GP-M9 Skm

တွေ့ဆုံမှု တွေက ပြဿနာ မဟုတ်ပဲ
မှတ်မိနေတာ တွေကပြဿနာပဲ ဖြစ်လိမ့်မယ် ။
ကိုယ့်ဆီကလူတစ်ယောက် ထွက်သွားတိုင်း ကိုယ်တစ်ယောက်တည်းပြန်ဖြစ်သွားတိုင်း အဲ့ဒီတုန်းက
အဖြစ်အပျက် အကြောင်းအရာတွေကအစ
ပြန်မှတ်မိနေတာဟာ ဆိုးတယ် ။ မလိုချင်ပဲ
ရလိုက်တဲ့ trauma ပဲ။ ကိုယ် အမြဲပြန်ပြန်ပြီး
မှတ်မိနေတယ် ။ ထပ်ပြီးမမှတ်မိချင်တော့တဲ့လူတွေနဲ့
အဲ့ဒီအကြောင်းအရာ အဖြစ်အပျက်တွေကိုလေ။

- ခက်နှောင်

အဲ့နေ့က သူ့မျက်ဝန်းတွေကို သေချာလေးငေးကြည့်ခဲ့ရတဲ့နေ့ကပေါ့ ကော့စင်းနေတဲ့မျက်တောင်ရှည်နဲ့ အညိုရောင်မျက်ဆံလေးနဲ့ ကောင်လေးကိုပေါ့ သူရဲ့ဆွဲဆောင်မှုရှိတဲ့ မျက်ခုံးလေးရယ် ဆေးလိပ်တွေသောက်နေပေမယ့်လည်းပန်းရောင်သန်းနေတဲ့ ပန်းဆီရောင်နှုတ်ခမ်းလေးရယ် ကိုယ့်ထက် အရပ်ခုနှစ်လက်မလောက် ပိုမြင့်ပြီး အသားဖြူဖြူလေးနဲ့ကောင်လေးကို သေချာလေးငေးကြည့်ခဲ့ရတဲ့ အချိန်ကပေါ့ ကိုယ်မတွေးမိခဲ့တာက တစ်နေ့အဲ့လူကိုလက်လွှတ်ရလိမ့်မယ်လို့ပေါ့ ကံအကြောင်းမလှခဲ့တော့ အချိန်တန် မခွဲခွာချင်လည်း ခွဲခွာရတာပဲနော် ။
ဒီစာကိုရေးတယ်ဆိုတာကလည်း မင်းကိုပြန်လိုချင်လို့ရယ်တော့မဟုတ်ပါဘူး မင်းလဲမင်းဘဝနဲ့မင်း နေသားကျနေပြီလို့ ကိုယ်သတင်းကြားမိပါတယ် ခုလက်ရှိသူကိုမင်းက သိပ်ချစ်တာလို့လဲ သတင်းသဲ့သဲ့ ကြားမိပါသေးတယ် အဆင်ပြေပြေရှိနေတယ်လို့သိရတော့ ကိုယ်ပြုံးမိလိုက်သေးတယ်
ဒီတိုင်းလေး တစ်ချိန်က ကိုယ်ပိုင်ဆိုင်ခဲ့ဖူးတဲ့တစ်စိမ်းကို သတိရမိယုံတင်ပါ...
သူငယ်ချင်းတွေနဲ့ဆုံတော့ မင်းအကြောင်းအမှတ်မထင်ပြောမိသေးတယ် ငါသူ့ကိုမုန်းတယ်လို့လေ သူငယ်ချင်းတစ်ယောက်က ထပြောတယ်သိလား နငိမုန်းနေတာမဟုတ်ဘူးတဲ့လေ နင်ခွင့်လွှတ်ဖို့ကြိုးစားရင်း သူ့ကိုစိတ်နာနေတာတဲ့
အင်း ဟုတ်မှာပါ ငါအတင်းမေ့ပစ်ဖို့ကြိုးစားရင်း မင်းကိုခွင့်လွှတ်ဖို့ကြိုးစားရင်း စိတ်နာသွားတာဟုတ်မှာပါနော်...