေမင်းကြီးကလည်း အဝင်၊
လမင်းကြီးကလည်း အတက်၊
ဒီလိုအနေအထားလေးမှာ
ပသေနဒီကောသလမင်းကြီးကလည်း
မင်းမြှောက်တန်ဆာများ ဝတ်ဆင်လျှက်
ဘုရားဖူးဖို့ ရောက်လာပါတယ်။
အရှင်ကာဠုဒါယီဆိုတဲ့
ရဟန္တာအရှင်မြတ်ကြီးကလည်း
ပရိသတ်ရဲ့အစွန်ဖျားမှာ စျာန်သမာပတ်ဝင်စားပြီး
ထိုင်နေတော်မူတယ်တဲ့။
ဒီအနေအထားကိုကြည့်ပြီး
အရှင်အာနန္ဒာက စဉ်းစားတယ်။
သြော် နေမင်းဟာ နေ့အခါမှာပဲ တင့်တယ်တောက်ပတယ်။
လမင်းဟာ ညအခါမွာပဲ တင့်တယ်တယ်။
ရှင်ဘုရင်ကလည်း မင်းမြှောက်တန်ဆာတွေ
ဆင်မြန်းထားမှ တင့်တယ်တယ်။
ရဟန္တာအရှင်မြတ်ကလည်း စျာန်ဝင်စားနေမှ
တင့်တယ်တယ် လို့ တွေးမိပါတယ်။
အဲဒီအတွေးကိုပဲ
မြတ်စွာဘုရားကို လျှောက်တဲ့အခါမှာ
မြတ်စွာဘုရားက...
အရှင်အာနန္ဒာရဲ့စကားကို ထောက်ခံတဲ့အနေနဲ့
ဒိဝါ တပတိဂါထာကို မိန့်တော်မူခဲ့တာ ဖြစ်ပါတယ်။
မြတ်စွာဘုရားက .... မှန်တာပေါ့ အာနန္ဒာ ..
နေမင်းဟာ နေ့အခါပဲ တင့်တယ်တယ်။ ထွန်းလင်းတောက်ပနိုင်တယ်။
ညရောက်ရင် သွားလမ်းတောင်
မထင်ရှားတော့ဘူး။
လမင်းဟာလည်း
ဆီးနှင်း မြူ တိမ် သူရိန် အခိုး ဆိုတဲ့
အတားအဆီးမရှိတဲ့ ညမှာပဲ
တင့်တယ်တောက်ပနိုင်တယ်။
ပြည့်ရှင်မင်းဟာလည်း
မင်းမြှောက်တန်ဆာတွေ ဝတ်ဆင်ထားပြီး
စစ်တပ်ကြီးက ခြံရံထားမှ တင့်တယ်တယ်။
မထင်မရှားနေရင် မတင့်တယ်ဘူး။
ရဟန္တာကလည်း
ဆိတ်ငြိမ်ရာအရပ်မှာ စျာန်သမာပတ်
ဝင်စားနေမှ တင့်တယ်တယ်။
ဘုရားရှင်ကတော့ တန်ခိုးငါးမျိုးနဲ့ နေ့နေညည
အခါခပ်သိမ်း တင့်တယ်တော်မူတယ်။
ထင်ရှားတော်မူတယ်လို့ မိန့်တော်မူပါတယ်။
ဒီနေရာမှာ ဘုရားရှင်က ဘာကြောင့် နေ့နေ့ညည အခါခပ်သိမ်း တင့်တယ်ရသလဲဆိုတော့ တန်ခိုးငါးမျိုးကြောင့်ပါတဲ့။
ဒါဟာ ဘုရားရှင်က ဂိုက်လိုင်းပေးတာ
ကျင့်ရမယ့်လမ်းစဉ်ကို ချပြတာ ဖြစ်ပါတယ်။
သူတော်ကောင်းတို့လည်း
နေ့နေ့ညည တင့်တယ်ချင်တယ်ဆိုရင်
ဒီတန်ခိုး ငါးမျိုးနဲ့ပြည့်စုံအောင် နေကြလို့
ပြောတာပဲ ဖြစ်ပါတယ်။
တန်ခိုးငါးမျိုးက ဘာတွေလဲဆိုတော့
၁။ သီလေတဇ -သီလတန်ခိုး
၂။ ဂုဏေတဇ -ဂုဏ်သိက္ခာတန်ခိုး
၃။ ပုညေတဇ -ကုသိုလ်ကောင်းမှုတန်ခိုး
၄။ ပညာတေဇ -ပညာတန်ခိုး
၅။ ဓမ္မတေဇ -တရားရဲ့တန်ခိုး
ဒီတန်ခိုး ငါးမျိုးကြောင့်ပဲ
ဘုရားရှင်ဟာ နေ့နေ့ညည
တင့်တယ်တော်မူပါတယ်။
မိမိတို့လည်း နေ့နေ့ညည တင့်တယ်ချင်တယ်
ထင်ရှားကျော်ကြားချင်တယ်ဆိုရင်
ဒီကျင့်စဉ်ငါးမျိုးကို လိုက်နာကျင့်သုံးရမှာပဲ
ဖြစ်ပါတယ်။
သီလလုံအောင် နေရမယ်။
ဂုဏ်သိက္ခာရှိအောင် နေရမယ်။
ကုသိုလ်ကောင်းမှုနဲ့ ပြည့်စုံအောင်နေရမယ်။
ပညာနဲ့ ပြည့်စုံအောင် နေရမယ်။
ဓမ္မနဲ့ပြည့်စုံအောင် နေရမယ်။
ဒီကျင့်စဉ်ကို နိုင်နင်းပြီဆိုရင်တော့
သူတော်ကောင်းတို့သည်လည်း
နေ့နေ့ညည တင့်တယ်သူတွေ
ထင်ပေါ်ကျော်ကြားသူတွေ
ဖြစ်နိုင်ကြမှာ ဖြစ်ပါတယ်။
#အရှင်တိက္ခဥာဏာလင်္ကာရ
#ကဝိဓမ္မဒါနမျှဝေသည်🙏🙏🙏
Credit ပါရှင်။
26/09/2023
#ရှယ်တန်သောPromotion
#14000နဲ့ နှစ်ဗူးလုံးယူ
Click here to claim your Sponsored Listing.
Contact the business
Telephone
Website
Address
Yangon
