TAKA Japanese Language School

𝐓𝐫𝐚𝐢𝐧𝐢𝐧𝐠 𝐕𝐢𝐬𝐚 🆚 𝐓𝐨𝐤𝐮𝐭𝐞𝐢 𝐆𝐢𝐧𝐨𝐮 𝐕𝐢𝐬𝐚

Sakura မြေမှာအလုပ်လုပ်မယ့်အိမ်မက်အတွက် ဘယ်လို Visa ကိုရွေးချယ်ရမလဲစဉ်းစားရခက်နေတုန်းလား ❓

Visa နဲ့ပတ်သတ်လာရင် လေ့လာပြီး အဆင်ပြေမယ့်အရာကို ကိုယ်တိုင်ရွေးချယ်တာထက် ပိုကောင်းတဲ့ဆုံးဖြတ်ချက်မရှိပါဘူးနော်… 🙌🏻

ဒါကြောင့် ဒီနေ့မှာတော့ Training Visa နဲ့ Tokutei Visa နှစ်ခုဘယ်လိုကွာသလဲဆိုတာကို ထင်ထင်ရှားရှားမြင်သာအောင် နှိုင်းယှဉ်ပြောပြပေးသွားမှာပဲဖြစ်ပါတယ်။

▪️အတန်းပညာနဲ့ ဂျပန်စာအရည်အချင်း

Visa နှစ်မျိုးလုံးအတွက် အတန်းပညာမှာ အလယ်တန်း/ အထက်တန်းအဆင့်အောင်မြင်ထားရမှာဖြစ်ပြီး Training Visa အတွက်လိုအပ်တဲ့ ဂျပန်စာအရည်အချင်းကတော့ N4 အဆင့်အထိဆိုပေမယ့် အောင်လက်မှတ်အတိအကျတောင်းတာမျိုးမရှိပါဘူး။

ဒါပေမယ့် Tokutei မှာတော့ အနိမ့်ဆုံးအနေနဲ့ JLPT N4 သို့မဟုတ် JFT (A2) အောင်လက်မှတ်လိုကိုလိုမှာပါနော်။

▪️အသက်အရွယ်ကန့်သတ်မှုနဲ့ လိုအပ်ချက်

Training Visa အတွက် အသက်အရွယ်အပိုင်းအခြား 20 ကနေ 35 နှစ်အတွင်းရှိတဲ့ ကျန်းမာတဲ့လူငယ်၊လူလတ်ပိုင်းဖြစ်ရင်ရပြီဆိုပေမယ့်

Tokutei မှာတော့ အသက် 20 ကနေ 35 နှစ်အတွင်းဖြစ်ဖို့လိုအပ်တဲ့အပြင် ကိုယ်ရွေးချယ်မယ့်အလုပ်နဲ့ပတ်သတ်ပြီး လုပ်ငန်းခွင်ကျွမ်းကျင်မှုအောင်လက်မှတ်လိုတာကိုတော့ သတိချပ်စေချင်ပါတယ်။

▪️လုပ်ငန်းခွင်အမျိုးအစား

Training Visa မှာဆိုရင် လုပ်ငန်းခွင်အမျိုးအစားပေါင်း 144 မျိုးကျော်ရှိပေမယ့် Tokutei မှာတော့ အဆင့်လေးဆင့်ခွဲခြားထားပြီး လုပ်ငန်းအမျိုးအစား 14 ခုသာရှိပါတယ်။

▪️Visa သက်တမ်း

Training Visa နဲ့ Japan မှာအလုပ်လုပ်ရပြီဆိုရင် တရားဝင်အလုပ်လုပ်ခွင့်ကာလအနေနဲ့ 3 နှစ်သာရရှိမှာဖြစ်ပြီးတော့ လုပ်ငန်းရှင်သဘောအတိုင်း ထပ်တိုး 2နှစ်။ စုစုပေါင်း အများဆုံး 5 နှစ်ရရှိမှာဖြစ်ပါတယ်။

Tokutei နဲ့ရောက်ရှိလာပြီဆိုရင် (အဆင့် 1 အလုပ်များအနေနဲ့) တရားဝင်အလုပ်လုပ်ခွင့်ကာလ 5 နှစ်ဖြစ်ပြီး အဆင့် 2 လုပ်ငန်းခွင်များအတွက် ထပ်တိုးကာလ 5 နှစ် ထပ်မံရရှိနိုင်ဦးမှာပါ။

▪️အခြေခံလစာနဲ့ အကျိုးခံစားခွင့်

အခြေခံလစာအနေနဲ့ကတော့ Training Visa မှာဆိုရင် ယန်းငွေ 14 သောင်းကနေ 20 သောင်းဝန်းကျင်ဖြစ်ပြီး Bonus ထပ်မံပေးတာမျိုးမရှိဘဲ 3 နှစ်အတွင်း အဆင်မပြေဖြစ်ခဲ့ရင်လည်း ကုမ္ပဏီပြောင်းတာမျိုး လုံးဝလုပ်ခွင့်မရှိပါဘူး

Tokutei မှာတော့ အခြေခံလစာ ယန်းငွေ 17 သောင်းကနေ 22 သောင်းထိရရှိနိုင်ပြီးတော့ Bonus ထပ်မံရရှိခြင်း၊ ဂျပန်နိုင်ငံသားများနီးတူ အကျိုးခံစားခွင့်ရရှိခြင်းများအပြင် အလုပ်လုပ်နေတဲ့ကာလအတွင်း အဆင်မပြေမှုတစ်ခုခုကြောင့် ကုမ္ပဏီပြောင်းလဲလုပ်ကိုင်ချင်ရင်လည်း လွတ်လပ်စွာပြောင်းနိုင်မှာပါ 🙌🏻

▪️Agent ဝန်ဆောင်ခအပါအဝင် ကုန်ကျစရိတ်

Training Visa နဲ့သွားမယ်ဆိုရင် $2800 ဝန်းကျင်ကုန်ကျနိုင်ပြီး Tokutei ကတော့ $1500 ဝန်းကျင်သာ ကုန်ကျနိုင်ပါတယ်။

▪️ဘယ်လိုလူတွေက ဘယ် Visa ကိုရွေးချယ်သင့်လဲ

တကယ်လို့ ကိုယ်က ဂျပန်သွားဖို့အလျင်လိုတယ်ဆိုရင် လိုအပ်ချက်တွေသိပ်မများတဲ့ Training Visa ကိုရွေးချယ်နိုင်ပြီး အချိန်ပေးနိုင်တယ်ဆိုရင်တော့ Tokutei ကိုရွေးချယ်တာ ပိုသင့်တော်ပါလိမ့်မယ် ✨

ကဲ … ဒါဆို အမြဲရွေးချယ်ရခက်နေတဲ့ ဒီ Visa နှစ်ခုအကြောင်း ကွဲကွဲပြားပြားသိလောက်ပြီပေါ့နော်👀

👉🏻ဂျပန်မြေကိုအရောက်သွားဖို့အတွက် ထိရောက်စွာသင်ကြားပေးနိုင်မယ့် ဂျပန်စာသင်တန်းကျောင်းကိုရှာဖွေနေတယ်ဆိုရင်တော့ Taka က သင့်အတွက် အသင့်ရှိနေပါပြီ…

ဆက်သွယ်ရန်

📞09 785556296
📞09 783336296

လိပ်စာ🏠 - တိုက်အမှတ် 14/17, အခန်းအမှတ် B2, ကမာကြည်လမ်း, သင်္ကန်းကျွန်း။

"အသက် (30)ကျော်ရင် ဂျပန်သွားလို့ရလား ？"

ဒီမေးခွန်းလေးက အမေးများကြတဲ့မေးခွန်းလေးပါ။🤔

ပထမဆုံးအချက်အနေနဲ့ Japan Visa မှာ ဥပဒေအရအသက်အရွယ် ကန့်သတ်ထားတာမျိုးမရှိပါဘူး။

ဒါပေမယ့် ကျောင်းတက်ဖို့ သွားရောက်မယ့် Student Visa သမားတွေအတွက်ကတော့ အသက် 30 ကျော်သူတွေက ဂျပန်ဝင်ခွင့် Visa လျှောက်သည့်အခါနှင့် ကျောင်းပြီးလို့ အလုပ်ရှာတဲ့အခါမှာ အနည်းငယ်အခက်အခဲရှိနိုင်ပါတယ်။

အနည်းဆုံး တက္ကသိုလ်ဝင်တန်းအောင်မြင်ထားသူ၊ တက္ကသိုလ် တက်ရောက်လျှက်ရှိသူ စသည့် အသက် 20 နှစ်ဝန်းကျင်/နှင့် ဘွဲ့ရပြီးခါစ လူတွေအတွက် ဂျပန်စာလည်းရတယ်၊ ကျောင်းစရိတ်တွေလည်း ကုန်ကျခံနိုင်တယ်ဆိုရင်တော့ ကျောင်းသား Visaက အသင့်တော်ဆုံးပါပဲ

အလုပ်သင် သင်တန်းသားVisa/ ကျွမ်းကျင် သင်တန်းသားVisa နဲ့သွားမယ်ဆိုရင်တော့ အလုပ်ရှင်ရဲ့ ရွေးချယ်ခန့်အပ်ခြင်းအပေါ်မူတည်ပြီးတော့ လုပ်ငန်းနဲ့ကိုက်ညီတဲ့အနေအထားရှိသူတွေကို ပိုပြီးရွေးချယ်ကြပါတယ်

🌸ဘိုးဘွားစောင့်ရှောက်ရေး
🌸ကားပစ္စည်းထုပ်ပိုးရေး
🌸စိုက်ပျိုးရေး
🌸အဆောက်အအုံသန့်ရှင်းရေး

ဒီလိုအလုပ်တွေနဲ့အများဆုံးသွားကြပါတယ်။ အသက် 30 ပတ်ဝန်းကျင်ဆိုတာက အသက်အရွယ်အရရော ခန္ဓာကိုယ် ကြံခိုင်မှုအပိုင်းမှာရော အကောင်းဆုံးအရွယ်မို့ ဂျပန်စာလည်းရမယ်၊ လုပ်ငန်းအတွေ့အကြုံလည်းရှိမယ်၊ ခိုင်မာတဲ့ ရည်မှန်းချက်တွေလည်း ရှိတယ်ဆိုရင် အသက်30ဝန်းကျင်တွေကို လုပ်ငန်းရှင်တွေက ပိုပြီးသဘောကျ ရွေးချယ်ကြတာများပါတယ်။

စက်ရုံ အလုပ်ရုံ ဆောက်လုပ်ရေးလုပ်ငန်းတွေမှာတော့ များသောအားဖြင့် လုပ်ငန်းရှင်များအနေနှင့် အသက်အရွယ် ကန့်သတ်ထားတာမျိုး မရှိပဲ ဂျပန်စကား ကျွမ်းကျင်စွာ တတ်မြောက်မယ် ၊ ခန္ဓာကိုယ် အချိုးအစားက မိမိလုပ်ငန်းနှင့်ကိုက်ညီမယ်၊ ချမှတ်ထားတဲ့ စည်းကမ်းတွေလိုက်နာနိုင်လောက်မယ်၊ ပေါင်းသင်းဆက်ဆံရေးကောင်းမွန်မယ်၊မိမိလုပ်ငန်းခွင်မှာ ရည်ရှည် လုပ်ကိုင်နိုင်မယ်သက်ဆိုင်ရာလုပ်ငန်းမှာ အတွေ့အကြုံရှိတဲ့သူဆို ရွေးချယ်ကြလေ့ရှိပါတယ်။

ချွင်းချက် အနေနဲ့ကတော့ အရည်အချင်းတူ ဂျပန်စာ တတ်မြောက်မှု အဆင့်ခြင်းလဲ တူညီပြီး တခြားသော ကိုယ်ရည်ကိုယ်သွေးလဲ တူညီတယ် ဆိုရင်တော့ အများအားဖြင့် ဂျပန်အလုပ်ရှင်တွေဘက်က အသက်ငယ်သူကို ပိုမိုရွေးချယ်ပါတယ်။
ဒါကြောင့် အသက် 30 ကျော်သူတွေအနေနဲ့ ဂျပန်သွားဖို့ အခွင့်အရေးတွေ ရှိနေတာမို့ စိတ်ဓါတ်မကျပဲ မိမိရဲ့လိုအပ်နေတာတွေကို အစွမ်းကုန် ကြိုးစား ပြင်ဆင်သင့်ပါတယ်။

ဒီတော့ ဆာကူရာမြေကိုအရောက်သွားဖို့က သင့်ရဲ့အိပ်မက်ပန်းတိုင်ပါဆိုရင်တော့

✅ ဂျပန်စာကိုသေချာတတ်မြောက်အောင်သင်ပေးနိုင်ပြီး

✅စိတ်ချရတဲ့Agencyနဲ့ချိတ်ဆက်ပေးထားတဲ့ကျောင်းမျိုးမှာ
အိပ်မက်တွေကိုအခုပဲအကောင်အထည်ဖော်လိုက်ပါ🌸🌸🌸

ဆက်သွယ်ရန်

📞09 785556296
📞09 783336296

လိပ်စာ🏠 - တိုက်အမှတ် 14/17, အခန်းအမှတ် B2, ကမာကြည်လမ်း, သင်္ကန်းကျွန်း။



#ဂျပန်သွားမယ် #ဂျပန်စာသင်တန်း